تكامنا بحسن نيه عن نواياهم
خطا ظنينا كل الناس يحبوني ويحبونك
حسبنا الناس تهوانا مثل ما احنا نهواهم
اذريهم من الغيره يحسدوني ويحسدونك
محد جانا وعلمنا انا وياك شفناهم
هدفهم افقدك وابقي حياتي كلها ابدونك
ترى أكبر دليل اللي حصل بالأمس وياهم
ماشفت اعيونهم ترسل سهام الغيره لعيونك
خساره تنصدم في ناس فرشت الدرب الخطاهم
وهم بارخص تراب الأرض يبيعوني ويبيعونك
أنا اسأل عن العشره وأفتش في هذا ياهم
تجاوبني وهي تبكي اهم كانو يغشونك
كلمات سامي الجمعان
غناء رابح صقر2008