برنامجكم ( شرينا و بعنا ) .. 8

[سهم عتيج]

يمكن آنه ذكرت أمس شي في نفس موضوع اليوم حول السوق ( بعنا وشرينا ),, بس ما شفت أحد عقب عليها,, وهي انني أتوقع ان البائعين في السوق هم كبار المستثمرين,, والمشترين هم من رجعت لهم الأموال المرتجعة من ناقلات,, وهذا الوضع بدا لي واضحا منذ بداية الاسبوع مع عودة الأموال المرتجعة من ناقلات,, حيث ان هذا الوقت مناسب جدا بالنسبة لمن احتفظ بالأسهم في الفترات السابقة حيث شهدت ارتفاعات كبيرة جدا فاقت في بعض الأسهم 100%,, وهذا الوقت أعتقد انه فرصة لهم لجني الأرباح مع عودة اموال الاكتتاب في ناقلات..

[الوهم]

هلا اخووني وخوااتي

تنصحووني اشتري المتحده باجر ؟؟ ولا لا

[بيـــزات]

سهم عتيج وانا اوافقك الراي

بس مو لذيك الدرجه اللي تخلي الصناعات المعروض فوق 400.000

بينا المطلوب صفر.. انا اتوقع بعض الناس كل الطعم ويبي يتخلص من اللي عنده
حتى لو كان خسران مبلغ بسيط .. بس يبي الشرده الحين.. في النهايه هاذيه توقع
تحياتي

[إنتعاش]

والله بالنسبة لي ونظرا لذوبان التحويليه

اشوف اني احتمال اخذ ضعف الكمية اللي خذتها بـ 89 ريال امس

عشان المعدل ينزل عندي ما يكون عالي

[نوكيا]

أنا اليوم شفت السوق في البداية جيد يعني نص ونص
والصراحة ماتوقعت هالنزول القوي للسوق
سويت اوردر بيع الصناعات بسعر السوق لمت داون بس ما في فايده لكن بكره الخميس موبايع بخساره
على العموم ننتظر لين الاسبوع ونشوف الارتفاع الجاي

[بيـــزات]

والله انا اشوفه اجراء سليم اخوي انتعاش

بس خذ الحذر قد ما تقدر وبالتوفيق..

[Spread Trader]

احسن طريقه للحفاظ على الاسهم, لاتشوف الشاشه , بس انا مسويتها اليوم

يعني بعت المتحده ,الدولي, الفني وقعدت على بساط الفقر

[بو صالح]

انا عن نفسي بعت امس الوقووووود لاني كنت حاس ان يوم الاربعاء راح يصير نزول وبعتها ب 145 شريتها ب 107

وكنت متخوف انها تنزل ( وقلت يا روح ما بعدك روح خلها اتروح اليوم ((( اليوم يعني امس ))) بسعر الليمت اب

ولا اقعد على اعصابي بكره (( وتوفقنا )) وارتحنا

اليوم كنت بشتري بالمصرف وازيد عالكميه الي عندي ( شريتهم ب 280 ) وبعدين قلت لا

انطر لا بكره باخذه بسعر الليمت دوان اول السوق

(( اشرايكم اخذ )) لاني طمعان بالاسهم المجانيه والمصرف مستقبل جيد جدا

[سراب الامل]

بالنسبة لي اليوم اشتريت بالسيولة اللي عندي الصناعات بس تدرون اني شريتها اول الصبح وهي على الليمت اب وبعدين هوبا دوان لكن اقول الحمدلله الصناعات الواحد مايتحسف انه شرا فيها لانها اليوم نازله وبكره راح تعوضنا وترتفع الاهم اني ماتعرض للمصيده اللي تعرضوا لها الاغلبيه وقاموا يبيعون اللي عندهم

صابره على اللي عندي ومابيعها واللحين صار عندي الصناعات والمتحده والوقود والايجارة ومش مستعجله عليها وراح اخذ باقتراحاتكم بالاخص اخوي انتعاش واليافعي متى راح يحين علي بيعها لكن لاتقولون لي بهالفتره لاني بعضها راح اكون خسرانه فيها مثل الصناعات والباقي ربحانه فيها ميه بالميه الحمدلله والشكر لك يارب

والله يخلي لنا ويسلم لنا بومشعل ويطول لنا بعمره

[قـطـريـه]

وغدااً يوماً أخر
أن شاءالله اخضر