مكاتب السمسره ودورها في رفع سوق العقار في قطر

[قطري عصامي]

شباب في اعتقادي بأن مكاتب السمسره ساهمت بشكل كبير في رفع سوق العقار في قطر

فتجد يوميا اعلانات منشوره من قبل هذه المكاتب على شكل قائمة وتحدد اسماء المناطق ويقابلها اسعار وكأنها دستور او قرآن منزل ، وقد وضعت هذه الاسعار اعتباطيا ودون دراسة فتجد الاعلان اليوم يوضح سعر الفوت في المنطقة مثلا (100ريال) وبعده بكم يوم تجد نفس الاعلان ونفس المكتب ونفس المنطقة يقابلها سعر الفوت (150 ريال) ، فأرجو من اخواني انهم يتنبهون ،

نحن نتعرض لعملية نصب كبيره ، والعذر ( اذا ما شريت هالبيت او الارض ما راح تلقى غيرها) ، وهذا الكلام غير صحيح ويتم ترديده من المستفيدين من غلاء العقار من مؤجرين وسماسره ، اذا بس يا شباب اي واحد كلف نفسه وخذى له لفه في الدوحه وضواحيها راح يجد بنيان بشكل رهيب وزياده عن الطلب في السوق، والدليل على ذلك نجد الكثير من العمارات والفلل غير مسكونه وهذا دليل على ان المعروض اكثر من المطلوب.

ما ادري اش راي الشباب؟

[سوق واقف]

صادق صادق صادق والله يوفقك الأراضي موجودة وبومشعل ما يقصر الصبر زين عقب فترة خلو أصحاب العقارات يقعدون عند عقاراتهم ويحطون كراسي ويأجرون باليومية أصبروا والله العظيم لا تسمعون كلام اي سمسار كلهم كذابين كلهم كلهم كلهم كلهم ...قطري عصامي جبتها على الجرح ,.............

أصبروا علي بجيب لكم أدلة بالصور وبجيب لكم عقارات بأسعاها الحقيقية ومن الملاك اصبروا علي انا مب جاهز الى الآن لأني محتاج كاميرا ممتازة ووراي سفر عقب السفرة ان شاء الله

[راعي النيسان]

انا واحد أؤكد هالكلام مائة بالمائة بانه وراء ارتفاع الايجارات همه اصحاب مكاتب العقارات ، ويقوولون المالك اهو السبب وراء هالشي ..

ياخوان اللي قاعد يصير هو التالي : اتفاق معظم مكاتب العقارات على اسعار موحدة للشقق والفلل والبيوت وبالفعل صارت اسعار موحدة ،، يعني معقولة شقة بوسط الدوحة غرفتين سعرها 6000 ريال ، ونفس المواصفات بالشمال بنفس السعر ليش ؟؟؟ ..

وبعدين ليش اسعار الشقق النازلة تشطب من الجرايد شطب ويقال انها تأجرت وهي معروضة من مكاتب العقارات ، وعند كل مكتب تروح له يقولك اخوي كم السعر اللي قادر تدفعه في العقار فتقول له مثلا 4000 ريال يرد عليك ويقولك ياخوي مافي أمل تحص شي بهالسعر في بسته وسبعة وثمانية ويكون اهو معلن عنها بجريدة ..

المضحك بالامر انه الواحد يتساجر له شقة مفروشة (فندقية) ارخص له من سعر شقة عادية بدون فرش .. واعطيكم مثال امس بجريدة الراية قريت اعلان عن استوديو مفروش كامل شامل الكهرباء والماء وانترنت نت مجانا وخدمة نظافة الغرف مقابل سعر وقدره 3900 ريال ..
واسعار تنافسية للي ياخذ اكثر من استديو .

كل هذه الامور تبين بانه في تلاعب كبير من مكاتب العقارات وخصوصا سماسرة الباطن ..لكن خلاص الامور هانت ومابعد الضيق إلا الفرج ،، انتو شوفو الاعلانات بالجرايد بدت تزيد يوم وراء يوم ،، وغير هذا بقولكم شي .. ليش صاروا اصحاب مكاتب العقارات يشترطون الحين دفعات مقدمة ثلاث شهور وشيكات وعقود لمدة سنتين ؟؟ اقرواء هذا السطر بالتحديد والجواب مفتاح الفرج قريب باذن الله ..

[سوق واقف]

انا واحد أؤكد هالكلام مائة بالمائة بانه وراء ارتفاع الايجارات همه اصحاب مكاتب العقارات ، ويقوولون المالك اهو السبب وراء هالشي ..

ياخوان اللي قاعد يصير هو التالي : اتفاق معظم مكاتب العقارات على اسعار موحدة للشقق والفلل والبيوت وبالفعل صارت اسعار موحدة ،، يعني معقولة شقة بوسط الدوحة غرفتين سعرها 6000 ريال ، ونفس المواصفات بالشمال بنفس السعر ليش ؟؟؟ ..

وبعدين ليش اسعار الشقق النازلة تشطب من الجرايد شطب ويقال انها تأجرت وهي معروضة من مكاتب العقارات ، وعند كل مكتب تروح له يقولك اخوي كم السعر اللي قادر تدفعه في العقار فتقول له مثلا 4000 ريال يرد عليك ويقولك ياخوي مافي أمل تحص شي بهالسعر في بسته وسبعة وثمانية ويكون اهو معلن عنها بجريدة ..

المضحك بالامر انه الواحد يتساجر له شقة مفروشة (فندقية) ارخص له من سعر شقة عادية بدون فرش .. واعطيكم مثال امس بجريدة الراية قريت اعلان عن استوديو مفروش كامل شامل الكهرباء والماء وانترنت نت مجانا وخدمة نظافة الغرف مقابل سعر وقدره 3900 ريال ..
واسعار تنافسية للي ياخذ اكثر من استديو .

كل هذه الامور تبين بانه في تلاعب كبير من مكاتب العقارات وخصوصا سماسرة الباطن ..لكن خلاص الامور هانت ومابعد الضيق إلا الفرج ،، انتو شوفو الاعلانات بالجرايد بدت تزيد يوم وراء يوم ،، وغير هذا بقولكم شي .. ليش صاروا اصحاب مكاتب العقارات يشترطون الحين دفعات مقدمة ثلاث شهور وشيكات وعقود لمدة سنتين ؟؟ اقرواء هذا السطر بالتحديد والجواب مفتاح الفرج قريب باذن الله ..

_____________________
أحبك في الله راعي النيسان والله انك صادق عندي شيء في قلبي وخل الشاطر يفهم أنتظروا بس فترة قصيرة وبتشوفون الي يسركم لاتحاتون الحين ما يطلبون ست شهور مقدم لا يبون سنة مقدم والعقد أربع سنين هاهاهاهاها يضحكون والله
اصبروا عليهم بصيرون نفس أهل مكة يأجرون بيوتهم موسم الحج هاهاهاهاهاها اهني بأجرون في الصيف فللهم عشان يصيفون وعقب يجون يسكنون فيها هاهاهاها تدرون المضحك أكثر في الأمر انه الإيجار يتقسم على الدلال ___راعي البيت --- الوسيط ---وواحد من الربع --على قولتهم هاهاهاها والله شيء مضحك عيل محل في الخور الباب 7000 ريال
في دبي جنب سوق نايف أحلى محل إيجاره 3000 ريال والله أنا سألت ..
بس ما أقول نفس ما الله خسف البورصه يخسف بهم العقارات ويخسرون خسارة ...الصبر مفتاح الفرج روحوا شوفوا الفلل ورى اللاند مارك كم فيلة عشرين أو أكثر خالية من سنة جديدة ليش فيها جن هاهاها خايفين ينزلونها السوق يطيح السعر هاهاهاهاها
شوفوا دوار المرخية ورى محلات بن القيم وانت رايح دحل الحمام شوف على ايدك اليمين فلل صار لها سنة أذا ما خاب ظني خالية وغير وغير من البيوت والعمارات الخالية .....
والشيء المضحك كل تتصل في اعلان في الجريدة يرد عليم مرحبا خيو كيفك بدك هون عندنا بيوت بدق ......
والله من القهر أشلون وصل فيكم الطمع انكم تطردون عيال البلد من بيوتهم ...
والله وتبي تشوف المسخره فله سوبر ديلوكس تشطيب ديلوكس مسبح رخام كامل وحجر والباب درابزين والشبابيك نفس الشيء تحصله مجهز البيت حق هله عقب يمر عليه واحد يقوله تأجره عمال يقول كم يطمع يسكن عمال ويسكن هله في بيت أهله في غرفة قرقور والله هذي الي حاصل .........
أقسم بالله العظيم أعرف بنات متلعوزين ويا أزواحهم الزوج مسكنها في شقة طمعا بالمال ...
وبيت العمر مأجر حق عمال ههههههههههههههههههههههههلو يفكر عقب ما يطلعون العمال كم بخسر الإيجار الي يندفع له راح يخسره على تعديل البيت بعد ما ينتهي العقد تكرمون الحمامات بعد العمال والمسبح شاور جماعي يعني خذ الوصاخة هههههههههه
قهر قهر قهر قهر قهر قهر

[سوق واقف]

للرقع نظرا لأهمية الموضوع

[abu essa]

سوق العقار الى انهيار . وإن شاء الله يفرحون اهل قطر وخصوصاً من ذوي الدخل المقرود. اقصد(المحدود).
والله يوفق الجميع

[قطري عصامي]

سوق العقار الى انهيار . وإن شاء الله يفرحون اهل قطر وخصوصاً من ذوي الدخل المقرود. اقصد(المحدود).
والله يوفق الجميع

الله يسمع منك

بس اخوي بو عيسى نبي اثباتات على كلامك ، اذا فيه ادله يا ليت اتوضحها للشباب