عبايات دبي؟؟

[VIPLady]

السلام عليكم ..انا بقولج عن تجربتي

انا رحت حق مصممه اسمها مون شيري في جميرا

بيتها جنب ميركاتو .. لكن بصراحه تحسفت على الروحه

خياطتها مب نظيفه ابد والخيوط حالتها حاله والكرستال مطفي ومغبر

والقماش نفسه كان من النوع الرخيص جدا واللي كانت تبيع قالت احنا نسوي شغلنا كله في عجمان

ويطرشه لنا الخياط!!

غير ان اسعارها جدا مبالغ فيها على شي ما يسوى .. هذا مو رايي.. بعد راي اربع بنات راحوا معاي

واذكر شغلها كان تلزيق كرستال فوق العبايه وعبايات الفراشه

ورحت دار الوعد للعبايات .. حسيت شغلها يعني مو ذاك الزود وما يستاهل العنوه القماش ماكان هاي كواليتي

والدانتيل نفسه المستخدم في كل العبايات والموديلات واغلب الشغل رسم وقصات يد وسيعه ..عندها شغلات

بالدانتيل الذهبي وورد الكورشيه.. في شغلات مش جديده كلش وماتستاهل السعر اللي فيها..

بس اذكر قالت بينزلون كولكشن حق العيد على شهر سبعه ويمكن يكون كولكشن حلو لاني ما شفته

عالعموم الناس اذواق واللي ما يعجبني يمكن يعجب غيري

وفي مصممه اسمها هاله او هناء.. اللي كولكشنها باسم بابيون او بابليون شي جذي اتصلت لها وكانت

وايد حبوبه وكانت مستعده تجي عندي الفندق بس انا استحيت اجيبها وفي نفس الوقت كنت بسافر

وما مداني اشوف تصاميمها.. وقريت ان تصاميمها خفيفه وراقيه بس ما شفتها بصراحه

اسعارها قالت لي فوق 1000 او 1500 وكل ما زاد شي فالتصميم يزيد السعر

قريت في كذا منتدى عن مصممات وايد بس ماعندي ارقامهم .. ان شاء الله بنات الامارات يساعدونج

سلام

تسلمين حبيبتي سكر
انا يهمني بصراحه الكواليتي و طريقه وضع الكرستال والقماش وايد مهم في رقي العبايه و كشختها و قطتها على الجسم
وبعدين دامه تلزيق مابي اضيع وقتي واروح لهم
بس عطيني رقم هاله او هناء.. اللي كولكشنها باسم بابيون او بابليون وبتصلها خل تجيني الفندق .. وبلمره اجي اقولج اذا نايس او بعد مو ذاك الزوود

واتوقع المصممات الي بالبيوت ارقى من المحلات ويكونون اغرب وارقى بس اهم شي يستخدمون قماش اوكي و تكون اكسسواراتهم اصليه مو تلزق .. ومو مشكله بندفع بس على شي عدل

انتظر الرقم

وشكرا

[شمسة]

اختي انا اتعامل ويا دار وعد عبايا صدق راقية وحتا القماش وانا اتكلم عن تجربة شخصية لي

[..الاميرة..]

مرحباااااااا
<<< مع الخيل يا شقرااا
طرشوا لي الارقام لو سمحتوا
بكره رايحه دبي ان شاء الله

نفس الشي ..
ممكن عناوينهم اختي شمسة ولا تهونين ..
والسموحة ياراعية الموضوع ..

[VIPLady]

نفس الشي ..
ممكن عناوينهم اختي شمسة ولا تهونين ..
والسموحة ياراعية الموضوع ..

ولووو حياتي خذي راحتج
خل الكل يستفيد مافيها شي

[سكر_قطر]

خلاص فديتج باطرش لج الرقم على ايميلج

انا بعد ادقق على التلزيق والخياطه اكثر من الموديل نفسه

لان الطريقه تحلي العباه او تخربها

في مصممه اشوف ربعي يسون عندها اسمها ايكزوتك

تصميماتها حلوه لان عندها لمسه فنيه بنوتيه

وحصلت لها موقع عالنت فيه بعض تصاميمها

بعطيج اللنك بعد عالايميل

اعتقد الاخت شمسه اخبر بالمصممات الاماراتيات

انا مارحت الا حق 2 بس خاطري اشوف اكثر

عالعموم اذا ماعليكم كلافه طرشوا لي لستة المصممات

ان شاء الله تحصلين اللي يعجبج

سلام

[VIPLady]

انا سامعه عن ايكزوتك
مار علي الاسم بصراحه
بس انتظر الرقم و بشوف .. وانشالله تطلع تصاميمهم اوكي

وتسلمين حبي

[ziinale]

ممكن اللنك مال المصممة لو سمحتي ومشكورة

[شمسة]

ربي ايوفقكم

[شمسة]

ربي ايوفقكم

[الخارجية]

شمسة هذا قميص نوم مش دفه والله انتي الحريم سويتوا حق انفوسكم شغلة ايش فيها لو تلبسون دفه سادة بدون خربيط والله العظم انا البنت اللي تلبس دفه فيها خرابيط اتطيح من عيني الله يهديكم الحين الدفه لازم تلبسينها مرة لان الناس اعرفوا انج لابستها من كم يوم لازم اتسوين 10 ادفاف علشان انج كل يوم اتغيرين وكل دفه 2000 او 5000 او 7000 مش مشكلة هذي والله اكبر مشكلة سويتوا حق انفوسكم في بعض البنات لازم اتجي الرسمه او التطريز على المؤخرة والله عيب عليكم بعضهم مش كلهم واسف على الازعاج