الجموعة V.i.p

[بـ فيصل ـو]

كل من مدح خدمات المجموعه صادق (بالمقارنه بخدمات البنوك + باقي الشركات الوساطه)
ولكن خدمة الـ Vip ليست حقيقيه = دعايه تسويقيه مثل ما قال بعض الأخوان (إسم ديكور فقط)

فكلمة الـvip يعني إنت عميل خاص .. والمجموعه جزاها ربي خير جعلت من الجميع - دون إستثناء - عملاء ذو خصوصيه = يعني Vip .. فليش إنتوا زعلانين !!!

أما إن المجموعه أو أي شركه ثانيه إنها ماتخاف المنافسه !
فإستحاله من أي شركه وساطه إنها ما تخاف من المنافسه = إللي دارس (إدارة) هو إللي بيقدر يتفهم لكلامي

فلكل شركة وساطه إمكانيات وخصوصيات تمتاز بها عن غيرها وهذا الشي إللي مخلي المجموعه في الطليعه ، ولكن إن سألتوا ليش البنوك برغم سيولتها إللي تفوق المجموعه خدماتها تعبانه (فهذا هو مربط الفرس)

فبالرغم من قوة شركات الوساطه الأخرى والبنوك إلا إنها تركت هذه الساحه للمجموعه فقط ! فالشركات والبنوك تقدر تكتسح هذا المحال وبقوة بدون منازع إلا إن تنازل البنوك عن هذا الساحه بعرض خدمات إستثماريه ضعيفه تحتاج لوقفه - وأعتقد إنها وقفه غير شريفه بعد !

ومبروك لكل من يتعامل مع المجموعه خدمة الـvip فهناك من هم فوق الـvip ولهم وضعهم الخاص بجد وبالأيام الجايه راح تشوفون الفرق

وأتمنى من الجميع إنهم لايزعلون من كلامي

[قطر]

المسج جاي للجميع الظاهر

لان انا في خدمة ال في اي بي من زمان .... ومرسلين لي الرساله

يعني الظاهر مثل ماقلوا الاخوان دعاية فقط لا غير ..

[البروفيسور]

الاخوة الكرام كلام الاخ اياد هو الصحيح
والمجموعة راح تكون منافسة لشركة دلالة

[الشراكة]

طبعاً المجموعة لاحد الآن متميزة في عمليات البيع والشراء مع العملاء بس في مشكلة انه بعض الساعات يكون هناك ضغط على الشبكة وتتاخر دقايق لين يردون عليك الواجب حل هذه المشكلة في اسرع وقت ممكن وبعد بعض الرسايل ماتوصل بعض الساعات ... وعيبها ماترجع نسبه من العمولة !!!

وايظاً في شركات آخرى تمتاز في تعاملاتها ايظاً مع عملائها مثل بنك قطر وشركة قطر بس طبعاً الحين لا لانهم عندهم وايد عملاء وفضلون العميل الخاص طبعاً ..

[دنيا الاسهم]

يا جماعة لا تغترون بالمجموعة
انا جربتهم خدماتهم تعبانة مثلهم
صعوبة بالرد على الهاتف مع ان مرسلين لي رسالة ال vip
طلبت شيك مستعجل جا اخر الليل بعد العملاء اللي بعدي خلصوا وراحوا بيوتهم
انا يا جماعة ما اتبلى على بس الظاهر كلن ولة معاملة خاصة عندهم وكلن وحظة
اقول لا تمدحونهم يا جماعة ترى ما يستاهلون لانهم يخدمونا بفلوسنا غير ان لو طلبت شيك مستعجل خذوا عليك عمولة دبل
فا حد يفهمني وش هي الخدمات المميزة لديهم

[hamoor4ever]

اضيف على اخوي ( الطبل) ايش سبب ان البنوك لم تكتسح السوق ..صحيح ان البنوك عندهم سيوله بس انا بحسب خبرتي في البنوك وبسبب ان انا اشتغل معاهم

ان لدى البنوك خدمات ثانيه اهم بالنسبه لها من قضيه الوساطه حتى لو كان هالشي مربح
على سبيل المثال ان البنوك متخصصه اكثر في اعطاء القروض وبطاقات الائتمان اللي اصلا هو سبب وجود البنوك وطبعا هاذه غير الخدمات الثانيه من ودايع او حسابات توفير

فبيع او شراء الاسهم بالنسبه حق البنك مش قضيه مهمه ولا يركز عليها كثيرا على سبيل المثال
صرف العملات لدى البنوك تلاقي عندهم غالبا العملات الصعبه الاجنبيه ..وتلاقي ان سعر الصرف اغلى من سعر الصرافين بالسوق .. ونفسه بالنسبه حق الحوالات ..
كأن بأختصار يقولون لك احنا عندنا نبيع ونشتري دولار بس بسعر اغلى من الصرافين
وهالشي راجع حق العميل وسواء جه او ماجه العميل، ماراح يأثر كثيرا على ارباح البنك

على عكس القروض والودايع اللي وجودها تزيد من ارباح البنك السنويه

لانه البنوك ماتقدر تاخذ شغلها وشغل غيرها مثلا ان تصير تنافس شركات الوساطه وشركات الصرافه

عشان جذيه البنوك تعطي الفرصه لهم مهب بسبب قله راس المال او ضعف الاداره
لكن هاذي هي سياسه معظم البنوك .. التركيز على خدماتها الاساسيه ..

واكرر التركيز على خدماتها الاساسيه
واعتقد كلامي مفهوم ..

وبالعكس نجد المجموعه يعني لو المجموعه ماعندهم خدمه مميزه ..كان من بكره بيسكر ..

ودمتم

[hamoor4ever]

احب اضيف للاخ اياد ان عدم فتح حساب من قبل الموظف للعجوز شرط حضورها ..

لان هاذه هو قانون البنوك كلها مهب بس المجموعه ..وطبعا انت بالنسبه لك هالشي غلط بس لاتنسى ان هالشي راح يحمي من عمليات التزوير والسرقه اللي سمعنا عنها كثير

هاذي شغله قانونيه يااخوي وماتدش فيها العواطف، او يله مشها ومافي مشكله لان بعدين ان طاح الفاس بالراس محد بياكلها الا الموظف وياما سمعنا عن موظفين راحو ملح بسبب طيب نيتهم وحبهم حق الخير

يعني بالنهايه اي عمليه تزوير راح يدفعها الموظف من جيبه ويتفنش بعدها بعد ،يمكن ماسمعت عن قصص من هالنوع وهاذه مهب معناه ان مافي عمليات من هالنوع بس في شي اسمه سمعه المؤسسه او الشركه يعني اي خبر عن عمليه تزوير في بنك او مكتب وساطه راح يأثر عليه فتلاقي يتم التستر على العمليه من قبل الاداره ومن قبل الموظفين بحكم اسرار العمل واللي ممنوع على اي موظف انه يفشيها لاي كان حتى اهله
وبغض النظر على معامله الموظف الشخصيه حق العميل ان كان مكشر او مبتسم هالشي راجع حق اخلاق الموظف مش الشركه .. يمكن اللي مشاه يكون واحد من اهل الثقه بالنسبه حق الموظف ويعرفه من زمان والموظف مشاه على مسؤوليته الشخصيه بأنه راح يتحمل اي عمليه تزوير او سرقه بتم ..

وشكرا وهاذه للتوضيح

[بـ فيصل ـو]

رداً على كلام الكثير عن البنوك وكلام الأخ (هامور فور إيفير) بأن البنك تترك الفرصه لشركات الوساطه (يعني إما إنها ماتقدر تتنافس/ أو تخاف تتنافس) وطبعاً هالسببين خطأ.
لأن مافي فرصه تجي لبنك وترفضها إلا إن كان هناك سبب فالبنك مايترك ريال واحد ويسامحك عليه فكيف يترك باب رزق جديد ومضمون وبدون خسائر!
فحسب علمي من بعض موظفين البنوك إنهم مستائين من عدم ولوج البنك بالشكل المطلوب كشركات وساطه .. وخبرتك يا أخوي أنا أحترمها بكل سرور .. ولكن ماخلف الكواليس أكبر مما تظن = كلامي راح يكون مفهوم أكثر خلال الست شهور القادمه بالجرايد.

[بو سالم]

ممكن أوضح السالفة

1- الرسائل مجرد دعاية لا أكثر ولا أقل

2- لأنهم أعلنوا أنهم لن يردوا على أي رقم غير مسجل عندهم (( حتى لا يتم التأخير على المسجلين من قبلهم ))

3- انا وصل تعاملي فوق المليون في اسبوع وبعد إلحاح شديد عطوني رقم خاص مع موظف اسمه أمين تصدقون أنه صار يأخرني أكثر من الرد العادي والله ما استعملته أكثر من عشر اتصالات وأقل والأن أتعامل مع العادي وأسرع بكثير من الفي أي بي صدقوني استعملوا العادي أفضل

[سلطان بروناي]

اخوي بو سالم تقدر تقدم شكوى على الرقم الي معطينك اياه وتقولهم انه مايرد علي وصدقني بعدين بيرد عليك بسرعه بعد مايتخذون معاه الاجراء الازم