المجموعه والشيك المستعجل الغير قابل للصرف

[Qatari 1980]

اخوي عندك حساب في بنك الدوحة؟؟؟؟

نعم حسابي في بنك الدوحه

الحساب اللي في بنك الدوحه حساب جاري

على فكره فيه فكره ثانيه اذا بغيتوا تودعون الشيك وتسحبونه في نفس الوقت ...

شوفوا لكم فرع من فروع بنك الدوحه مفتوح في المسا مثل : فرع المنطقه الصناعيه ( جنب الفحص الفني ) أو فرع مشيرب أو فرع النصر
وقول لهم أبي أفتح حساب بس لازم تجيب معاك البطاقه الاصليه لأنهم ما يقبلون جواز السفر أو رخصة السواقه ....

بعدها تقدر تودع الشيك وتسحبه من نفس الفرع ...

لاحظوا قلت من نفس الفرع لان عند فتح الحساب راح يخلونك توقع علشان يدخلون توقيعك للسيستم عندهم وهذا يأخذ له أسبوع أو اسبوعين ...
علشان كذا اسحب دايماً الفلوس من نفس الفرع اللي فتحت فيه الحساب
ولو رحت فرع ثاني راح يقولون لك التوقيع ماهو في السيستم ولا نقدر نخليك تسحب الا لما يجي فاكس من فرعك اللي أنت فيه بالموافقه على السحب .. ( صارت كثير لي )

[قطر]

اي انا اقول ليش عطوك كاش لان حسابك في بنك الدوحة وانا ماابي افتح حساب في الدوحة

هذه خطه اجباريه من بنك الدوحة لفتح الحسابات بالتعاون مع المجموعه

[Qatari 1980]

اي انا اقول ليش عطوك كاش لان حسابك في بنك الدوحة وانا ماابي افتح حساب في الدوحة

هذه خطه اجباريه من بنك الدوحة لفتح الحسابات بالتعاون مع المجموعه

أخوي طيب وين المشكله ؟؟؟

الشيك مكتوب عليه يودع في حساب المستفيد الأول
يعني لازم تحطه في حسابك وبعدين تسحبه
اذا أنت ما عندك حساب في بنك الدوحه كيف تقدر تسحبه وتودعه في نفس الوقت ؟؟؟

لو افترضنا ان بنكك هو بنك قطر الوطني
تستلم الشيك وتروح أقرب فرع للبنك وتقول لهم أبي أودع هالشيك
وانت واقف على الكاونتر في نفس الوقت أطلب انك تسحب المبلغ من حسابك

في بعض الأحيان ( أقول البعض ) يقولك انتظر على الأقل ربع ساعه علشان ينزل في حسابك

وهذا شي عادي لكن يستحيل واحد يقولك تعالي بعد 24 ساعه علشان تستلم الشيك ...


المشكله في شيء واحد بس

المشكله أن أغلب الشيكات ( مش الكل ) تصدر في المساء
وكثير من البنوك ما عندها فروع تفتح في المساء وعلى سبيل المثال البنك الأهلي ( على حسب علمي )


وبهالحاله راح تضطر تنتظر لين ثاني يوم علشان تروح البنك اللي حسابك فيه علشان تودع المبلغ وتسحبه في نفسي الوقت



انشاء الله تكون المعلومه وصلت للجميع
وهذي الحركه مالها اي علاقه ببنك الدوحه
لأن المجموعه هي اللي تصدر الشيكات وهي اللي تحط شرط ايداع المبلغ في حساب العميل

وبيني وبينك هذي تحد من مشكلة صرف الشيكات اللي بأسامي الغير ...
وفي نفس الوقت تحد من الزحمه اللي صايره في المجموعه وأنتوا بنفسكم شفتوا الزحمه قبل شلون ...

[أجنبي]

السلام عليكم...
بصراحة أنا تضررت كثيراً من هذا الإجراء ...
حدث لي موقف من أسبوع تقريباً ...
كنت محتاج مبلغ من المال بشكل ضروري ...

بعت بعض الأسهم بخسارة لأني كنت محتاج ...
المهم ... طلبت شيك مستعجل ورحت أستلمه في المساء ...
وقالي الموظف لازم تودع الشيك في حسابك ... رحت لبنك قطر الوطني -فرع المول- وأودعت الشيك , وكان يوم أربعاء ...وثاني يوم تفاجأت إنه الشيك ما نزل بحسابي ... راجعت البنك ,قاي الموظف هناك إنه البنك الي بفرع المول تتأخر فيه الشيكات لمدة يوم أو يومين ..لأنه لازم يجمعون الشيكات ويرسلونها للفرع الرئيسي ...ومر اليوم بدون ما أستلم الشيك ...ونطرت لين يوم الأحد لين ما نزل الشيك ...وتخيلوا مدى الضرر الي لحق بي من هذا التأخير ...
وأخيراً ...نصيحه لا تودعوا الشيكات في فرع المول لأنها تتأخر كثيرا ...وشكراً

[قطر]

كتاب الذكريات

بنكي يسمح لي اودع الشيك واصرفه بعد ربع ساعه عادي

بس احنا انتكلم عن صفة الشيك المستعجل المفروض دام هم ياخذون عموله انهم يسمحون بصرفه في نفس اليوم كاش بدون هالختم الجديد

صحيح ايخفف الزحام لكن يمكن تطبيق هذا الامر على الشيكات الغير مستعجله ،،

ثم ان المجموعه صحيح هي اللي حاطه الختم لكن لمصلحة من ؟؟
لمصلحة البنك نفسه ،، ولاتقول لي مافي تعاون بينهم ،،

لكن الله كريم ماراح نطلب شيك مستعجل وهم الخسرانين في العموله

[قطر]

أجنبي

الله ايعينك الظاهر ان فرع المول ماعنده الصلاحيات الكامله ومافي عليه اقبال لذلك يستخدمون هالطريقة

اما البنوك الثانيه عادي في ربع ساعه المبلغ في حسابك

ياهلا بك

[Qatari 1980]

السلام عليكم...
بصراحة أنا تضررت كثيراً من هذا الإجراء ...
حدث لي موقف من أسبوع تقريباً ...
كنت محتاج مبلغ من المال بشكل ضروري ...

بعت بعض الأسهم بخسارة لأني كنت محتاج ...
المهم ... طلبت شيك مستعجل ورحت أستلمه في المساء ...
وقالي الموظف لازم تودع الشيك في حسابك ... رحت لبنك قطر الوطني -فرع المول- وأودعت الشيك , وكان يوم أربعاء ...وثاني يوم تفاجأت إنه الشيك ما نزل بحسابي ... راجعت البنك ,قاي الموظف هناك إنه البنك الي بفرع المول تتأخر فيه الشيكات لمدة يوم أو يومين ..لأنه لازم يجمعون الشيكات ويرسلونها للفرع الرئيسي ...ومر اليوم بدون ما أستلم الشيك ...ونطرت لين يوم الأحد لين ما نزل الشيك ...وتخيلوا مدى الضرر الي لحق بي من هذا التأخير ...
وأخيراً ...نصيحه لا تودعوا الشيكات في فرع المول لأنها تتأخر كثيرا ...وشكراً

اذا هنا المشكله في البنك اللي حسابك فيه أو بالتحديد الفرع اللي رحت له

أنا أمس أودعت شيك لأخوي ( غير شيك المجموعه ) وبلغوني أن الشيك يحتاج له يوم أو يومين بس الصراحه ما سألتهم عن السبب لان أخوي ما كان محتاج للمبلغ ضروري ...

[Qatari 1980]

كتاب الذكريات

بنكي يسمح لي اودع الشيك واصرفه بعد ربع ساعه عادي

بس احنا انتكلم عن صفة الشيك المستعجل المفروض دام هم ياخذون عموله انهم يسمحون بصرفه في نفس اليوم كاش بدون هالختم الجديد

صحيح ايخفف الزحام لكن يمكن تطبيق هذا الامر على الشيكات الغير مستعجله ،،

ثم ان المجموعه صحيح هي اللي حاطه الختم لكن لمصلحة من ؟؟
لمصلحة البنك نفسه ،، ولاتقول لي مافي تعاون بينهم ،،

لكن الله كريم ماراح نطلب شيك مستعجل وهم الخسرانين في العموله

أخوي قطر انا معاك في اللي قلته

لكن بكل صراحه من حق المجموعه و بنك الدوحه أنهم يدورون على مصلحتهم ومصلحة عملائهم

أول شي هل أنت شفت الزحمه شلون قبل العيد في استلام الشيكات ؟؟
هل شفت الزحمه شلون قبل على كاونترات بنك الدوحه ؟؟
ولا تنسى المشاكل اللي تحصل في صرف الشيكات
لو الشيك ما يكتب عليه ( يودع في حساب المستفيد الاول ) كان شفنا كثير من الاشخاص اللي يبيعون بأسامي غيرهم وتكون لهم علاقات في البنك ويوقع بدال العميل ويستلم الفلوس كاش ولا تقولون لي هذي ما تصير ... هذي أشوفها دايماً وأشوفها قدامي
في هالحاله ما راح يكون فيه احتيال ....

أنا صراحه أشوف هالقرار ايجابياته أكثر من سلبياته .. والناس في النهايه راح يتعودون على هالنظام واللي يشوف أنه صعب عليه خل يفتح له حساب في بنك الدوحه ( حساب توفير ) ويريح نفسه وبلاش هالتعب ....


هذي وجهة نظري وأنا احترم وجهة نظرك

[الواعد]

السلام عليكم

لو حبيت افتح حساب توفير في بنك فهناك مشكلة المبلغ الأقل

اللي لازم يكون موجود على طول في حساب مثل 1000 ريال

سؤالي : ايش افضل بنك اللي محدد مبلغ اقل من ألف ريال كرصيد للتوفير ؟؟؟؟

مثلا لواحد يقول لي هالبنوك كم محددة لرصيد التوفير :-

البنك الدولي الإسلامي

مصرف قطر الإسلامي

بنك الدوحة

بنك قطر الوطني

س2 : لو كان الرصيد الواجب توفره مثلا 1000 ريال واخذت من الألف 200 ريال

واصبح الرصيد 800 ريال هل كل شهر سوف يسحب منه 10 ريال ؟؟؟؟

س3 : هل لو سحبت الرصيد بالكامل بيتصكر الحساب ؟؟؟


ارجو التوضيح وشكرا

[Qatari 1980]

السلام عليكم


س3 : هل لو سحبت الرصيد بالكامل بيتصكر الحساب ؟؟؟


ارجو التوضيح وشكرا

عليكم السلام والرحمه

أخوي أنا راح أجاوبك على السؤال الثالث لاني متأكد من الجواب

طبعاً الحساب ما يتقفل الا اذا كان الحساب لأكثر من شهرين بدون اي عملية سواء ايداع أو سحب ..

أنا كان عندي حساب توفير في بنك الدوحه وما استخدمته الا مره وحده ونسيته لفتره أكثر من 6 شهور ويوم احتجت له قالوا لي الحساب تقفل ...

طبعاً تقفيل الحساب يتم تلقائياً عن طريق السيستم وما تقدر تفتح نفس الحساب والحل هو فتح حساب جديد ..



بالنسبه لسؤالك الأول : الأفضل انك ترجع وتسأل البنوك نفسها ....