برنامجكم ( شـريـنـا و بـعـنــا ) 10

[ابوعلي اليافعي]

السلام عليكم اخواني ..انا اليوم كنت مستانس لسببين الاول اني شريت النقل على 175 والثاني ارتفاع المصرف والدولي الي شريتهم يوم الخميس ....هاه شرايك فكلامي اخوي قطر وانتعاش يوم اقولك انهم بيرتفعون انشالله لان عمري ماخسرت فيهم.. وابشركم انشالله قريب المصرف بيطوف الخمسميه....اخوي انتعاش كنت اتمنى تزيد حصتك فالمصرف او الدولي بدل الاسلاميه.هي ماعليها كلام لكن الي ورا المصرف يسنده ويخليه يعلي فوق ..عالعموم مبروك للجميع والي حصل اليوم فالسوق دليل على قوته ومتانته ورد على الي باعوا على ارتفاع ويبون يشترون باسعار غير منطقيه ويروجون هالكلام...






...

[اللورد]

ياشباب اليوم شريت 5000 الوقود على الليمت داوون بسعر 129 ريال
وكانت مغامره مني


لكن لما أطلعت فوق الى 142


تأكدت ان مغامرتي ناجحة والحمدلله

[المستثمر القطري]

انا والله اقول الحمدلله الي مابعت التحويله الاسبوع الي طاف على 75 و اليوم يوم شفته 71 بعد خليت املي بالله كبير و تفاجأت الساعه 11 بانه و صل تقريبا 78 والمواشي بعد الحمدلله ارتفعت و اما السلام فهو قصته قصه وانا انطر الاكتتاب عشان ازيد من كمية هذا السهم

بس مايندرى مت بيزيدون راس المال و متى بعقدون جمعيتهم الهموميه

[الآفاق]

السلام عليكم ؟؟؟؟؟؟؟؟؟؟ عسى الله يرزقكم ويستر عليكم .................................................. ... انا عندي سؤال مهم وابغي اجابه ؟ ايش رايكم بالسلام ؟ وشلون توقعاتكم بالنسبه للسهم ؟ وكيفية الزياده والاكتتاب وتوزيع نسبتها ؟؟؟؟؟؟؟؟؟؟؟ مشكورين ...... والسؤال للجميع وخاصه المستثمر القطري

[المستثمر القطري]

اخوي افاق

السهم في نظري ممتاز خاصه عقب ماتقدم الى وزارة الاقتصاد بخصوص زيادةر اس المال و بيكون الزيادة على ماعتقد 100% وبيكون قيمة اصدار السهم 5 ريالات

ومثل مانا متابع تحركات هالسهم اشوفه كل يوم في ارتفاع بس الفتره الي طافت كان متظعظع و في حالة عدم ثبات بس اليوم الحمدلله اشوفه سكر على 47 وانشالله بيرتفع اكثر لأنه سعره رخيص و بعض المستثمرين الاجانب الي مايملكون راس مال كبير يفكرون في هالشركات الي توها تثبت وجودها في السوق

هاي من وجهت نظري

وبالتوفيق

[classic2004]

ما تنفذ لي الاوردر ..

يله خيرة ..

بس شكلي باغير من المجموعة

[classic2004]

اخوي ابو علي اليافعي ..

شرايك افكر اشتري بالمصرف بس في اخر الاسبوع
تعتقد اوكي ؟؟

ومتى الجمعية العمومية لهم

[الآفاق]

المستثمر القطري .................... مشكور وابغي رايك انا شريت التحويليه ب 85 ؟ وبعدها نزل المؤشر ثلاث ايام الى اليوم 71 ....................... بس الحمدالله طلع اليوم شويه ؟ شرايك والله ابتلشت

[سلطان]

بالنسبه للسلام علاوة الاصدار 5 ريال + 10 ريال قيمة الاكتتاب يعني كل سهم راح يكون ب 15 ريال

[ابوعلي اليافعي]

المصرف سهم ممتاز لجميع الحالات المضاربه او الاستثمار الطويل والمتوسط....من ناحيتي فهو افضل سهم ارتاح له لقوة مركزه المالي وقوة توزيعاته فالسنتين الاخيرتين..يعني احس اني حاط فلوسي فالمكان الصح..اما عن شراء السهم على اخر الاسبوع فهذا يعني بان السهم سيتعدى ال500ريال..فان كنت تريد الاستثمار الطويل او المتوسط فانصحك بالشراء خاصه وان البنك سيوزع 50%اسهم مجانيه وعين المستثمر السعودي عليه..اما للمضاربه فلا انصح بشراءه وانصح بشراء الاسهم الرخيصه الثمن لجدواها في المضاربه ..لم يتم الاعلان عن موعد الجمعيه العموميه والمتوقع لها نهاية الشهر الجاري