البورصة سحقت أراء الأعضاء .. وارتفعت اليوم

**sulai6i** · 13-03-2005 12:03 PM

الشرقاوي ..... بورصة الدوحة لاينفع معها تحليلات ولابيانات ولا حتى أقمار تجسس

صدقت والله

ولا اكبر خبير اقتصادي يقدر يحلل

**خليفة22** · 13-03-2005 12:11 PM

سلطان

الأموال عادت منذ مايقرب أسبوع تقريباً

أنا ارشح أن سبب عدم إتزان بورصة الدوحة هو قلة الوعي لدى المستثمرين إضافة إلى المضاربين وإختفاء نجم الساحة ... الصناعات

واحد في حاله

أنصح الخبراء الإقتصاديين بالتحليل بعد إنتهاء العمل بالبورصة وعدم الإقتراب من التوقعات أو التخمين لانه شبه مستحيل في بورصة العجائب

**قطر** · 13-03-2005 12:22 PM

المشاركة الأصلية كتبت بواسطة خليفة22

بس لاتغتر بغير القطريين

لأنهم بس 11000 شخص ... وما أظن بيشترون في ظل الاسعار المرتفعة مقارنة بالسعر الاسمي

اشدراك انهم بس 11000؟؟

وترى حتى لو كان عددهم مثل ماقلت مع ان مستحيل
المعنى بالقيمة وليس العدد
.... لوتعلم ان واحد منهم لو عطوه المجال باكثر من 25% بينزل السوق تحت وبيرفعه في دقيقه

كيف اذا اجتمعوا 6 من خبراء البورصة الكويتية مثلا وتم الاتفاق بينهم على لعبة كباريه

بالنسبة للسوق الكل كان متوقع انه يرتفع بس مع الحذر كنا انقول انطروا وشوفوا لان سوقنا غريب عجيب يخالف التوقعات

**خليفة22** · 13-03-2005 12:26 PM

قطر

أنشرو الخبر في جريدة الشرق

3000 خليجي و 8000 عربي واجنبي

وهذا الرقم سطحي مقارنة ب 500.000 اجنبي في قطر

أنا رايي أنا أحنا مانتفائل كثير بدخول الأخوة الأجانب لأن نسبتهم محدودة.

**ابوسعود** · 13-03-2005 12:34 PM

خليفه وكلامك 100%

بورصة العجائب

اعقتد خليفه الكل يتمنى الاستثمار في قطر في ظل الاقتصاد القوي
حتى لوكان فيه ارتفااااااااع
اخليفه اتمنى ونت رايح تمر بس
السوق دقائق تشوف الاجانب اللي قاعدين يراقبون الاسهم وضع
السوق

**سلطان** · 13-03-2005 12:48 PM

خليفه لو الاجانب لم يدخل منهم احد وفقط دخلت شركه واحده عالميه بمستوى

microsoft
يكفينا وما نبي اكثر , لانها ممكن تشتري 25 بالمئه المعروضه للاجانب في كل الشركات

**سلطان** · 13-03-2005 12:52 PM

خليفه ال500 الف اجنبي عندك متوسط راتبهم لا يتجاوز 1000 دولار وحتى ما تكفيهم في ظل ارتفاع

الاسعار , وين يحطون في البورصه الا اذا بيسوون قطيه على السهم

**سهم طايش** · 13-03-2005 02:09 PM

يا خوي ال500 الف اجنبي في قطر اغلبهم دريوليه و عمال و رواتبهم ما اتعدى 700 ريال و ينهم و وين البورصه

اللي بيدخلون هم الاجانب اللي من خارج قطر اللي عندهم فلوس متلتله و يتربصون الوقت المناسب و لا اذا على الاجانب اللي عندنا عزتالله ما ربحنا شي ذيلا المعاش يطرشونه كله للاهل 0

**أبو عبدالعزيز** · 13-03-2005 02:41 PM

الصورة ستتضح قريبا
بإذن الله

**ابوعلي اليافعي** · 13-03-2005 02:42 PM

نزول يومين وفي بعض الشركات مايسمى انهيار...الاسبوع الجاي بالكثير يوم الاثنين طلوع انشالله ........ اخوي خليفه22الجمله السابقه رددتها اكثر من خمس مرات من يوم الخميس لقناعتي بان السوق ستعاود الصعود باسرع مما نتخيل..يمكن الرجوع للمشاركات الخاصه بي...اما عن الاجانب فالشركات العالميه التي تنتضر الاستثمار تغني عن 5مليون اجنبي في قطر وليس 500الف..لكم تحياتي

الموضوع: البورصة سحقت أراء الأعضاء .. وارتفعت اليوم

أدوات الموضوع

عرض

ضوابط المشاركة