يلا خذوا أول يوم دوام والمصايب الي فيه..

[امل الحب]

السلام عليكم..

شلونكم ياحلوين..

طبعاا اليوم كان لي اول يوم دوام في احد شركات الدولة

قايمة من النوم الساعة 6 وعشر لبسة وسبحة عالسريع واطلع واروح واوصل الابراج ياربي اي برج اي برج وجان احصله بس طفت اللفة وارجع واخذ الدوار واوصل وانزل وادخل البرج كل شي اوكي الا السكيورتي يقول لو سمحتي التصريح اوهو هذي من وين ايب له تصريح جان اكلم وحدة فوق واقولها جذي وجذي جان تقول عطيه بطاقتج الشخصية جان اعطيه جان يقول خليها لين يخلص الدوام جان اقوله لا ياحبيبي دافعين فيها 50 ريال يلا اكتب الي تبي منها وعطني اياها جان يعطيني اياها

جان اروح حق المصاعد ابي طابق بعيد شوي..

هع واقفة شوي الا يات وحدة وعقب واحد وعقب واحد ينطرون وكل شي بخير شوي يفتح اللفت طبعا هم وايد واشوف العالم تحركوا ابيه اي واحد الي فتح والحقهم وادخل..

واوصل فوق طبعا واروح الا تقول المسؤول عنج محد زين شنو يعني الا تقول تقدرين تروحين لفان الا اقولها نعم لا ياحبيبتي عادي اقدم استقالتي واطلع الحين ماباقي الا كل يوم اطق من بيتنا الا هو بعيد لين لفان يمين يسار مافي ..

الا تقول اوكي بنحطج عند واحد اجنبي يشرف عليج قلت لها اوكي وداشة رازة الفيس اعرف عن نفسي الا يقول تفضلي وجان اقعد جان يقول سوري اليوم المكيفات خربانة شالحظ صج يكسر الصخر من اول يوم المكيفات خربانة..

جان اقعد قام راح ياب لي لاب توب قال لالا ماينفع عقب ياب لي لاب توب ثاني وشبكني بالنت
يبي الفكة الاخ شوي الا متصلين عليه في مشكلة واحد مو قادر يشبك النت قال تعالي معاي شوفي اوكي واروح معاه دخلنا الا يقول طلعي لي رقم البورت الي هو شابك منه واطلعه جان يقول تعالي معاي وندخل غرفة الوايرات الي يقول تعرفين ليش مايشبك قلت له لا الا يقول لاني انا فاصل وايره عشان اعطيج انتي النت الله يغربل العدو
فطسني ضحك وجان يشبكه مرة ثانية..

جان نروح هناك جان يقوله خلاص خلاص وصل وانا بموت من الضحك وهو يقوله مادري الظاهر وايرك فاصل

وجان نرجع المكتب واقعد الا مافي نت شسوي ملل قاتل وواحد فاضي رايح وراد ها شخبار الملل زين ماقمت زنطت له بروحه ملل وهو شخبار الملل..

جان عاد انا قاعدة فاضية خلصت السوالف ماتم شي ماسولفت فيه مع هالاجنبي ياربي ابي شي يشغل وقتي تو الناس توها 9 والدوام لين 3 شبسوي..

جان اتذكر ان الجيم بوي فالشنطة ويايبة لي كم شريط جان اطلعها والعب جبرتني الظروف مباليد حيلة والعب جان اشوف الساعة الا الساعة 11 عاد انا يوعاانة شسوي الا يقولي لا هني مافي اكل اذا تبين تطلعين تتغدين برا وين برا صج انك فاضي بروح وبرجع ايه صح..

جان اسحب الكافي من الشنطة واكل واطلب لي كوفي صرف نفسك وقت الزحمة الا اقول اوكي الي مايحط سندويتشته فالشنطة من بكرة شوي الا الساعة 12 قمت توضيت ورحت حق وحدة قلت لها بصلي ودخلتني المكتب وسكرت الباب وانا اصلي عقب من الفضول بطل بشوف شنو تحت جان اطل جان راسي يدور الا بنيان حذاهم واحنا فووووووووووووووووق وكل شي صغير وجان اشوف منظر البحر الازرق رهيب ينن طار عقلي ..

جان اطلع واروح هناك واقعد ياربي ملل الا اقوله بطلع انا خلاص مليت الا يقول كلمي مسؤولج في لفان وقولي له ان شاء الله عمي وجان اكلمه الا يقول بسمح لج اليوم بس لانج اول يوم دوام بس من بكرة تلتزمين ان شاء الله تامر امر بس خلني اروح الحين جان تقول وحدة من الي هناك تعالي اخذي لج لفة في الشركة نعرفج عالموظفين جان اروح في جولة تفقدية الله والموظفين 3/4 محد وانا يقولون لي لازم تلتزمين يلا خير ان شاء الله..

وجان اطلع وارجع بيتنا وخلص اليوم الاول بخير والحمدلله

[بوحارب]

الله يعينج

[وطن]

الله فله

نفس حالتي

زين انا بجي اقدم عندكم
اتسلى معاج

وبالمره نشرد مثل باقي الموظفين اللي عندكم


<=== كأنج انتي مقصرة

هاهاهاهاهاها

[غزلان]

مبروك

[التيما]

دوااااااااام عجيب والاكل برا بعد ؟؟ عز وونااااااسه احنا نبي نروح موعد سين وجيم ولا النيابه ..

يالله هانت ههههههههههههه اهم شي لا تنسين الساندويتش باجر

[ROSE]

بالمبااااااااارك ان شاء الله الامور تمشي معاج بس شوي شوي

لا تستعجلين وانتي طلبي الشغل يعني لو ماعندج شي قولي لهم عطوني شغل

حني عليهم لي مايعطونج شي تستفيدين منه

[شموخ قطر]

هذا اول يوم وتقولين ملل ,,, الله يعينج على السنين الجايه

ومبروك ع الوظيفه والشقى

[@ بوفيصل@]

جيم بوي و كافي في الشنطه من اول يوم
عيل بكره بتاخذين وياج بلاي ستيشن و كنتاكي في الشنطه

الف مبروووك الوضيفه منها للاعلى ان شاء الله اختي

[امل الحب]

الله يعينج

يعين الجميع شاكرة لك مرورك اخوي..

[امل الحب]

الله فله

نفس حالتي

زين انا بجي اقدم عندكم
اتسلى معاج

وبالمره نشرد مثل باقي الموظفين اللي عندكم


<=== كأنج انتي مقصرة

هاهاهاهاهاها

حيااج..

احلى مافي الشركة ان توها جديدة والقطريين شوي فيها..