علي كثروا أعوان الدهر والدهر ضـدي
وذا حال من صارت ظروف الدهر ضده
تحدانـي الدنياعلـي غيـر مــا ودي
وحبل الرجا رث ليا جيـت بـا أشـده
بعض الاصدقاء لاجيت با قابله صـدي
ومن كنت محتـاج لـوده بـدا صـده
ولا عاد لي غير اترك الـدار وأشـدي
ومـن عدنـي ولا فـوالله مـا أعــده
وصدر الفضاء واسع مع الافق ممتـدي
ومن سار في درب وصل لو بعـد مـده
ليـا بـاروا الخـلان والحـظ متـردي
فلا للفتى إلا يتـرك الـدار مـن جـده
وخـل يـدل خـل وجـد بـدل جـدي
وربي هو اللي يقصـر العمـر ويمـده
تمسكت في حبل الصلـة وتعبـت يـدي
بلا فايده واليـوم ذا الحبـل بـا هـده
وبا قوس ثوبي دمت حـي علـي قـدي
وكـل يفصـل لـه ثيـاب علـى قـده
فمن لا يسر بواجبـه مـات مـا سـدي
ولا خير فيمن واجبه مـات مـا سـده
باشد الرحال وباترك الدار مـن جـدي
ومن له علي فضل ومعـروف يرتـده
ورزقي علي اللي لا عطا يجزل المـدي
ومـن يستعيـن بخالقـه نـال مـا وده
لو ابقي وحيد ما حـد مـا أخـذ عـدي
ولاني بمن هو ياخـذون العـدى العـده
فلا خير فيمن يقبـل الضيـم والضـدي
ويخسي الذي تقصر عن المرجلـه يـده
انا اختار خالي والدي وأنتخـي بجـدي
وولد الردي لا أختـار خالـه ولا جـده
لمنـي نويـت بـدرب مانـي بمـردي
ولي قلب ما الخوف من الاخطار بيـرده
ولا لحقت الضلفه مـن الكـور للبـدي
صبور ليا شفـت الدهـر مايـل شـده
وما دام حالـي فـوق دنيـاي مستـدي
وربي معافيني ولـي حيـل بـا اكـده
ولانـي بمتخضـع ولانـي بمتـفـدي
لمخلـوف والليلـه علـي ديـن يعتـده
ماعرف منهي له بس وايد حلوه القصيده عجيييييييييييييييبه
|
رد مع اقتباس
المشاركة الأصلية كتبت بواسطة ونه الم
