بغيت أعمل صيانة للبيت بلاط و صبغ وتغيير السيراميك
فمادري سمعت فيه مكتب في طريق سلوى تابع لشركة قطر للأسمنت
أيش المطلوب هل لازم أروح البلدية وأطلع ورقة صيانة ولا يعطوني
بالبطاقة الشخصية . وكم كيس ممكن أحصل ( 100 كيس ) ولا أكثر
وأذا قدمت ممكن بعد كم يوم استلم أخوكم متوهق فالرجاء المساعدة
تروح لهم شخصيا وتودي معاك شهادة بناء او شهادة صيانه وبطاقتك الشخصية وتدفع لهم بالبطاقة واستلم الايصال للمصنع في ام باب يمكن تستلم بعد 10 ايام او اكثر حسب الضغط عنهم
تروح لهم اخوي وموقعهم عند دوار مدماك سابقآ
ومايحتاج رخصة بناء او صيانه بالبطاقه الشخصيه
ممكن يعطونك حتى 100كيس واذا ماعطوك ادخل
على المسوال واسمه حمد النعيمي والرجال وجهه ابيض
مع اهل قطر ولا راح يردك وانت طالع عطها البتان الي عند الباب
وتحميلهم وتنزيلهم ياخذون من 350 الى 450 وانت وشطارتك في المكاسر
موفق خير اخوي
"اللهم اغفر لي ، و لوالدي ، و للمؤمنين ، و المسلمين ، يوم يقوم الحساب"
المشاركة الأصلية كتبت بواسطة ابـو مــحــــمـــــد
اللهم لك الحمد كما ينبغي لجلال وجهك وعظيم سلطانك
للأسف رحت لهم بالبطاقة وطلبوا رخصة صيانة
كلمت مسئوالهم النعيمي
"اللهم اغفر لي ، و لوالدي ، و للمؤمنين ، و المسلمين ، يوم يقوم الحساب"
موفقين
للأسف قالو مب موجود
مر عليهم وصدقني مراح يردك خايب
"اللهم اغفر لي ، و لوالدي ، و للمؤمنين ، و المسلمين ، يوم يقوم الحساب"
بالتوفيق
ضوابط المشاركة
رد مع اقتباس