اكتتاب دانه الغاز (مهم جدااا جداااا لللذين يبون الراحه عند الاكتتاب )

[القطري 999]

السلام عليكم ورحمه الله وبركاته

كيف الحال ياشباب انا اول مره اشارك في هاذا المنتدى الرائع وأود انا اكون عند حسن ظن الجميع

اما عن الموضوع الذي ساطرحه فهو عن اكتتاب دانه الغاز فهو الموضوع الذي يتكلمون به الناس في هاذه الايام فانا ممن اكتتب في هاذا الاكتتاب وتوني واصل من ابوظبي وانا من دوله قطر وأود ان اطرح عليكم بعض النصائح لكي لاتقعو في المشاكل التي وقعت فيها وهي :-

1- صرف عملتك بالدرهم الامارتي في نفس البلد التي انت متواجد فيها

2-الذهاب لأي بنك في شارع (الكترا ) وهاذا الشارع في ابوظبي وجميع البنوك في هاذا الشارع او اغلبها لكي تاخذ شيك مصدق لان البنوك التي تكتتب فيها لاتقبل نقدااا فقط شيك مصدق وانا صدقت الشيك من بنك دبي التجاري وبجانبه بنك القاهره فهو ايضا عنده شيكات وبعد تصديق الشيك تذهب الى بنك البريطاني Hsbcوهاذا البنك الافضل في الاكتتاب لانه سريع في تخليص المعامله وياشباب والله العمليه هاذي ماخذت منا حتى ساعتين في ساعتيين اكتتبت ورجعت الى قطر

3- التوكيلات ممنوعه وهاذا امر من الشركه في جميع البنوك وانا ممن تضرر بهاذا الامر فعندي وكالات مصدقه من جميع الجهات ولم تنفعني في شي

4-لايوجد سكن في ابوظبي ياشباب والله العظيم اكثر العالم نايمين في سياراتهم بس انا الحمدلله حصلت بعد معاناه ثلاث ساعات وانا ادور سكن بس الخمس ساعات بالف ريال من الساعه 2الى الساعه 7 والله ياشباب

5_ياشباب اي واحد يبي يكتتب لايفكر في دبي لان العالم متواجدين في دبي

6- ياشباب فيه ناس قالو لازم تفتح حساب هاذي اشاعات مو لازم ولاشي اذا بيرجعون الفائض على البريد يتصلون على تلفونك النقال ويحولون المبلغ الى حسابك في اي دوله مع اخذ عموله البنك فقط واذا تبي تفتح رقم مساهم انت وكيفك لاني انا مافتحت ولاشي يمكن اذا نزلت السوق راح افتح انشالله مو اجباري على الشخص فتح رقم مساهم

وارجو من جميع الاخوان الذين سيذهبون الى الاكتتاب اتباع هاذهي الخطوات فستتيسر الامور باذن الله


واتمنى التوفيق لكل من هو يسير على هاذهي الدنيا (ابوفيصل )

[Bin Hood]

جزاك الله خير يا خالد 0 ماقصرت على هالمعلومات .

[الضـــــــــــــــاوي]

شكرا أخوي على المعلومات القيمة بس في شي يلريت أتفيدين فيه

أنا أخوك الضــــــــــــــــاوي من البحرين وبقغيت أسألك عن كيف أقدر أبيع بعدين

أقدر من البحرين أو لازم أروح الأمارات أذا عندك خلفية فيدني الله يخليك.

[القطري 999]

شكرا يالمستثمر المثابر وشكرا لك ايضا يالضاوي ومادري والله بالضبط يالضاوي بس سمعت انك لازم تروح تفتح رقم مستثمر في سوق ابوظبي للاوراق الماليه ولا ادري عن مكاتب الوساطه الموجوده هل هي نفس عندنا في قطر بالتلفون يبيعون لك والله مادري بس انشالله ان حصلت معلومات اكثر راح افيدك

واتمنى التوفيق لكل من يسير على هاذه الدنيا (ابوفيصل )

[الواعد]

السلام عليكم

إذا ممكن احد يجاوب على تساؤلي وهو :

1- واحد من الأهل يبيني اسوي توكيل له على بطاقتي

هل مافيه فائدة من التوكيل وماراح يقدر يشتري باسمي ؟؟؟


2- أنا عندي حساب ببنك Hsbc فهل اقدر اشتري من الدوحة ؟؟

وهل عند طرح الأسهم في بورصة أبوظبي وابغي ابيع

لازم اروح لأبوظبي ؟؟ ولا ممكن ابيع واستلم فلوسي وأنا في قطر ؟؟؟؟



سلااااااام

[سعودي ولـي الفـخر ؟؟؟]

يعطــيك العافيـــــــه اخووي خالد كفــيت ووفيت بيض الله ووجهك
عندي سؤالــــين ياليت تجاوبني ن ال5000 ريال سعودي كم درهم اماراتي الاكثر الاماراتي ولاالسعودي ..

[القطري 999]

عليكم السلام يالواعد

اول شي التوكيل مايمشي نهائيا لان البنوك تقول الشركه هي الي رافضه التوكيل

اما اذا عندك حساب في البنك البريطاني فانه يمكننك الاكتتاب .انا بنفسي سالتهم وقالو نعم يمكن لاي شخص عنده حساب ان يكتتب

اما عن طريق البيع والله اعلم لازم تكون في ابوظبي تفتح رقم مستثمر في بورصه ابوظبي

[القطري 999]

سعودي ولي الفخر كيف الحال وماسوينا شي هاذا واجب علينا

اما عن طريق صرف العمله فعملت الامارات اقوى من عمله السعوديه ويجب عليك ان تصرف عملتك في دولتك فهاذه احسن طريقه وافضل حل .....اما ال5000 ريال سعودي تطلع تقريبا مو متاكد 4700 لان فيه واحد سعودي والله صرف قدامي 150000الف ريال سعودي عطوه 142000 الف درهم اماراتي شوف الظلم

واتمنى التوفيق لكل من يمشي على وجه الارض (ابوفيصل)

[الضـــــــــــــــاوي]

كرا أخوي خالد* على ردك وأهتمامك بسؤالي والصارحة أذا لازم أروح أبوظبي

ما تسوه العنوه كلش والله يوفق الجميع ..................