المجموعه خسرتني اليوم!!!!

[مسااااااااهم]

هذه الحالة صارت لي اكثر من مرة وبالعكس ما كنت الوم الوسيط بقدر ما لمت نفسي على التسرع في اعطاء اوامر البيع وبالسعر الداون وخاصة عند تذبذب الاسعار ..
الله يعوضك اخوي وبالعكس تقدر تلحق بالركب وتحاول تشتري غداً .

[mounir7874]

شباب كما تعرفون امس اغلب الشركات لمت داون وكانت الوقود ب 153 عروض بدون طلب وانا اقسم بالله العظيم اني حطيت اليوم قبل فترة التداول عرض الوقود بسعر 147 خوفا منه اذا نزل من الممكن ان ينزل الى 145 ولا استطيع البيع بسبب كثرة العروض واذا ارتفع عن ال 153 مايتنفذ الطلب
ولاكني انصدمت الحين اليوم المجموعه طرشتلي مسج بيع الوقود على 153 ؟؟؟؟؟؟؟
هل هذي لعبه منهم وعلى اي اساس وانا حاط العرض على 147؟؟؟؟؟؟؟؟؟؟

ولما اتصلت بالمسؤول مالهم قالي مبروك !!! قتلهم اي مبروك الله هداكم الحين سعره في السوق 161 ريال وانا عارضه على 147 كيف ينباع ؟؟؟
الا اقولي بكل برود هذي خدمة العميل اذا حط طلب سعر ماينباع الا عليه او اكثر!!!!!!
من متى طلع هال القرار؟؟؟
وبالعكس هذي مو خدمة العميل هذي خسارة العميل
عيل وش تستفيد من الارقام الي تحطها

أنا مش فاهم ليش انت معصب وزعلان ؟
فين الخسارة اللي بتقول عليها؟ يعني لو كنت بعت على 147 وبعد نص ساعة طلع السعر كنت هاتقول ايه ؟
احمد ربك على رزقك واتعظ من اللي باعوا على الليمت داون اليوم وخصوصاً في المتحدة والعقارية والسلام
اللهم لك الحمد كما ينبغي لجلال وجهك وعظيم سلطانك

[سهم طايح]

اعتقد كلام الاخ سنيك صحيح

الريال هامور !

عليه يالربع

[فلان]

ماقول الا الله يعينكم اذا سار التداول الالكتروني وكان فيه كل انواع الاوردرز
شر البلية مايضحك

[القبقب]

اسمحلي يا الغالي بان اقول بانك رافض للنعمه لانك كنت راضي ببيع اسهمك باقل من 153 وهو 147
افترض انهم قالو لك خذ المبلغ الناتج عن بيع اسهمك بقيمت 147 وسوف ناخذ 6ريال على كل سهم من عدد الاسهم هل كنت بتوافق على هذا الشي
ارجو ان تكون اجابتك بكل صراحه
مع احترامي لك

الي صار لك كله طبيعي زي ماقالو الأخوان

[asalam]

أنا مش فاهم ليش انت معصب وزعلان ؟
فين الخسارة اللي بتقول عليها؟ يعني لو كنت بعت على 147 وبعد نص ساعة طلع السعر كنت هاتقول ايه ؟
احمد ربك على رزقك واتعظ من اللي باعوا على الليمت داون اليوم وخصوصاً في المتحدة والعقارية والسلام
اللهم لك الحمد كما ينبغي لجلال وجهك وعظيم سلطانك

الاخ يقصد عدم البيع اذا كان السهم طالع اما اذا نزل السهم فالبيع يكون عند 147 وده اسمه stop loss order ومش موجود فى قطر

[fofo]

i agree with bonassir , i think you should be glad than sorry ,, you are getting a better price on that deal ,
if you really did not want to sell it ,, then you should not offered it ,,,
my advise to you ,, " know what you are doing before you do it ,"
its all the same with all brokers ,, this thread should be deleted
thanx and god bless

[bukhalid]

كلنا نعرف اوردرات وقف الخسائر اعزائي لكن الاجدر بالمساهم الي يتعامل في سوق معينه يعرف قوانينها واحكامها ولا يعتقد ان الي براسه هو الي بيسير. بورصتنا فيها مجال كبير للتعديل لكن فالحقيقة ان الي سار كان في مصلحتك عزيزي.

وفالنهاية اخوي مثل ماقالو الشباب كان السوق واضح بيطلع من فترة ما قبل التداول وانا عندك مثال حطيت اوردر شراء وقود على المت اب قبل فتح السوق بدقيقتين. وشريت على سعر 153 . والفكره عزيزي مش اني افوشر او اني اقولك اني فنان بس لازم تعرف طرق التداول في السوق قبل لا تدخل لانك فالنهاية تغامر بحلالك.واكيد كلنا نبغي نربح ونشتري باقل سعر ونبيع باعلى سعر .لكن فالنهاية واحد بيربح والي بيربح على حساب واحد خسر او مضطر يبيع.

قول الحمد لله وبالتوفيق لك المرات الجاية.

[شامخ قطر]

اعتقد رد الاخوان كافي ووافي
والله يوفق الجميع

[ولد البلد]

انتوا جوفي العمولات اللي تاخذها المجموعه وبعدين تكلموا عن الstop loss order!
والله صغار المستثمرين هم المظلومين.
الله يعينك اخوي كاتب الموضوع.

عمولات مرتفعة...
تلفونات مشغولة...

بالنسبة للمضارب اليومي أود أن أسأل:
وين تقدر تربح في سوق محتاج سرعة اتخاذ القرار وسرعة التنفيذ؟
وين تقدر تربح في سوق ما يعترف بطلبات وقف الخساره؟
وين تقدر تربح والعمولات مرتفعه؟

الاستثمار المتوسط الأجل هو الحل.