مطلوب مشروع للمشاركة

[كلاسيك للبيع]

السلام عليكم ورحمة الله وبركاته


عندي مبلغ 250 الف ريال ...قابل للزيادة (تعتمد على المشروع) .

ابي اشارك واحد عنده خبره .... بس ياليت بشكل شرعي يعني بدون لف ودوران ..مابي دكاكين تبيع سجاير او مكاتب تبيع لحم (كلاب) نفس شركة بن عاقول لمتد

انا قطري ملتزم (مطوع) لحية وثوب قصير اعلامي مثقف ... يعني من الحين اقولكم ... ما ابي مشاريع فاشله ولا ترى بدعي عليكم
ومع هالمواصفات (اوضح) ان الاعلان هذا مب طلب زواج ... يعني مابي عروض زواج

ننتظر ردكم وافكاركم على الخاص او الايميل qatarspeedgroup@h o tmail.com

[راعي النيسان]

شفيك طيرت الناس من البداية هههههههههههههه


على فكرة فيه افكار وايد ممكن تسويها بروحك من دون شريك ..

بالتوفيق بمشاريعك وان شاء الله نشوفك من هوامير السوق قريبا

[كلاسيك للبيع]

شفيك طيرت الناس من البداية هههههههههههههه


على فكرة فيه افكار وايد ممكن تسويها بروحك من دون شريك ..

بالتوفيق بمشاريعك وان شاء الله نشوفك من هوامير السوق قريبا

يا رجال خلهم يشردون ....عملية تنظيف مبدأيه .... عشان نبدا صح واللي يكلمني اكيد بيعرف حدوده قبل لا يقترح مشروعه
(هذا ويهي اذا حد يبي يشاركني)

صعب ابدا بهالمبلغ...المبلغ مايسوى ..... الايجارات تاكل المبلغ كله... ثانيا مابي اوجع راسي ... جربت حظي بروحي وفشلت .

الله يسلمك الشيخ ... وآنا مابي اكون هامور ... ملياردير ممكن
خاطري ابني مساجد

[كلاسيك للبيع]

شفيك طيرت الناس من البداية هههههههههههههه


على فكرة فيه افكار وايد ممكن تسويها بروحك من دون شريك ..

بالتوفيق بمشاريعك وان شاء الله نشوفك من هوامير السوق قريبا

فيه افكار وايد

قولي اذا عندك افكار... يمكن نستفيد.. واذا دراسة الجدوى جاهزة لاتقصر ..عطنا

[ورقــة أمــل]

ههههههههه

الله يوفقك اخوي وتلاقي شريك

وان شاء الله تصير واحد من اكبر تجار الدولة

[مفلوز]

عندي أرض وما عندي فلوس أبنيها .... شرايك ... البنيان عليك ... والمدخول ففتي ففتي

[كلاسيك للبيع]

عندي أرض وما عندي فلوس أبنيها .... شرايك ... البنيان عليك ... والمدخول ففتي ففتي

المبلغ مايبني لك ملحق


ومشكور على الاقتراح

[كلاسيك للبيع]

ههههههههه

الله يوفقك اخوي وتلاقي شريك

وان شاء الله تصير واحد من اكبر تجار الدولة

واحد من كبار التجار


لا شكرا ... خلني من عامة الشعب ... على الاقل اضمن الحلال في رزقي

[بدوي قطر]

ياخي فيه اكثر من مشروع تقدر تستفيد منه واقترح عليك مكتب لتصميم والبرمجة ورايح يدخل عليك بس يبي له طولة بال

وبالتوفيق

[كلاسيك للبيع]

ياخي فيه اكثر من مشروع تقدر تستفيد منه واقترح عليك مكتب لتصميم والبرمجة ورايح يدخل عليك بس يبي له طولة بال

وبالتوفيق

بعيد عن تخصصي ......
وطولة البال تعني ... راس مال اكبر لتغطية الايجار والرواتب


مشكور وماقصرت