ازيدكم من الشعر بيت كل مواطن عطوه موافقه مبدئيه طلبو منه كشف حساب من البنك بالمديونيات اللي عليه يعني حتى لو ياخذ 20 الف ويصفى له 7000 ماعطوه ومااعتقد في شقه عائليه ب 7000 واذا حصل بهالمبلغ من وين بيصرف يعني عرّوه وهدوّه مدري هو هبال ولا استهبال
بس اعتقد ان لما صارت موجه ارتفاع الايجارات اغلبيه المقيمين سفرو عوايلهم ومشروع بروه صار علشان يرجعون لان برجعتهم بيساهمون في انتعاش اشياء اقتصاديه فهذا السبب الرئيسي لاختيار 122 بس من ضمن 600 وشي مع العلم ان اسكان بروه يضم 1984 شقه تقريبا
بعدين في سبب ثاني من اسباب الرفض واللي صج ماله اي داعي يقولون ان اذا القطري اللي مقدم على شقه عند بروه ويعاني من 2000 ولا 2002 مع الاسكان وملفه تحرك عندهم طلبه عند بروه ينرفض ليش ياجماعه الخير يعني اذا هو متلتهه مع الاسكان 6 ولا 8 سنين ومتشحطط في الايجارات ويجي في الاخير يبي يرتاح من الارتفاع اللي حايشه وبايجار مو ببلاش يرفضون علشان اوراقه تحركت طبعا بحكم ان في متابعه لاخبار المواطنين من الطرفين (الأسكان)و (بروه)
فلنفرض ان معاملته على وشك انها تخلص من الاسكان ويحولونه على القروض بيتم يراكض الين ياخذ القرض الاول وبيحفص الين ياخذ القرض الثاني وبتطلع عينه لين يحصل مقاول وافلام وايد لين يموت ويخلص هالبيت بالعربي هالموته كلها بتاخذ معاه سنتين او اكثر لما يسكن وبنك التنميه مايسحب القسط الا اذا البيت انسكن يعني مافي تعارض مع سكن بروة بيقدرون ياخذون الايجار بدون مشاكل
بس مافكرو في المواطن الغلبان خلال السنتين وشراح يكون وضعه ساكن مع اهله ولا ف عشه ولا في خيمه ولا مومهم اهم شي نوفر سكن للمقيمين ولا لازم الجرايد تمتلي باخبار المواطنين اللي ساكنين في خيام كل يوم
اسفه طولت في ردي بس لحد يلومني بصراحه منبطه من هالمسخره اللي عايشينها القطري عايش بديرته ولا قادر ياخذ حقه يحق لهم الاجانب يتطاولون
يعني القطري لازم يهاجر يشتغل برع ويشوف له سكن رخيص ووضع اكرم من اللي هو فيه طبعا مو كل القطريين اقصد اللي ماانصفتهم بروه
مسكين ياقطري