المجموعه والشيك المستعجل الغير قابل للصرف

[ولد المعاضيد]

مرحبا شباب..
قبل العيد بيومين تقريبا صرفت شيك مستعجل..
وخذوا مني 30 ريال..عشان في نفس اليوم بعت اسهم الصبح وطلعت شيك فالليل..

بس اذا تعرفون حد داخل المجموعه ترى ممكن يطلع لك الشيك بدون عموله..

السالفه كلها لعبه..ويبون يستغلون العميل بأي طريقه..

تحياتي

[Qatari 1980]

نسيتوا العموله الكبيره الغير مبرره على الشيك المستعجل يخصمون عموله كبيره واذا ماترضا
يعطونك شيك متأخر ثلاثة ايام علشان هم يستثمرون فلوسك لصالحهم
وفوق هذا كله مايعطونك العموله المرتجعه مثل باقي الشركات
في اعتقادي ان الغرور الي وصلوا له المجموعه يخليهم يحاولن اذلال العميل
وهذه تصرفات نابعه عن قرارات صبيانيه للأسف تدل على ضعف المستوى الثقافي لأصحاب المجموعه

أخوي .. ليس دفاعاً عن المجموعه

لكن صرف المبلغ بعد عملية البيع ما يكون الا بعد 3 أيام
وهذي مع جميع شركات الوساطه ...
طبعاً هذي قوانين سوق الدوحه للأوراق الماليه ( البورصه )

يعني هالفتره لا يتم اسثمار المبلغ لصالح المجموعه .. ماهو مثل ما أنت تفضلت

[Qatari 1980]

مرحبا شباب..
قبل العيد بيومين تقريبا صرفت شيك مستعجل..
وخذوا مني 30 ريال..عشان في نفس اليوم بعت اسهم الصبح وطلعت شيك فالليل..

بس اذا تعرفون حد داخل المجموعه ترى ممكن يطلع لك الشيك بدون عموله..

السالفه كلها لعبه..ويبون يستغلون العميل بأي طريقه..

تحياتي

أخوي عملية البيع والشراء ياخذون منها فايده 4 من الألف
وما تقدر تستلم المبلغ الا بعد ثلاث أيام من عملية البيع ...

هذا القانون معمول به مع جميع شركات الوساطه

لكن المجموعه مسويه خدمه لعملائها وهي استلام المبلغ في نفس اليوم
بس ياخذون الفايده مضاعفه ...

يعني بدل ما يأخذون 4 من الألف ... يأخذون منك 8 من الألف

والزياده هذي .. يأخذونها منك لانهم يصرفون لك المبلغ مباشره من حساب المجموعه بدل ما تنتظر 3 أيام ..


وأنت منت مجبر على الشيك المستعجل

تقدر تنتظر 3 أيام مثل ماهو متبع في جميع شركات الوساطه ...

[المخلب]

حسبي الله عليهم اجل وهقوكم

ههههههههههه

هو في مره سوو شئ الا وطلعت وراها مشاكل

الله المستعان

[قطر]

اول مرة
ولو رفعت صوتك وقلت يا ؟؟؟؟؟ الشيك باسم
كان قال لك حاضر ياسيدي

توهم حاطين القرار ،، والامر مب بيد البنك لان ختم المجموعه واضح

وتلقى عذرهم حتى لا يصرف لغير العميل .

هلا بك

قطرية
تعرف سووها فيني قبل لايوقفون التداول قبل العيد قبل لاتسكر المجموعه بيوم بعت الصبح وطلبت شيك مستعجل على اساس اني اخلص اغراض العيد الا كاتبين على الشيك ماينصرف وقالوا لي روحي بنكج وسوي ايداع حق الشيك وهم بيصرفون

الصراحه رفعوا ضغطي الله ياخذهم على هالقرارات اللي يطلعونها لا والقهر انه كان قبل العيد والعالم زحمه ومافي مجال

صدقتي ايوهقون العالم الواحد ماطلب شيك مستعجل الا لانه يبيه في نفس اليوم

ll vip ll


نفس الحالــــــــــــــــه

صدقت قهــــــــر

الشراكة :صادتني هاي بعد بس اصلاً كنت مب صارف الشيك بس بأودعة في الحساب ..

بس الصراحة فيها ميزة ان اتحطة في الاحساب على طول .. بس عندي فكرة أحسن بعد ان يكون تعاون اكثر من بنك الدوحة على اعطاء اي مساهم يبغي شيك مستعجل ان يكون الصرف من حساب المجموعة لدى بنك الدوحة على طول يعني يعطونك كاش ..

كل الشيكات اخوي تنودع في الحساب ،، لكن احنا طلبنا شيك مستعجل للصرف كاش

تخيل لو بنكك مايفتح فليل او تأخرت عليه وانت تبي الفلوس اليوم

المفروض يعطون كاش دام هو مستعجل بغض النظر عن الفرع

ابوبدر:أصبروو,,,, الدلاله جاية في الطريق وبيكون شغلها عجيب..

الدلالة تابع لشغل البنوك وانا مجرب شغل البنوك ،، لا يأتي نقطة في بحر المجموعه هذي الصراحه

الموج: عليكم السلام ورحمة الله وبركاته
حتى معي حصل نفس الذي حصل معك
والمشكلة إذا رحت للبنك الذي حسابك عليه واودعت الشيك ماتقدر تسحبه في نفس الوقت.
ملينا والله كل يوم تجيب لنا المجموعة قانون جديد ومش في مصلحتنا

صدقت والله ،، هنذا القهر المفروض عيل ينسون شي اسمه عمولة شيك مستعجل لان الصفه طاحت عنه اصلا

انزين اذا واحد ما عنده رقم حساب في البنك عيل وش بيسوي ؟؟؟

يودعه في بنكه الخاص

الكعبي:هلا قطر

سووها فيني حسبي الله عليهم

ليلة العيد

وقلت للموظف شالفايدة من المستعجل

اذا لازم اودع الشيك في حسابي

الحل

انك تفتح خساب في الدوحة وتخليه لشيكات المجموعة بس

وهذا اللي يبون يوصولون له بنك الدوحة

انك تفتح حساب عندهم

ومادري المجموعة ليش وافقت على هالاجراء

..!!!

مصالح مشتركه فيدني ،،، أفيدك ،،

تخيل لو بنك يطلب ودك في كل شي ،، وانت تعطيه قطرة

قطري صريح:نسيتوا العموله الكبيره الغير مبرره على الشيك المستعجل يخصمون عموله كبيره واذا ماترضا
يعطونك شيك متأخر ثلاثة ايام علشان هم يستثمرون فلوسك لصالحهم
وفوق هذا كله مايعطونك العموله المرتجعه مثل باقي الشركات
في اعتقادي ان الغرور الي وصلوا له المجموعه يخليهم يحاولن اذلال العميل

((نتمنى النقاش في محور الموضوع والبعد عن التجريح الشخصي بأصحاب الشأن))

اخوي هناك التباس في الموضوع يمكن :هذي تجاره افتحوها للكسب ،،

الشيك المتأخر 3 ايام هذا شيك عادي ،، يتبع قوانين البورصة وعمليات المقاصه ،،

في حين ان الشيك المستعجل يعطى لك من حساب المجموعه الشخصي
وبذلك انت اتخسرهم يومين لعدم استغلالهم هذا المبلغ ،،

هناك مايسمى بالقيمة الزمنية للنقود وهذه سياسه تجارية وهي سليمه 100%

والعمولة المرتجعه يعطونها لكن على حسب تداولك ،، ومب كل شركة تعطيك العمولات المرتجعه

واتمنى البعد عن التجريح الشخصي فهذا لا يجوز انما نحن نتكلم على نقطة معينه وليس شخص معين

شكرا لك.

ولد المعاضيد:مرحبا شباب..
قبل العيد بيومين تقريبا صرفت شيك مستعجل..
وخذوا مني 30 ريال..عشان في نفس اليوم بعت اسهم الصبح وطلعت شيك فالليل..

بس اذا تعرفون حد داخل المجموعه ترى ممكن يطلع لك الشيك بدون عموله..

السالفه كلها لعبه..ويبون يستغلون العميل بأي طريقه..

تحياتي

30 ريال هي العموله بحد ادنى ،، والعمولة الاساسية 2.5%

صدقني مافي شيك بدون عموله كل شي محاسبين عليه

===============

كتاب الذكريات أؤيد كلامك في النقاط التي ذكرتها

المخلب: حسبي الله عليهم اجل وهقوكم

ههههههههههه

هو في مره سوو شئ الا وطلعت وراها مشاكل

الله المستعان

مانقول الا الله كريم


شاكر لكم تجاوبكم

[قطري صريح]

واتمنى البعد عن التجريح الشخصي فهذا لا يجوز انما نحن نتكلم على نقطة معينه وليس شخص معين
اخي / قطر
شكرا لك على التنبيه
لكن ما قصدت من كلامي تجريح احد القصد هو توضيح اسلوبهم حسب رؤيتي لها

[Bu3ly]

السلام عليكم ورحمة الله وبركاته

بتكلم عن الشيك المستعجل لاني طلبت واحد ،، فماادري عن الشيك العادي

هل حد منكم طلب شيك مستعجل هالايام؟؟

طلبت شيك مستعجل،، استلمته عادي لازحمه ولا هم يحزنون

رحت اصرفه من الفرع الموجود في المجموعه

((طبعا ماقريت الا الرقم اللي على الشيك))

قالوا لي لا لازم تودعه في حسابك اول مره هالطلب

الا اذا عندك حساب ببنك الدوحة طبعا ماعندي

قالوا خلاص مانصرفه لك

اوكي اليوم الخميس والساعه 6:30

قلت خلني اروح فريج النصر يمكن هناك اوكي

تفاجأت بالموظف هناك ايقولي نفس الكلام

لكن مع زياده صغيره وفي نفس الوقت كبيره لاني مانتبهت لها

الا وهي ختم من المجموعه فوق الشيك بان الشيك يودع فقط في حساب العميل


يعني هذا اجراء بالله عليكم

ليش عيل انا طالبه مستعجل

عشان اودعه في حسابي

الحمدلله بنكي مفتوح ورحت وخذوا توقيعي وهم قالوا بيتولون الباقي

لكن اسلوب مب حلو من المجموعه
اشرايكم شباب ومن صادفه اللي صادفني

اذا بنكك غير بنك الدوحة صار الشيك المستعجل ماله أي فايده ..

لان مردك راح تودع الشيك في حسابك (اذا كان غير بنك الدوحة) وشي طبيعي الشيك يدخل في الحساب اليوم الثاني أي بعد 24 ساعه لأنه شيك من بنك آخر ..

اما اذا عندك حساب فاتحه ببنك الدوحة .. بتسهل امورك .. ومب شرط يكون حسابك نشيط .. خله بس لامور البورصة ..

كل يوم المجموعة مظهرين لنا بنود جديدة .. وما ادري تصب في صالح من؟

[Qatari 1980]

اذا بنكك غير بنك الدوحة صار الشيك المستعجل ماله أي فايده ..

لان مردك راح تودع الشيك في حسابك (اذا كان غير بنك الدوحة) وشي طبيعي الشيك يدخل في الحساب اليوم الثاني أي بعد 24 ساعه لأنه شيك من بنك آخر ..

اما اذا عندك حساب فاتحه ببنك الدوحة .. بتسهل امورك .. ومب شرط يكون حسابك نشيط .. خله بس لامور البورصة ..

كل يوم المجموعة مظهرين لنا بنود جديدة .. وما ادري تصب في صالح من؟

اخوي فعلاً لو كان عندك حسب في بنك الدوحه يكون أفضل

لكن حتى لو أودعت الشيك في بنك ثاني .. يحتاج له بالكثير ساعه أو ساعتين

ويمكن خلال نص ساعه يكون في حسابك ...

لكن المشكله لو انك استملت الشيك العصر من المجموعه
والبنك اللي حسابك فيه ما يفتح العصر ...
هذي تبقى مشكلة بنكك والخدمات اللي يقدمها
وبكذا راح تضطر تنتظر لين صباح اليوم الثاني حتى تصرف الشيك

[Bu3ly]

لكن المشكله لو انك استملت الشيك العصر من المجموعه
والبنك اللي حسابك فيه ما يفتح العصر ...
هذي تبقى مشكلة بنكك والخدمات اللي يقدمها
وبكذا راح تضطر تنتظر لين صباح اليوم الثاني حتى تصرف الشيك

3aleek noor
mathalan el bank el ahli meshkeltah meshkela mayefta7 el 3a9er o teth6ar tentether la thani yoom

wallah ya5ooy netmana el nathar fe hal meshkela

[Qatari 1980]

3aleek noor
mathalan el bank el ahli meshkeltah meshkela mayefta7 el 3a9er o teth6ar tentether la thani yoom

wallah ya5ooy netmana el nathar fe hal meshkela

معنى هالشي أن المشكله فعلاً من البنك اللي أنت تتعامل معاه

البنك ما يفتح الا الصباح وفي الايام العمل الرسميه
لكن فيه بنوك مثل بنك قطر والدوحه يفتحون طول أيام الاسبوع وعلى فترتين يومين

وألحين أشوف بنك قطر الدولي الاسلامي و مصرف قطر الاسلامي قاموا يشغلون بعض فروعهم العصر ...


يعني بالعربي لو بنكك كان فاتح وقتها كان قدرت تودع الشيك وتصرفه خلال نص ساعه ...