استفسار قانوني بخصوص الإيجارات

[إنتعاش]

الله يسلمك من الشر يا سهم


لكن ياخوك هاذي فيها غبن


الشارع اللي انا فيه كل المحلات تأجر على 15 و 17 وبمساحات اقل من محلاتي

وانا ايجارياتي على 10 الاف

فقلت اتفاهم وياهم برفعها للـ 15 الف او حدودها

محلاتي 10 م عرض x 20 م عمق
+ ميزانين بمساحة تقريبا 120 م

يعني محل متعوب عليه مب اي كلام

دبرة الله ابرك على قولت بن فطيس

[ســـهم]

يمكن تكون البركه في العشرة الآف

اكثر من البركه في ال 15 الف

الله يوفقك ويرزقك من حيث لاتحتسب


خلك قانوني علشان مايحجونك

ملاحظه :

يمكن أن يكون هذا القانون لايشمل المحلات التجاريه

[المتأمل خيرا]

الحين ياريت حد يفهمنا عدل القانون بشكل واضح :


مثال :

هناك عقد ينتهي في 1/7/2007

بإيجار كان مثلا ً : 10 الاف ريال


الحين يعتبر العقد انتهى - خلص -

وبيكون فيه عقد جديد من 2/7/2007 إلى 2/7/2008

هل تنطبق عليه الـ 10 % قانونا ً ؟

او يقدر بما ان - العقد منتهي السابق - انه يخليه مثلا ً .. 15 الف ريال ؟

- مجرد اجتهاد.. لكن مبني على نص القانون -

يلاحظ أنه في المادة (2) من القانون أعلاه.. النص التالي:

مع مراعاة حكم المادة (29) من القانون رقم (2) لسنة 1975 المشار إليه ، لايجوز للمؤجر خلال مدة العمل بهذا القانون أن يطلب، ولو عند انتهاء مدة الايجار، إخلاء العين المؤجرة إلا لأحد الأسباب الآتية:

1 - إذا أراد المؤجر هدم المبنى لإعادة بنائه.
2- .. .. ..
3- .. ..

وبالتالي فانتهاء العقد.. يصبح كأنه سار.. بمعنى كأنه يتجدد تلقائياً - بموجب هذا النص - ، ولذا أظن هذا أحد أسباب تحديد فترة سنتين فقط لسريان مفعول هذا القانون..

[المتأمل خيرا]

كتبت الرأي أعلاه.. قبل ان أرى وجهة نظر الأخ "سهم"..

يعني "اجتهادينا ؟" متشابه ..

[إنتعاش]

تسلمون كلكم يا سهم ويا المتأمل خيرا

على التوضيح والاجتهاد

سبق وان كانت الايجارات في 2006 اعتقد كانت على 8500 ريال وقعت معاهم

ورفعتها في 2007 إلى 10 الاف

ولا زلت اقل واحد في الشارع اعتبر كإيجار

المشكلة ان البنيان هذا يا طويلين العمر وصلت له الكهرباء للأسف بعد - سنتين كاملتين -
من انتهاء البناء وشهادة الاتمام

يعني جلس سوقي سنتين في الشمس ما اقدر ااجره

لين ماجات الكهرباء في 2005 و وقعت مع الناس وكنت محتاج عقود سريعه

عشان اسرع في العملية واجيب لي فلوس بدال الحلال اللي واقف

سبق زي ما قلت لكم رفعت الايجار من 8500 إلى 10 الاف ريال

بشكل ودي ما بيني وبين المأجرين

ولو انهم يشوفون ان المحلات ما تستاهل كان سوو لي سين وجيم وعورو راسي

لكن لأنهم يدرون ان بـ 18 وحولها يطيرون المحلات ولا يحلمون في موقعها

لكن زي ما قلت لكم الحين بشوف اموري معاهم لان في نهاية 7 تنتهي العقود

بنشوف لنا حل ودي نجلس نكاسر وياهم شوي

ولو ألف ألفين بركة وخير

وهم شركات كبيرة ومليارديريه مب ناس ضعيفه او في بداية حياتها عشان ضميري ما يانبني

المهم اننا نحصل لنا كم ريال زيادة لهالايتام . .


تسلمون جزاكم الله كل خير

[bo_hamad]

يقولك المثل طنش تعش ولا تزيده عن 10% فقط وإذا ما يبغي يستلم الايجار اودعه في المحكمة وخله يراكض ورى المحاكم سنتين الى 3 سنوات لين ما يطلع السانه وبالتوفيق

[ولد الشمال]

الله يرزقكم

[*بوحمد]

لاحول الله من طمع بعض الملاك
ناس ما عاد اتخاف الله

[طاير]

ما شاء الله
الأسماء اللي ردت على هالموضوع اسماء عزيزة علي وتكتب بماء الذهب

مشكورين اخواني واخواتي على طرح الآراء اللي استفدت منها والعقد باقي له شهرين والمالك اتصل فيني وقال لي عشان زيادة الغرف وحاولوا تلاقون لكم منزل واذا مالقيتوا ايصير خير وانا قلت له صعبه نلقى بيت الحين هذا اولا بعدين مسألة الزيادة في الغرف صعبه من مبدأ المماطله اللي صايرة الحين في البنيان يعني ايقول لك باخلص في شهر ويقعد المقاول يشتغل ستة شهور والبيت عوايل ومكان الغرف اخر البيت ياليت في اول البيت كان تهون

وبعد الأنسان يحرص على الراحه
من فيه شده ايعيش حياته كلها كأنه في حرب ... لا صار كل حق يبيه الشخص ايطارد وراه في المحاكم عجل الله ايعين كبار السن والنساء والضعاف اللي مالهم سند ..
المطارده ورى المحاكم وكل يوم مطلوب لقضية صعبه وخصوصا لمجتمعنا ..

انا ان شاء الله باحاول اوصل معاه لحل وسط ولعل وعسى نوصل لحل لو ايكون فيه زياده شوي في الإجار اهم شي نستمر في البيت ليمن ايخلص موضوع الإسكان واللي عالق من سنتين

[المتأمل خيرا]

تسلمون كلكم يا سهم ويا المتأمل خيرا

على التوضيح والاجتهاد

سبق وان كانت الايجارات في 2006 اعتقد كانت على 8500 ريال وقعت معاهم

ورفعتها في 2007 إلى 10 الاف

ولا زلت اقل واحد في الشارع اعتبر كإيجار

المشكلة ان البنيان هذا يا طويلين العمر وصلت له الكهرباء للأسف بعد - سنتين كاملتين -
من انتهاء البناء وشهادة الاتمام

يعني جلس سوقي سنتين في الشمس ما اقدر ااجره

لين ماجات الكهرباء في 2005 و وقعت مع الناس وكنت محتاج عقود سريعه

عشان اسرع في العملية واجيب لي فلوس بدال الحلال اللي واقف

سبق زي ما قلت لكم رفعت الايجار من 8500 إلى 10 الاف ريال

بشكل ودي ما بيني وبين المأجرين

ولو انهم يشوفون ان المحلات ما تستاهل كان سوو لي سين وجيم وعورو راسي

لكن لأنهم يدرون ان بـ 18 وحولها يطيرون المحلات ولا يحلمون في موقعها

لكن زي ما قلت لكم الحين بشوف اموري معاهم لان في نهاية 7 تنتهي العقود

بنشوف لنا حل ودي نجلس نكاسر وياهم شوي

ولو ألف ألفين بركة وخير

وهم شركات كبيرة ومليارديريه مب ناس ضعيفه او في بداية حياتها عشان ضميري ما يانبني

المهم اننا نحصل لنا كم ريال زيادة لهالايتام . .


تسلمون جزاكم الله كل خير

جزيل الإمتنان "إنتعاش" لتفضلك بشرح وجهة نظرك.. والظروف التي تم خلالها تأجير المحلاّت..