انصحوني يا جماعه الخير

[Bint Qatar]

مساء الخير

انصحوني الله يخليكم عندي مواشي 5000 سهم <<<----- (طايحه بكبدي) .

وشرايكم ؟! ابيعها واشتري غيرها ولا احتفظ بها

وان بعتها وش اشتري غيرها ؟!

علما باني شاريتها بـ 27,30 ......

تقبلوا تحياتي

[قطر]

احتفظي بها

او بيعيها واشتري في البنوك والسبب ارباحها المجزية والقريبه جدا

او النقل ترى بعد له ارتفاع بس خافي من طباته

[Bluetooth]

انا بعد نصيحتي مثل الشباب الي قبلي تحتفظين فيهااا
والكل متوقع انها ترتفع اكثر...

للحين ما خذت حقها في الرتفاااع... انا نصحتي الصبر والصبر جميل

[الخبير المالي]

بنت قطر من رايي
1- تحتفظين بنصف عدد الاسهم
2- تبيعين النصف الثاني وتشترين بالمبلغ في شركتين او ثلاث شركات (الشركات المرشحة المتحده والسلام والنقل).
وبالتوفيق

[ابوعلي اليافعي]

[QUOTE=Bint Qatar]مساء الخير

انصحوني الله يخليكم عندي مواشي 5000 سهم <<<----- (طايحه بكبدي) .







انا ماراح ازيد عالشباب بس استغربت من جملة طايحه فكبدي مع ان سعرها الحين تضاعف تقريبا عن سعر الشراء..اختي قال تعالى(لئن شكرتم لائزيدنكم)صدق الله العضيم

[qatar_moon]

انا انصحج دامج ربحانه فيهم ان تبيعين نصهم وتشترين في شركه ثانيه

[المستثمر القطري]

استغربت الصراحه من طايحه في جبدي ..

المفروض ياختي تحمدين الله سبحانه على النعمه الي عندج وبعد انه الربح يوازي راس المال فا هي مب طايحه في جبدج بالعكس لو تبيعينهم بتييب لج ربح ممتاز من الربح تقدرين تشترين في شركه ثانيه و تلاحظينها لين ترتفع وتبيعينها

[مستثمر كبير]

اختي العزيزه الراي تبيعين كل الاسهم وتشترين في الشركات الثانيه لسبب واحد لان الشركه يتبقى 50% من راس المال في اي وقت سوف تدفعين النص الاخر فا عليج اختي ان تبيعي وتشتري في شركات التاليه / المتحده او التخصصي او السلام وهذا الرايي ويالله عقبال المليون

[boabdullah]

نصيحة ,,,,,,,,,,,,,,,,لا تبيعين نصهم ولا كلهم,,,,,,,,,,,حاولي تحتفظين فيهم قد ماتقدرين ,,,,,سعر المواشي,,, راح يوصل سعر يمكن مانتخيله ,,,,,,,أخوكم بوعبدالله

[سهم طايش]

Bint Qatar

انتي شاريه 5000 سهم بسعر 136500

اللحين و في هذي اللحظه سعر السهم 52 ريال

يعني 5000× 52ريال = 260000

يعني ربحك = 123500

و الرأي لك

و القناعه زينه