كلام بوشهاب اقرب الى الواقعالمشاركة الأصلية كتبت بواسطة حمد1977
كلام بوشهاب اقرب الى الواقعالمشاركة الأصلية كتبت بواسطة حمد1977
حتى بعد سنة والاسعار في الارتفاع لازم الدولة تتخذ خطواط سريعه لاستقرار سوق العقارات في بناء مجمعات سكنية باسعار لا تزيد عن 4000 ريال لكل فيلا وعمل ابراج سكنية بايجار 2500 ريال شهريا تدخل فيحساب الدولة ولمدى طويل مثل سوق واقف ومشروع برة السكني وتحياااتي للجميع
بما اني من اللي يعانون من نار الايجارات وعدم وجود سكن فانا شخصيا خلال الاشهر والايام اللي طافت لاحظت الفرق في الاسعار ... لقيت شقق في جديدة اول مرة تنبني في منطقة الخريطيات واتصلت عليهم اسال عن الايجار قالي المندوب ان طويل العمر يبي ياجر الشقق كلها حق شركة قلت له كم طالب في الشقة قالي 6 الاف ريال .. قبل كم يوم اتصلت عليه مره ثانيه اسال بقى شي من الشقق قالي ايه باقي 3 شقق قلت له على كم الايجار قالي 5500 ريال قلت له نهائي قالي ممكن نراعيك اذا العقد سنتين ويكون الايجار 5000 ريال .. وطبعا لو خذيت وعطيت وياه بالكلام ممكن اوقع العقد وياه على 4500 ريال ..
طبعا السالفه ذي في غضون شهرين ..
نفس الشي في العمارة اللي صوب الركن الرياضي احذى محلات المشيري .. اشوف الى اليوم ما تأجرت كلها .. والايجار كان حول 8000 ريال .. اعتقد الحين ممكن يأجر باقل من هالقيمة ..
تحياتي لك على هالموضوع
ان شاء الله يكون الخبر ,, او التوقعات صحيحه
وانا ما استبعد نزول الاسعار ,,, لأن بيكون العررض اكثر من الطلب بالنسبه للعقارات
هذا والله اعلم
ومشكور على جهودك اخوي
بو حسن
الحبيب + زاير الليل = بوحسن
كلها اقل من سنتين انشالله..
واللي ساكن ب شقه راح ياخذ بيت شعبي جديد..
وراعي البيت الشعبي باخذ فيلا ب حوش واسع..
قولوا يارب..
بالنسبة لمشروع بروة تم التوضيح ان هناك سوء فهم تم نشره في الجرائد اليومية وتبعه توضيح ولكن للاسف لايزال الموضوع مبهم عند اغلب الناس--------الموضوع ان المشروع عبارة عن 2000 وحدة سكنية. في منطقة السيليه 1000وحدة و1000وحدة في مسيمير وليس في منطقة الدفنة -الذي في منطقة الدفنة هو نموذج لموافقة الجهات المعنية اما بالنسبة للعقار في دبي فهو في اعلى مستوياته والاعلان في جرايد قطر لم يوضح ان مشروع الجنة في منطقة بعيدة جدا في امارة عجمان وليس على البحر بل على بحيرة صناعية على طريق رأس الخيمة عجمان وفي الاعلان حدد مكان المشروع بالبعد عن مطار دبي 20 دقيقة للعلم (عن طريق المدينة الصناعية) اسعار العقار في دبي خيالية اعلان في جريدة قطرية عن شركة عقار تسوق لعقاراتها في دبي ثمن الشقة الوحدة (بنتاهوس)تساوي 55000000خمسة وخمسون مليون وممكن يتضاعف سعرها خلال السنوات القادمة حسب قول السمسار
التعديل الأخير تم بواسطة muneera ; 30-04-2007 الساعة 01:05 PM
يبى انت عندك مسؤوليين في البلاد شغاليين ليل ونهار علشان يحلون الازمه ودام انهم قالو بيحلونها يعني حط في بطنك بطيخه صيفي بتنحل وعما قريب رضيت ولا مارضيت
آحلــى ذكـريـات العمــر ...
الحمدلله ولا آله الآ الله ...
يبقى أبلني على قولة المصريين كلا يشتغل على مصالحه الشخصية الا ماندر وهم قله للاسفيبى انت عندك مسؤوليين في البلاد شغاليين ليل ونهار علشان يحلون الازمه ودام انهم قالو بيحلونها يعني حط في بطنك بطيخه صيفي بتنحل وعما قريب رضيت ولا مارضيت
اللهم أسئلك بأن لاتؤاخذني بمايقولون ، وأن تغفر لي عن مالايعلمون ، وأن تجعلني خيراً مما يظنون .
قد سُئل الإمام أحمد : إلى متى تكتب العلم؟
فقال: لعل الكلمة التي فيها نجاتي لم تُكتب بعد.
(وَمَنْ أَحْسَنُ قَوْلًا مِمَّنْ دَعَا إِلَى اللَّهِ وَعَمِلَ صَالِحًا وَقَالَ إِنَّنِي مِنَ الْمُسْلِمِينَ)
استشارات قانونية (مجانية)
سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ
نزول العقار صار مثل الشماعة اللي نعلق عليها امالنا
تونا مانسينا الاسياد ولا نسينا المواضيع اللي انكتبت في هذا القسم عن نزول العقار بعد الاسياد وما سيصاحبه من نزول في مواد البناء
لدرجة ان البعض في ذالك الوقت صارت عنده قناعة بهبوط محتمل بعد انتهاء الحدث الرياضي مما حدى بهم الى تأجيل مبتغاهم لحين انتهاء البطولة
وهناك في الطرف الأخر من حاول أن يتخلص من عقاره خشية نزول الاسعار
فماذا حدث بعد الاسياد
هل هبطت العقارات ؟؟
طبعا كلنا نعرف لا
وبالعكس اصبحت الأن اعلى من اسعار فتره (الاسياد) وبفارق ايضا لايستهان به
ف لانكون متفائلين واجد بالهبوط وبعد لانكون متشائمين بخصوص المستقبل
وعن وجهة نظري وبأمانة
لا اتوقع نزول في المستقبل القريب
اما من ناحية الأجار فهناك احتمال ولاكن ليس بالمستوى المنشود
المشاركة الأصلية كتبت بواسطة أحمد اليافعيهذا الكلام صحيح مائة بالمائة ونعم هناك من بدا بتخفيض الايجارات فعليا بل وصل الأمر إلى منح الشقة بخدمات الماء والكهرباء والتأثيث مجانا ،، وابسط مثال عندنا بالدوام تعين 4 موظفين وكانوا يدورون استديو صغير للاجار بمنطقة ام غويلنة والمنتزه والمنصورة وما حصلوا شي رخيص إلا فوق الخمسة والسته ، وتوهم من اسبوع بالضبط حصلوا ثلاث شقق جديدة بعمارة جديدة بأم غويلنه غرفتنين وصالة وحمامين باجار شهري وقدره 4200 ريال ولا المالك معطيهم ثلاث اشهر مجانا بدون فواتير كهرباء وماي
الخلاصة .... يااخوان الكل اللي بنى الحين جاء في الوقت بدل الضايع ويبي يكوش على اللي بقى ويبي يصير شاطر ،، .. الطيور طارت بأرزاقها والدليل السيولة تحولت وبدت تدخل سوق الاسهم ولاحظوا السوق هاليومين ليش قاعد يرتفع شوي شوي ،
وصدقوني طالما الشركات والمؤسسات الحكومية دخلت جو المنافسة راح تكون على جبهة قوية ،، وصراحة انا افضل أني استاجر من شركة او جهة حكومية ولا أوجر من مالك جشع ولا يخاف الله
أكثرية الملاك الجدد بنوا بيوتهم وعماراتهم عن طريق اقساط وسلف من البنوك ويحلمون انهم يأجرون الشقة بالثمانية والتسعة ،، علشان يطلع مسدد القسط وربحان من السالفة ،، وفي هلايام عموما محد منا ما يخاف من وهقة اقساط البنك خصوصا انه بينحجز وراح يتم بيع العقار بالمزاد العلني ،، ويوم تتراكم الاقساط وما يحصل احد يأجر منه راح يظتطر ياجر باي سعر علشان بس يلقى من يسدد قيمة القسط
لاحد ينكر هالكلام ولا يحاول يشكك فييه ، ترا ربعنا مافي احسن منهم علشان يخربون على بعض ،، وجدامكم الجرايد اللي بدات تطلع فيها شقق وبيوت وفلل للايجار ،، وين قبل اشهر تشوف شي للايجار او تمر على عمارة حاطين عليها لافته شطول للايجار حتى الاعمى يشوفها من بعد عشرة كيلو
التعديل الأخير تم بواسطة راعي الجمس ; 30-04-2007 الساعة 09:12 PM