برنامجكم ( شـريـنـا و بـعـنــا ) 11

[قطري]

بسم الله الرحمن الرحيم
اهلاً بكم في الحلقة الحادية عشرة من برنامجكم اليومي
( شرينا وبعنا )
الكل اليوم ان شاء الله مبسوط وفرحان
اليوم اللون كله اخضر ماشاء الله
من باع؟
من شرا؟
من حاول ومالقا خط عند المجموعة.....انا اول واحد
خل نشوف رايكم
والكل يستفيد من رأي اخوانه
من يبدأ وياخذ المايك

[خليفة22]

قالوا سعر أسمي .... والسوق راح يهبط


قالوا إرتداد وهمي ..... والسوق راح يهبط


قالوا لعبة من الهوامير .... والسوق راح يهبط


وهذي بورصة الدوحة ترتفع لمت اب لأكثر من 18 شركةلليوم الثاني ولاعزاء للبخلاء والجبناء وأصحاب التحليلات والبانات ...


الصراحة وبدون زعل .... إحنا بحاجة لإعادة تثقيف في مجال البورصة والإستثمار لأن الي صاير شيء غير طبيعي ومب مبني على اساس علمي ...


أنا بعت أغلب الأسهم الي عندي اليوم لأن السوق يخوف .... وريال في المخبة أحسن من عشرة في البورصة.


وتمنياتي للجميع بالربح الحلال

[boabdullah]

قطري ,,,,,,,,,,,,,مراحب أخوي ,,,أنا اليوم كنت أتفرج وأتمتع باللون الأخظر ,,,,,,ومدام هذا الطلب الخيالي فلاداعي للخوف في الشراء ,,,,,,,,والمؤشـــــر العام بكره راح يعدي ((11,000)) ,,,,,وكل مناي بالتوفيق للجميع ,,,,,,,,,,,,أخوكم بوعبدالله

[قطري]

هلا بيك بوعبدالله يعني لا بعت ولا شريت
انا الصراحة تعبت وانا اتصل من قبل مايفتح السوق
وانا اسماعة على اذني ولا حد رد علي...ان شاء الله بكره
اخضر والى الامام

[الحزين]

يعطيك العافية اخوي على هذا التحليل الموجز للي حاصل بالبورصة

[مغروور قطر]

اخوي العزيز خليفه الثقافه موجوده عند معظم المساهمين وبس صدقني البورصه غريبه جدا يوم تحصل شركه معلنه عن توزيع ارباح ممتازه تتوقع ارتفاع لشركه في اليوم التالي يصير عكس بورصه وصدقني لو برفيسور في الاقتصاد مايقدر يتكلم عن السوووق وهذا الرأيي

[مافيا قطر]

السلام عليكم ايش سالفه البورصه اليوم وامس مافى اى عرض على اغلبيه الشركات مما اظطر ناس


ناس وايد منهم انا اطلع من البورصه واشترى فى الناقلات فى 3/ 4 احسن من اى شركه الحين الواحد

والله محتار عبيت طلب شراء المتحده والسلام يومين ورا بعض مافى اى عرض ابدا خالص
والله سج الهوامير قاعيدن يلعونخا صح مع صغار المستثمرين المتحده اليوم 77 وامس 74 يعنى فى

حركه قاعدين يلعبونها او ايش السلفه با الظبط وليش مافى اى عرض ممكن احد يكون خبير ويشرح لنا

اللى قاعد يدور فقى البورصه

[بيل جيتس]

كنت ناوى ابيع اليوم بس المجموعه الله يسامحهم التلفون يرن ولا حد يرفع السماعه

ترى البطرى خلص من كثرة الاتصال ....

الله كريـــــــــــــــــــــــــــــــــــــــــــــــ ــــــــــــــــــــــــــــــــــــــــــــــم

[ابوسعود]

الله يعطيك العافيه اخوي
قطــــــــــــــــري

بصراحه انا اليوم اشوف الوضع والحمدلله كله اخضر عسى دووووم

اتصلت في المجموعه ولكن

اذاناديت اسمعت حيـــــــــــا
......... ولكن لاحياة لمن تنــــــــــــــــادي


طبعاااااا مافيه راد
كنت افكر ابيع بس بعد ماشفت مافيه عرض وكثر الطلب
قلت لالالالالالالالالا اصبر شوي
وشكرااااااااا تقبل تحياتي
ابوسعود

[قطري]

كنت ناوى ابيع اليوم بس المجموعه الله يسامحهم التلفون يرن ولا حد يرفع السماعه

ترى البطرى خلص من كثرة الاتصال ....

الله كريـــــــــــــــــــــــــــــــــــــــــــــــ ــــــــــــــــــــــــــــــــــــــــــــــم

يمكن اخيرة اخوي بل جيتس
ماتدري يمكن بكره لمت اب
قول امين
موفق اخوي