كل شوقٍ .. إلا شوقي ...
كل شوقٍ في الحياة يضمة الوقت لحبيبه
إلا شوقٍ لاغدى مضموم من تحت التراب
مالي فيها أي حبال وماني قادر لو أجيبه
هذا مركب هي راحت واختفى وسط الضباب
هي أمي هي دمي هي اقرب من قريبه
لا ابد مو قادر أنسى وشوقي يطغاة العذاب
في الصبح قالوا لي ماتت واختفت شمس بمغيبه
صارت أشبه بالظلام ونورها الخافت سراب
شفتها آخر أمنياتي .. صارت لقلبي مصيبة
شفتها كفنا طريحة وسط مغسلة الإناب
وجهها يعلن وداعي ماخذٍ مني نصيبه
ماخذٍ مني حياتي .. نور عيني والغياب
ريحة الكافور منها والسدر عندي مريبة
ودي لحظه يقولوا حلم وموتها حلم الجواب
لين قالوا غَسَلَوَها ... عَطَرَوَها مسك طيبه
جهَزَوَها كَفَنَوَها ... ودعُوها للتراب
وقدمُوها للصلاة وللدعاء ربٍ يجيبه
ربي يا عالم مصابي وأنت رافع للكراب
ارحم أمي اليوم ضيفه واستر الها كل عيبه
ونقّها دنوس الخطايا في زمن ذنبه كـ داب
وثبت القول منها في سؤالاتٍ صعيبه
ولا تزل الرِجل منها واجعل خطاها كـ شاب
واجعل السكنى جنان وكل جمعٍ فيه طيبه
يا إلهي أنت أكرم وأنت ألطف بالمصاب
راحوا أهلي وكل ربعي رجال وأطفال ومشيبه
نزلَوَها في قبرها ... واتركَوَها للحساب
ورجعت لي عيون حيرى طفل يسأل له قريبه
وين أمي .؟ هي ماتت !؟ ليه راحت للتراب !!؟؟
وطفل ثاني يسأل أمه والدمع وحده يجيبه
راحت لربي "يبوي" وحنّا نلحقها قراب
مافهم ذا الطفل كلمه بس إحساسه غصيبه
وأبتدى من غير رايٍ دمعه في روحه يذاب
وأبتدت هالناس تنعي واتّرحم بالحبيبه
واذني عيت تسمع (إ)لهم وفكري عيّا يُستجاب
لحظه ما غابت خيالٍ في عيوني له لهيبه
وفي خفوق الصدر شوقٍ كثر ما هالبحر جاب
أكذب اليا قلت صدق قلبي موتتها ... غريبه !
كل ليله هي حلمي .. وأصحى وألقاها سراب
آآه يا إحساسي وشوقي ..آآآه يا أغلى حبيبه
شوقي لشوفه دقيقه ... بس هي تحت التراب
الله يخليلي امي ولا يحرمني منها ... ويحفظ لكم امهاااااتكم وامهااااات المسلمين ...
اللهم آآآآمين ....
|
رد مع اقتباس