المجموعه والشيك المستعجل الغير قابل للصرف

[قطر]

السلام عليكم ورحمة الله وبركاته

بتكلم عن الشيك المستعجل لاني طلبت واحد ،، فماادري عن الشيك العادي

هل حد منكم طلب شيك مستعجل هالايام؟؟

طلبت شيك مستعجل،، استلمته عادي لازحمه ولا هم يحزنون

رحت اصرفه من الفرع الموجود في المجموعه

((طبعا ماقريت الا الرقم اللي على الشيك))

قالوا لي لا لازم تودعه في حسابك اول مره هالطلب

الا اذا عندك حساب ببنك الدوحة طبعا ماعندي

قالوا خلاص مانصرفه لك

اوكي اليوم الخميس والساعه 6:30

قلت خلني اروح فريج النصر يمكن هناك اوكي

تفاجأت بالموظف هناك ايقولي نفس الكلام

لكن مع زياده صغيره وفي نفس الوقت كبيره لاني مانتبهت لها

الا وهي ختم من المجموعه فوق الشيك بان الشيك يودع فقط في حساب العميل


يعني هذا اجراء بالله عليكم

ليش عيل انا طالبه مستعجل

عشان اودعه في حسابي

الحمدلله بنكي مفتوح ورحت وخذوا توقيعي وهم قالوا بيتولون الباقي

لكن اسلوب مب حلو من المجموعه
اشرايكم شباب ومن صادفه اللي صادفني

[KhalidQ]

اول مرة
ولو رفعت صوتك وقلت يا ؟؟؟؟؟ الشيك باسم
كان قال لك حاضر ياسيدي

[قطريه فديتني]

السلام عليكم ورحمة الله وبركاته

بتكلم عن الشيك المستعجل لاني طلبت واحد ،، فماادري عن الشيك العادي

هل حد منكم طلب شيك مستعجل هالايام؟؟

طلبت شيك مستعجل،، استلمته عادي لازحمه ولا هم يحزنون

رحت اصرفه من الفرع الموجود في المجموعه

((طبعا ماقريت الا الرقم اللي على الشيك))

قالوا لي لا لازم تودعه في حسابك اول مره هالطلب

الا اذا عندك حساب ببنك الدوحة طبعا ماعندي

قالوا خلاص مانصرفه لك

اوكي اليوم الخميس والساعه 6:30

قلت خلني اروح فريج النصر يمكن هناك اوكي

تفاجأت بالموظف هناك ايقولي نفس الكلام

لكن مع زياده صغيره وفي نفس الوقت كبيره لاني مانتبهت لها

الا وهي ختم من المجموعه فوق الشيك بان الشيك يودع فقط في حساب العميل


يعني هذا اجراء بالله عليكم

ليش عيل انا طالبه مستعجل

عشان اودعه في حسابي

الحمدلله بنكي مفتوح ورحت وخذوا توقيعي وهم قالوا بيتولون الباقي

لكن اسلوب مب حلو من المجموعه
اشرايكم شباب ومن صادفه اللي صادفني

تعرف سووها فيني قبل لايوقفون التداول قبل العيد قبل لاتسكر المجموعه بيوم بعت الصبح وطلبت شيك مستعجل على اساس اني اخلص اغراض العيد الا كاتبين على الشيك ماينصرف وقالوا لي روحي بنكج وسوي ايداع حق الشيك وهم بيصرفون

الصراحه رفعوا ضغطي الله ياخذهم على هالقرارات اللي يطلعونها لا والقهر انه كان قبل العيد والعالم زحمه ومافي مجال

[ll vip ll]

نفس الحالــــــــــــــــه

صدقت قهــــــــر

[الشراكة]

صادتني هاي بعد بس اصلاً كنت مب صارف الشيك بس بأودعة في الحساب ..

بس الصراحة فيها ميزة ان اتحطة في الاحساب على طول .. بس عندي فكرة أحسن بعد ان يكون تعاون اكثر من بنك الدوحة على اعطاء اي مساهم يبغي شيك مستعجل ان يكون الصرف من حساب المجموعة لدى بنك الدوحة على طول يعني يعطونك كاش ..

[أبو بدر]

أصبروو,,,, الدلاله جاية في الطريق وبيكون شغلها عجيب..

[الموج]

عليكم السلام ورحمة الله وبركاته
حتى معي حصل نفس الذي حصل معك
والمشكلة إذا رحت للبنك الذي حسابك عليه واودعت الشيك ماتقدر تسحبه في نفس الوقت.
ملينا والله كل يوم تجيب لنا المجموعة قانون جديد ومش في مصلحتنا

[]¦[DraGon]¦[]

انزين اذا واحد ما عنده رقم حساب في البنك عيل وش بيسوي ؟؟؟

[alkaabi]

هلا قطر

سووها فيني حسبي الله عليهم

ليلة العيد

وقلت للموظف شالفايدة من المستعجل

اذا لازم اودع الشيك في حسابي

الحل

انك تفتح خساب في الدوحة وتخليه لشيكات المجموعة بس

وهذا اللي يبون يوصولون له بنك الدوحة

انك تفتح حساب عندهم

ومادري المجموعة ليش وافقت على هالاجراء

..!!!

[قطري صريح]

نسيتوا العموله الكبيره الغير مبرره على الشيك المستعجل يخصمون عموله كبيره واذا ماترضا
يعطونك شيك متأخر ثلاثة ايام علشان هم يستثمرون فلوسك لصالحهم
وفوق هذا كله مايعطونك العموله المرتجعه مثل باقي الشركات
في اعتقادي ان الغرور الي وصلوا له المجموعه يخليهم يحاولن اذلال العميل
وهذه تصرفات نابعه عن قرارات صبيانيه للأسف تدل على ضعف المستوى الثقافي لأصحاب المجموعه