واحد من الربع ايدور شريك لمشروع تجاري عنده ......
هل في شركات / مكاتب متخصصة اتقدم sourcing out لشركاء او مموّلين مهتمين عن طريقهم !
بحيث ياخذون نسبة وايحطون المالك مع الشريك المحتمل !
ما عندي فكره عن مشروعه لكن السؤال عام ...
عرض للطباعة
واحد من الربع ايدور شريك لمشروع تجاري عنده ......
هل في شركات / مكاتب متخصصة اتقدم sourcing out لشركاء او مموّلين مهتمين عن طريقهم !
بحيث ياخذون نسبة وايحطون المالك مع الشريك المحتمل !
ما عندي فكره عن مشروعه لكن السؤال عام ...
,
,
مرحبا
اخوي الكريم
سؤال طيب وما تكرر هنا
:)
الشريك له خصوصيه وموضوع حساس جدا
لايوجد شركات او وسطاء او مكاتب متخصصه ولكن هناك علاقات عامه بهذي الامور
الافضل ان يقوم شخص بترشيح شريك يعرفه شخصيا
لان الشراكه مثل ( الزواج ) فيها ارتباط كبير والخلاص منه ماهو بسهل
لذلك معرفه الشريك الامين والخبره بمجاله يحتاج ترشيح من شخص في السوق ويعرفه جيدا
لضمان ( استمرار ) الشراكه
على سبيل المثال اذا يدور شريك ( مقاولات ) يسئل اصحابه من الي لهم باع في مجال المقاولات والاستشارات الهندسيه
لابد انهم يعرفون شخص يبي يبتدي بالتجاره على شكل شراكه وليس بالراتب
وهكذا الامور
الطريقه الثانيه يجيب شخص ( مدير ) او مسئول ( بالراتب ) ويجربه فتره سنه واذا شافه ممتاز يعرض عليه الشراكه بنسبه محدده ويسلمه مسئوليه المكان
الطريقه الثالثه يحط اعلان بالجرائد مطلوب شريك بمجال كذا وكذا اعلان داخل قطر او اعلان بدبي او السعوديه
ويعمل مقابلات معاهم ويشوف اكثرهم خبره واكثرهم اقناع وبعدها يسئل عنه جيدا من خلال كفيله السابق او من خلال شركته السابقه
ويفلترهم الى ان يصل الى احسن اثنين فيهم
وبعدها يتفاوض معاهم ويشوف مع منو بتمشي الامور بصوره اسهل واقرب الى ( مبتغاه ) ومنو فيهم الجاد اكثر
ويصلي استخاره ويتوكل على الله مع منو بيشعر بالراحه
بالتوفيق لك
,
,
بيض الله وجهك شيخنا اثريتنا ونورتنا
موضوع مهم جداً
غريبة ما أخذ تفاعل :rolleyes2: