معلومة سريعة عن البيوت الجاااااهزة <<<<<< شكلهم بيزعلون الملاك مني ^ ــــ ^

[بوحارب]

مازلت عند رأئي المعروف والمشهور


بأن البناء أفضل من شراء الجاهز


واللي خلاني ازيد اصرار على هذا الرأي هو :

قبل فترة افتريت شارع سلوى كامل وشارع المطار وبعض المحلات في النجمه

بغرض شراء الادوات الصحيه : حمامات وبلاط وسيراميك واكسسوارات

المهم تدرون اول سؤال يسألك راعي المحل وشو

يقول وبكل برووود هل البيت اللي تبي له الأغراض خاص ولا تجاري

يعني بيتك اللي تبنيه بتسكنه ولا بتبيعه

يعني اذا للبيع عندي لك اغراض للبيوت التجاريه

واذا خاص بعطيك من السامان الخاص <<<< الغالي للغالي

و90% من البيوت اللي تباع اغراضها تجاري بحت

وانا شخصيا شفت بيوت للبيع كان تشطيبها تجاااري

وصعبه يجيك واحد يبني بيت للبيع يركبلك حمام بــ 5000

او سيراميك اسباني او ايطالي

الا ناااااادر وهذا سعره بيكون تفجيييير

ملاحظة : اهم شي في البيوت التمديدات الصحيه

لانها سبب للنقص من عمر البيت

والله من وراء القصد

اخوكم بوحارب

اتمنى اني وفقت في توصيل المعلومة

هذا الموضوع اهداء لواحد زعلان علي

[بوحارب]

http://www.qatarshares.com/vb/showthread.php?t=163228

موضوع قديم وهذا الرابط

[SIZE="5"][COLOR="Red"]

لا تشترون البيوت الجاهزة ترا أكثرها تجارية

نلاحظ على الكثير يفضل شارء بيت العمر جاهز

ويقول بلا بنيان بلا عوار راس

والمسكين ما يدري ان الجاهز هو اساس عوار الراس والظغط والروماتيزم


فعندما يقرر الشخص فالدار والفكة من الأجار

يقوم يفتر في جميع مناطق البلاد وفي جميع الصحف

ويبحث عن الفيلا الي يمكن تكون سبب في افلاسه.



هذا الكلام انا شفته بعيني

رأيت فلل تنبني بدون اساسات والله والله والله

وكميه الحديد الي في الفلل حتى ما ينفع حق ملحق اربع صياخ بو 10 مل

حرام والله حرام

والمشكلة الواحد منا لما يروح يشتري فيلا

تغرة الديكورات والتشطيبات الي مالها اي حلاه

وينقص على المسكين الشاري ويدفع في الفيلا المبلغ الفلاني

الي بهذا المبلغ ممكن يبني به احسن فيلا وبمساحه أكبر

وياما سمعنا عن ناس شروا الجاهز وقعدوا يرقعون فيه

في الختام البنيان ابرك لك من الجاهز

وهذا الكلام ينطبق على أكثر الفلل الجاهزة وليس الكل

لأن الصراحة بعض الناس ما عندهم لا ذمه ولا ظمير للأسف

لدرجه ان بعض الملاك يقول للمهندس سو حديد غير الي في المخطط

على سبيل المثال

الحديد فالمخطط بو 16 مل يقول للمقاول حط بو 12مل لأانه أرخص


وهذي الروابط ممكن تفيد البعض
http://www.qatarshares.com/vb/showthread.php?t=138557

http://www.qatarshares.com/vb/showthread.php?t=146208





صارلي فتره ما ما كتبت عن العقار قلت خلني اكتب هالموضوع المهم


ننتظر مشاركتكم المفيده

تحياتي للجميع

[بوحارب]

تكمله للمشاركة السابقه

شوفوا الدفان المصخره

المفروض حجم الحصاه الوحده ما يتعدى 10 سم

والأخ حاط لنا كتل من الحجر



وهنا الحبيب مستخسر يحفر زيادة لأنه الحفر يكلف كثير

والمفروض يتم الحفر حتى يوصل للأرض الصلبه او نص متر تحت الأرض




شوفوا الدفان الي في قمة الغباء

هذا الدفان الي ذكرته بدون اساسات









شوفوا هذي الأساسات الي اقصدها ويسمونه السير او الحزام

تخيلوا بيت من دون اساسات عادي يوقع على راس هله




وهذي صورة الصبيه الي تكون بعد الدفان

ولازم يكون تحتها شبك حديد سمك 10 مل

ولكن راعي الفيلا مسوي صبيه بشغل اليد في موقع العمل وليس خرسانه جاهزه

طبعا لازم يوفقر قد ما يقدر لأنه ببيع



وهنا يبين ان الحديد غير موجود

[/QUOTE]

[M O 7 A M M E D]

جزاك الله كل خير اخوي بوحارب ..

فعلا الواحد يتعب في بناء البيت شوي ويعيش مرتاح افضل من ان يسكن في بيت جاهز وما تدري المشاكل اللي تصيدك عقب ..

وعساك ع القوة ..

[Affable Lady]

الله يجزاك خير يابوحارب

معلومة قيمة جداً جداً


واللي يبي يزعل مايشوف شر

[وطن]

بو حارب
شي طبيعي يكون في هالاختلاف
وفي التجاري وفي الهاي كوالتي


يعني أي مشروع حتى لو ملك الدولة
له مواصفات
شي يكون هاي كوالتي وشي عادي
على حسب الميزانية والمستفيد من المبنى وطلباته شنو !!!

[بوحارب]

جزاك الله كل خير اخوي بوحارب ..

فعلا الواحد يتعب في بناء البيت شوي ويعيش مرتاح افضل من ان يسكن في بيت جاهز وما تدري المشاكل اللي تصيدك عقب ..

وعساك ع القوة ..

هلا بوجاسم

بشر انت وش سويت في موضوعك

لاهنت ع المرور أخوي

[بوحارب]

الله يجزاك خير يابوحارب

معلومة قيمة جداً جداً


واللي يبي يزعل مايشوف شر

هاهاهاهاهاهاهاهاهاهاهاهاهاهاها

ويجزاج بمثله
مشكورة ع المرور كريزي ليدي

[بوجواهر]

اشهد انك ذيب يا بوحارب

[بوحارب]

بو حارب
شي طبيعي يكون في هالاختلاف
وفي التجاري وفي الهاي كوالتي


يعني أي مشروع حتى لو ملك الدولة
له مواصفات
شي يكون هاي كوالتي وشي عادي
على حسب الميزانية والمستفيد من المبنى وطلباته شنو !!!

كلامج عدل وطن

وانا حبيت انبه الأخوان اللي مغترين في البيوت الجاهزة
وماخذين فكرة عن البنيان انه تعب ووجع راس
والسالفه ما تسوى هذا كله

مشكورة ع المرور مهندسه وطن