بعنا وشرينا (9) حياكم

[قطر]

السلام عليكم

اشحالكم

اليوم ماشركتكم وايد لاني ماحبيت احرق اعصابي بالاسعار

خصوصا ان اليوم ثالث يوم لمت داون لبعض البنوك

المهم

اللي لاحظته مقاومة العقارية مع اقتراب موعد الجمعية

والمتحده مع بيع اكثر من مليون سهم ... لم يتأثر بالمضاربة ظل يقاوم


السلام هذا السهم مقاوم بالفعل مع محاولات التنزيل ظل يجاهد
ولازال اخضر اللون


في حين نرى الصناعات جريحه مع اكثر من 900 الف قتيل واكثر من 200 الف جريح انقذوا بأعجوبه
ولا يعرف مصيرهم الى الاحد

حشى معركة


ونرى وقود تتبعها في الكميات


ونرى الصمود وعدم التأثر في القطاع المحايد الا وهو التـــــــــــــــأمين

لاحظوا العامه للتأمين بتكسر حاجز 500 في هدووووووووووء

لانها بتوزع 50% اسهم مجانيه

زين المصرف بيوزع 50% اسهم واسلامي ليش ايحاولون اينزلونه


اقول تعبت من الموجز

نبدأ مع المستثمرين

من ايقولي عن اخباره ..... وعقب اذا حب يستفسر يسأل عادي

بس اول شي اخباره

تفضلوا المايك

[boabdullah]

قطر ,,,,,أخوي مراحب ماشفتك اليوم ( على العموم أخوك بعد اليوم عنده كان صعب شوية ) المهم أنا شريت في المواشي باللمت داون ,,,,ومنتظرها الأسبوع الجاي أنشاءالله راح ترتفع ,,,,أخوي عندي أستفسار عن النقل ووقود شرايك فيهم بالمظاربة والأجل الطويل ,,,,,,,, أخوكم بوعبدالله

[بوناصر1]

بصراحه انا عندي في العقاريه والله يشهد اني كنت حاس انه بيوصل لمت اب وبعت بلمت اب ومستاني اشتريه انشا الله يوم الاحد لاني حاس انه ما بيصك لمت اب من اول التداول وبعدين اغلاق اليوم الضاهر انه اقل من 171 يعني اذا وصل لمت اب يوم الاحد ما راح يوصل اكثر من السعر الي بعت فيه اليوم والحمد لله مره ثانيه على كل حال

[THE END]

بشرى ساره تم شراء تقربيا 7500سهم من الصناعات واتوقع اللي يشتري بالسعر يعني بيكون هامور ولا انا غلطان ارجو التصحيح

[نوكيا]

انا عن نفسي شريت في العقارية بسعر 169.50 لكن كميه قليله نحاول نعوض فيها
وبالتوفيق للجميع

[قطر]

بوناصر1
مبروك على البيعه

بس ليش الله ايهداك خلاص جمعية العقارية مابقى عليها شي

باقي 5 ايام شيل منها الجمعة والسبت ويومين تداول الاحد والاثنين..ويوم ايقاف تداول الثلاثاء

لو كان السعر مثل ماتقول يوم الاحد هل تتوقع ان بيكون في عرض؟؟

لو نطرت يومين الله ايهداك لكن الخيرت فيما اختاره الله ... والحمدلله على كل حال..

هلا بك

المبتدئ
من وين هالاخبار؟
حتى لو شرا 7500 جريح من بشتري المليون اقصد 900 الف وشويات

ماقلت لنا اليوم ايش سويت؟؟


نوكيا

ممتاز ممتاز.... سعر جيد حاول اتزيد الكمية...

والله ايبارك لك فيه


المتحد
مركز على المتحده انت ايش قصتك كم مليون عندك فيها
امزح معاك

سالفتها مجموعة اشاعات .... وهي اللي اخر شي سمعته اليوم 100% راس المال .. طبعا انا مااصدق..

وسالفتها الله ايسلمك ان المتحده خذت لها مشروعات كبيره يعني جيده للاستثمار الطويل لو بتغمض عينك عن المضاربات..

ومجلس اذارتها على حد علمي مااجتمع ؟؟ طبعا انا مش من متابعينها الا من اسبوع لان مضارباتها خطرة

واذا جاني خبر ابلغك عنها على طول تامر...


العنان

مبروك الشراء... بس اكيد شريت في العشر الدقائق الأولى للسوق

ودائما يحذرون من هالوقت في الشراء خصوصا اذا كان السوق فيه توقعات نزول..

بس باذن الله ترتفع



وهلا بكم كلكم

[THE END]

الله يوفقك انشاء الله نوكيا

[المتحد]

انا كالعاده في المواقف المشبوهه.... اتم اتفرج بس

بس الي مونسني... المتحده تمت صاامده وبالنهايه انتفضت بعد

هذا سؤالي لك اخوي قطر ...

شسالفتها ؟؟
وهل هذا الي توقعته لها من كلامك امس من ان مضاربين خليجيين يبون ينزلونها؟
انا مااعتقد هالشي...

صدقني .. وراها شي هالمتحده

[العنان]

انا عن نفسي شريت في مواشي ب51 ريال تقريبا في بداية التداول وانشاء الله ترتفع الاسبوع الجاي احتى عقب شهر.. اشعنده المقاوم

[boabdullah]

العنان ,,,,,,,,,,,,,,,أخوي,,, المواشي فيها طلب من أمس وحتى اليوم ,,بس اللي صار اليوم شي طبيعي لأن السوق نازل ,,,,,,أتوقع يوم الأحد في طلوع للمواشي ,,,,,,,,,,,ووتحياتي