مجلس البرنس ..

[abo rashid]

عليكم السلام اخوي بوراشد
امس تلاقيت مع اخوك البرنس ,,, حاولت معاه بس الظروف ما كانت مناسبه لأن الريان امس انصك من السد فكان مزاجه تعبان ,,, بحاول مرة ثانية بعدين

تسلم على مجهوداتك اخوي

يا هلا باخوي ذا ايدج ان شاء الله برتب المجلس من يديد عشان اوي البرنس اول ما يرجع يلاقي كل شئ جديد في يديد

بس ننتظر رجعتة القربية ان شاء الله

[البرنس]

السلام عليكم جميعاً ..

اشكر اخواني الغاليين جداً abo rashid و The Edge على تواجدهم في المجلس و على تصميمهم لتواجدي فيه ، و يعلم الله ان هذا المنتدى هو اول منتدى اشارك فيه في حياتي ، و يعلم الله كم اكن لأعضائة من احترام و تقدير ، و يشهد علي الله اني كنت اتفانا في الأخلاص له و كنت اسعى ليكون صرح يفخر به كل اعضائة و منتمينه ، و لكن قدر الله و ما شاء فعل ..

و حبيت اهدي ابيات لأخواني The Edge و abo rashid و انشالله انها تنول رضاهم ، و تحسم اي جدل او خلاف ، و تكون الرؤية واضحه لهم ، و هي ابيات كنت ناوي ارد فيها على اخوي شاهين في احد مشاركاته و امتنعت ، و اعتقد ان حان وقتها ، و هي كالتالي:

000 المنتدى 000


يامرحبا بمنتدى يضم الاحباب 00000 هذا عزيز وهذا نفسه خفيفه

الراي عمره مايفسد ود الاصحاب00000 لاكن العبره باخذ النصيحه

الزعل مرفوض والموده تطلاب 00000 واجب على منهو يرضي صحيبه

الشاهين

و كان ردي على نفس الوزن و القافية ، و الرد ليس لأخي ابو شاهين ، و هي لغاية في نفس يعقوب و قريحتي بالرد اثارتها ابياته ..




هلا و الله بجمع الأحباب ، جمع الأشراف و النفوس العفيفة ..

و الله ان فيهم مثل الأقراب ، و ناسٍ نفسهم لنفسي رديفة ..

و ناس في الحق ما تعرف الصواب ، و تقدير الأخيار على نفسهم جحيفة ..

و ناس ذاله و راسها بالتراب ، ترعبهم ردودو الناس الشريفة ..

و من حمل الذيب المنتدى العام ما خاب ، و النعم و الله في ابو محمد و خليفة ..

مجهود واضح و المواضيع اسباب ، و الأغلاط من شخصة الشامخ طفيفة ..

و ذيب القعاطرة يتسم بالصواب ، و يدري ان مثلي سباع الخلا ما تخيفة ..

و هالمجلس قفلوا عليه الباب ، زهدة منه و نفسي الغالية تعيفة ..

و ذي ابيات تواليها خراب ، اكتفوا بهاذي الأبيات الخفيفة ..

و سلامتكم ..




و تقبلوا مني ارق تحية ..

اخوكم البرنس ..

[ريانة العود]

صح لسانك

ويا مرحبا فيك اخوي البرنس

تو ما نورر المجلس ..

[شرقاوي]

صح لسانك يالبرنس

ماشاء الله عليك

ابداع متواصل

.

[abo rashid]

اشكرك على الابيات ان دل هذا يدل على طيب اصلك
عمر اللى بنى و ربى يتمنى ان يزول اللى بناة و رباة
ارجوا ان تعيد صياغة اخر بيتين على النحو التالى
و هالمجلس لا تقفلوا عليه الباب ، زهدة منه!!! و نفسي الغالية ما تعيفة ..

و ذي ابيات تواليها سراب ، اكتفوا بهاذي الأبيات الخفيفة ..

و انا اقول لك حق تزعل و لك حق نرضيك

[abo rashid]

السلام عليكم
كل يوم راح ادخل

[البندري]

وعليكم السلااااااام والرحمة

[abo rashid]

السلام عليكم ..

قهوة يا حمزه ..

[البرنس]

كل عام و انتوا بخير اخواني و اخواتي الأعضاء ، و انشالله سنة 2006 تكون احسن من الي قبلها و تكونون في احسن حال بأذن المولى عز و جل ، و كل عام و انتم بخير ..

تقبلوا مني ارق تحية ..

اخوكم البرنس ..

[ROSE]

هلاااااااااااااااا البرنسسسسسسسسسسسس

شلوووووووونك

شنهي مخططك للعام الجديد :d