محتاره بين الاثنين .. سوني او سامسونج

[مزعله النساء]

السلام عليكم ورحمه الله وبركاته

ابي أخذ لي جهاز تلفزيون 55 محتاره بين اثنين سوني او سامسونج

ياليت حد ينصحني بالاحسن وين

وشكرا

[AlWakRa]

حسب علمي إن الشاشتين من مصنع واحد ، ولو تآخذين أي واحد منهم ما راح تندمين ، هالشركتين معروفين بالجودة

[airbus]

سوني ممتاز الحين عندهم عرض ممتاز في بيت الحديث 51 east

[مزعله النساء]

تسلمون على المشوره وماقصرتو

[الاسهم الخليجية]

انصح في Samsung Galaxy Note

روعة بكل المقاييس.

[airbus]

انصح في Samsung Galaxy Note

روعة بكل المقاييس.

صحيح حتى شاشته اكبر من 55 انش !!!!

ياطيب تلفزيووووون

[قرنقووش]

كنت حاط في بالي اكثر من تلفزيون يوم ماكنت بشتري
شفت سامسونج اعتقد سيريس ٧ او ٨ الجديد هو بو فريم كروم ٦٠٠هيرتز
الجوده ماعليها كلام لكن يعيب السامسونج ان الشاشه ضعيفه يعني ممكن تنكسر بضربه
واللي خلاني ابتعد عنه شوي هو ال٣دي .. يرفع السعر وانا ماكنت مهتم بال٣دي كنت ابي شي بدون
تلفزيونات سوني حلوه بصراحه واسعارها معقوله ويقولون ان اثنينهم من نفس المشروع مع سامسونج

فالنهايه خذت ال جي نانو
هو الوحيد فالسوق حزته كان بتقنية نانو .. شاشه قويه وصلبه مهما تظربها ماتحس الالوان تتغير
كونتراست عالي ١٠ مليون
والسعر كان معقول كذلك بالنسبه ل٤٧ انج
كان بدون ٣دي لذلك لقيته ارخص من باقي التلفزيونات اللي المواضفات حتى اقل من ال جي

نصيحه خذ لفه وشوف اللي ترتاحله عيونك
ك تقنيه تقريبا الكل اقتربوا من بعض .. عليك بالجوده وخدمة بعد البيع

[Rashid554]

والله عندي سامسونج ومرتاح وياه شريته من سنه ونص اعتقد
خذيته بـ 7000 اتذكر كان معاه دي في دي ومسرح منزلي
اتش دي 1080i LED واجوفه حلو وخفيف
حجم الشاشه 47 اعتقد او 49 مو متذكر

[سهم طايش]

سامسونج

[jaf111]

نفس الشي ٫ السوني ماخذه تصريح بصناعه شاشاتها بتقنيه سامسونج ، يعني سامسونج مصرحه حق سوني