-
مؤسس
لا فادنا تشارت ولا فاد تحليل !!
اخ كريم لي بعث لي بمسج اليوم فيه ابيات قافيتها راقتني كثيرا ً
رددت عليه بهذه الابيات :
يالله يا معبود يا مجري السيل
. . . . . . . . . تبري خفوقن من عنا ألفين علـّـه
لا فادنا (تشارت) ولا فاد تحليل
. . . . . . . . . . و (فادي) على المليون مثله يـزلـّـه
وينها ايام سوقنا ذيك الرجاجيل
. . . . . . . . . المنعمين . . . المكرمين الأهلــّـه
ذاك الكبير المرتكي بالتهاليل
. . . . . . . لاجاه تايه بطيب نفسن . . يدلــّـه
ما قال كذبه يبي ( طلعه ) و ( تنزيل )
. . . . . . . . ولا قال كلمه الا فيها الأدلـّـه
ياكثر من دعو له حي وميتن قيل
. . . . . . . . . جعله وسيع القبر اللي يحـّـلـه
وياعل حسابه الخيـّـرات التساهيل
. . . . . . . . . ويظله الرحمن في ظلن يظله
كل ضيقن لي عند موتك غرابيل
. . . . . . . . . وكل جرحن جا وراك بمحلـّـه
ان باح سـّـدي للرجال الحلاحيل
. . . . . . . . . ( عثمان ) عذري وتكفينا الأدله
لو شفت بالسوق راجو و ميشيل
. . . . . . . . قـله ( افــــا ) ياسوق . . بالله قلـّـه !
التعديل الأخير تم بواسطة إنتعاش ; 04-10-2005 الساعة 03:49 AM
فإن كتبنا عن عطايـاك يـا سيـد العطايـا
. . . . . . . مزبن اللي ضامه الوقت واضنته المجاعـه
وان كتبنا عن مزايـاك يـا كثـر المزايـا
. . . . . . . يكفي ان النور منّك مـلا الدنيـا شعاعـه
ياوطنـا والله انّـا علـى صـدق النوايـا
. . . . . . . من تقوت لك ذراعه .. كسرنا لـه ذراعـه
دام حبك فـي دمانـا .. ويلعـب بالحنايـا
. . . . . . . والله ان تبقى على عز .. وامجاد .. و مناعه
قالوا انّا كفو .. قلنـا علـى روس البرايـا
. . . . . . كفو .. نعرف نقطع الراس لا حان انقطاعه
ياوطن حييـت بالخيـر بعيـون الصبايـا
. . . . . . . ما بعد عزتـك عـزة ولا بعـدك رفاعـه
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى