السلام عليكم ورحمة الله
ناوي اركب مكيفات داكت حق بيتي
وحيران بين توشيبا ومستبيشي
ياريت من اللي عندهم تجربة مع هذه المكيفات
يعطيني راية
احد الشركتين عطاني سعر فرق كبير
من الثاني ب 30000 ونفس كمية الطن
ونفس الكمبريسر صنلعة تايلند
عرض للطباعة
السلام عليكم ورحمة الله
ناوي اركب مكيفات داكت حق بيتي
وحيران بين توشيبا ومستبيشي
ياريت من اللي عندهم تجربة مع هذه المكيفات
يعطيني راية
احد الشركتين عطاني سعر فرق كبير
من الثاني ب 30000 ونفس كمية الطن
ونفس الكمبريسر صنلعة تايلند
يمكن المواصفات تفرق والتصميم للدكتات ونوعيتها
لو محتار شوف مهندس تكييف يتابع معاك العقد وحتى يشرف على التركيب أفضل لك
الدكت يالطيب نظام متكامل آخر شيء فيه وحدة التبريد رغم اهميتها الا أن الحجم المناسب للقنوات وعزلها وتغطية الخارجية منها يؤثر في الجودة النهائية.. مثلما قال اخونا معماري.. استشر خبير و بالتوفيق
ما جربت هالنوعية
ولكن لو يرجع الزمن للوراء باخذ غري
والله الموفق
غري وبس
غري وعندي شخص لي بيركب لك هوووو الموزع وتركيب افضل من شركه الاصل ....
بغيت رقمهاقتباس:
المشاركة الأصلية كتبت بواسطة الامير
عيبه الصوت العالي والا مكيف جبار بس لو فيه ميزة الهدوءاقتباس:
المشاركة الأصلية كتبت بواسطة الامير
اتكلم عن السبلت بس دكت سبلت غري بعد يركبون؟ ولو يركبون شلون تجاربكم معهم وتكلفته
بغيت خبره الإخوه بالديكت حصلت عرض من مستوبيشي وغري وفوجي الفرق بحدود ثلاثين الف بين اعلي سعر واقل سعر اقل سعر فوجي وانا مرتاح اكثر شي لفوجي لانه نفس جنرال مابسبب السعر لاكن لجودته
ماجربت الا الجنرال بس الصيانه مالته غالي شوي
لاكن قري كمبريسر بستن قوي وجبار وسعره ممتاز
من تجربتي في العروض استقريت على جنرال في الأخير .... التركيب والصيانة من موزع .... لكن شوفو الفرق بين الموزع وجنرال العمادي عطلع الفرق وبنفس التوزيع بين الدكت والسبلت مع بعض
بفرق 110000 ريال نفس الصنع تايلندي ........ قري الفرق 35000 ريال .......... مستوبيشي فرق عن جنرال 12000 ريال تايلندي .... وارخص عرض من شركة المثلث الهندسي للمستوبيشي
لحد الان تم تركيب بس ما سكنت عشان ماخلصت تشطيب .
بعد كل العروض الي وصلتني من جنرال موزع ومستوبيشي وفوجي وتوشيبا وغري وكولكس لكويتي فضلت عرض كولكس صناعه كويتي مواصفات خليجيه يتحمل درجه حراره عاليه بالمتديات حصلت. اشاده فيه لانه قطعه واحده بدون سيور
ما ادري بس دامك بتركب حق البيت كاملاقتباس:
المشاركة الأصلية كتبت بواسطة ابراهيم 2012
يفضل تاخذ شي معروف فالسوق
يعني اذا مكيف غريب او شي جذي يفضل الواحد ياخذ منه حبتين ثلاث عشان ما تكون الصدمه كبيره مستقبلا
الاقوى في قطر معروفين حنرال وفوجي وميتسوبيشي
وسمعت انه ميستوبيشي عندهم الدفع بالتقسيط وهذي خدمه جيده للي عنده بنيان مع اني ماعمري جربت مكيفاتهم بس قديمه ومعروف
فالصف الثاني ومنافس للمكيفات الثلاثه هو غري
فالصف الثالث توشيبا
كولكس للامانه احس اسمه جديد فالسوق
خصوصا حق تركيب بيت كامل اشوف الافضل الواحد يتجه لشركه معروفه ومجربه فالسوق القطري
الشركات لا تعرف ولا تبين قوتها الا بعد مرور 5 سنوات استخدام
ف مكيف يبيض الوجه ومكيف يفاجئك
صج كلامك انا تشجعت لجنرال وفوجي فقط. لاكن بعد ماتعرفت علي الفنيين الي يركبون عطوني الزبده ان اكثر التكيفات مصنوعه بالصين وتايلاند وكلها تتشابه داخليا مستوبيشي جنرال فوجي توشيبا ًً،،،،، الخ وهاي السبب اني فضلت الكويتي كم يوم وانا ابحث بالمنتديات الكل يمدح فيه وتوكيله بالدوحه اظن الجابر العضو azazuk متخصص بهاي المواضيع مدح فيها وانا اخدت بنصيحته بسوي البسمنت والارضي دكت سبليت والاول والبنت هاوس سبليت ممكن بعد الشي الزين ان المصنع بالكويت وكل شي متوفر وبفكر بعد الله يعلم ممكن اغير قراري لان التشطيب بيكون بعد عيد الاضحي ان شاءالله بغبت فتره طويله اختبر عازل البسمنت من المياه الجوفيه
اخوي ابراهيم كولكس عندهم انواع لازم تختار النوع المناسب لكاقتباس:
المشاركة الأصلية كتبت بواسطة ابراهيم 2012
لان والوحدات الخارجيه تختلف عندهم وعلى حسب الاطنان
المكيف هو عبارة عن ردييتر وكمبرسر ومروحه
كل ماكبر حجم الكمبريسر والمروحة والرديتير كل مابرد المكيف بالاضافة الى قوة دينمة المروحه ونوع المروحه
الوكالة كانت عند شركة الدرويش وانتقلت عند الجابر
انا مجرب المكيف عندنا في الشغل بس حجمه كبير وتبريده جبار
وجاي على شكل حرف V الرديترارت والمراوح دفع افقي
هذا موقع الشركة
http://www.coolex.com.kw/
هذا احد الوحدات الخارجيه المتوفره عندهم
https://j.top4top.io/p_1609sibvu0.png
https://k.top4top.io/p_1609nl95e1.png
تقدر تتواصل وتشارك مع منتدى كويتي لتاكد عن مدى جودة المكيف عندهم لان بلادهم احر من بلادنا وخبرتهم بالتكيف والدكتات افضل
مشكوووور جزاك الله كل خيرر
وانت وش لك في التعقيدات على نفسك وبيتك ؟ روح شوف لك مكيفات معروفه حتى لو سعرها اغلى شوي والمكيفات لها ميزات حلوه من التبريد والصيانه الدوريه وقطع الغيار متوفره .... المكيفات اللي ذكرتها مااعرف عنها شي ولا افكر اشتري غير المكيفات المعروفه مثل غري او ال جي او جنرال كول فقط
موضوع ممتاز والنقاش اشوفه مفيد
عساكم على القوة
موصفات المكيفات الجديده وخاصه الغاز الجديد صديق للبيئة اقل جوده من الغاز القديم
لو تلاحظون ان المكيفات الجديده تعطيك حجم اطنان اقل من السابق مكيفات ال 4 طن حاليا مكتوب عليها 3.7 طن وال 3 طن يعطيك 2.7 طن
يعني اقل بربع طن بسبب الغاز r410 عكس الغاز القديم r22 افضل جوده الغاز القديم ينضغط اقوى من الجديد حتى حجم بيبات النحاس تجي اصغر واضعف
اذا الغرفة تحتاج حجم مكيف 2 طن اخذ مكيف حجم 2 ونص
دايمن اخذ حجم اطنان اكبر من الحسبه المعتاده
الكمبريسر يلعب دور كبير في المكيف سوى ان كان سكرول او بستن او تروبيكال وروتري
والافضل الكمبرسرات سكرول وبستن
حياك الله انا ابحث عن الجوده لان اكثر الاسعار متقاربه لو بركب سبليت فقط ماتفرق معي لاكن ديكت اكيد ابغي جوده وتوكيل وصيانه وقطع غيار متوفره اي وقت انا فيلتي الحاليه مركب سوبر جنرال من عشر سنوات فيه منهم ماشاءالله للحين مره واحده صيانه غاز وتسليك هوز الماي وللحين ماشاءالله عليهم اخوي عنده غري مركبه من سنتين وقال لي ابعد عنه هي سبحان الله بعض المكيفات ممكن تنجح مع البعض وتفشل مع البعض لان ندري ان غري من اقضل المكيفات حاليا مثل ماتكلم الاخوه قبل ممكن سوء بالتركيب عيب صناعه لاكن انا جربت فوجي وال جي وسوبر جنرال مع الصيانه السنويه دائما الحمدالله ماشتكيت من شي امورهم تماماقتباس:
المشاركة الأصلية كتبت بواسطة وليف الشوق
صحيح انا بالعرض السعر طلبت يزيد نصف طن بكل مكيف افضل وكلهم من اثنين ونصف وفوقاقتباس:
المشاركة الأصلية كتبت بواسطة Azizuk
اقتباس:
المشاركة الأصلية كتبت بواسطة ابراهيم 2012
تاكد من نوع الكمبريسر لان اللي اعرفه الكمبرسرات من 3 طن وطالع تكون سكرول الا اذا النوع اللي انت مختاره كمبريسر بستن
هو بشكل عام يقال ان الكمبرسرات تروبيكال الجديده ممتازة بس انا ماجربتها
بيت الوالد مركب جنرال اشوفها ممتازه
بالنسبة لبيتي حاليا انا مركب ترين امريكي بستن نوع قديم ممتاز ماعليها كلام وجبار
بس البيت الجديد عندي مكيفاتي ماخذها من الدرويش كمبريسر سكرول
انا بالنسبة ليبيتي مريت على جميع الشركات واخذت منهم عروض اسعار واخترت شركة الدرويش
كانت الاسعار متقاربه بس الموصفات تختلف السعر كان قريب من جميع الشركات
اللي كان يختلف هو نوع الدكت الشغل على الدكت نوع الدكت صاج والا فلين نوع الاغرلات كيف مصبوغه رش بودره والا صبغ عادي
مواصفات الوحدات الداخليه والخارجية نوع الغاز طريقة التركيب الخدمة مابعد البيع والصيانه
هذا اللي كنت انظر له المواصفات الفنيه تهمني مش فقط السعر بعدين الموظفين بعض الشركات الموظف والا يدري شنو الموصفات الفنيه بس يقول لك كم طن
المكيفات حاليا معظمها ممتازه
وانا انصح اللي يقدر يركب مكيفات امريكية الصنع 100 % يتوكل على الله*عيبها*سعرها*غالي*مقارنه*بالسوق
موفق ومنزل مبارك
شركه الدرويش توكيل تريناقتباس:
المشاركة الأصلية كتبت بواسطة Azizuk
الله يبارك فيكاقتباس:
المشاركة الأصلية كتبت بواسطة na_qatar11
وكالة ترين هذي بروحها قصة في قطراقتباس:
المشاركة الأصلية كتبت بواسطة ابراهيم 2012
بالأول وكيلها الدرويش بعد فترة نزلت مبيعاتهم في السوق الشركة الام في امريكا من قوانينها اذا نزلت نسبة مبيعاتك اقل من المطلوب لمدة 3 سنوات تنسحب منك الوكاله وياخذها تاجر اخر
بعد مانسحبت من الدرويش خذها الفردان فترة وبعدها نفس الشي ماحقق مبيعات ورجعت حق الدرويش مره ثانيه
بعد فترة جه مشروع المطار وراح ترسي عليه مناقصات التكيف لان مكيفات ترين معروفها على مستوى العالم جبارة للمشاريع الكبيرة وعلى جميع المستويات عيبها سعرها غالي من جذي مايقدرون يحققون نسبة مبيعات في السوق المحلي بالنسبة للافراد
دايمن التركيز للتجار على مشاريع الدولة والفنادق والمصانع لان تخيل مكيف قاعة المعارض اللي جنب كتارا كلف سعره ب 7 مليون ريال وغير وغير من المشاريع شلون مشروع المطار اكيد ان كان صفقة ضخمه
وكيل الشرق الاوسط مقرهم دبي زي باقي الشركات العالمية وكلا الشرق الاوسط مقرهم دبي
صار شوي نوع من الاتفاقات مع مدراء الشرق الاوسط وانسحبت الوكالة مره ثانيه من الدرويش وخذها ملاك الصالون الازرق اللي هم عندهم وكالة سامسونغ وهيتاشي وكذا شركة ورست عليهم المناقصات وماعرفو يديرون الشركة
واخر شي المصنع الامريكي فتح له مكتب اقليمي بسبب ان قطر داخله على كاس العالم وغير المشاريع الاخرى وغير ان القوانين سمحت لشركات الاستثمار وفتح الاقتصاد الاجانب لجذب المستثمرين للبلاد
حاليا سبق وذكرت ان جميع او معظم الشركات العالمية فتحت لهم مكاتب اقليميه في الدوحه
شركة ترين اسعارها غاليه وغير ان محد يعرف الشركة وقطع غيارها غاليه لانها ذات جوده
بس مازلو شركة الدرويش لها باع طويل في صيانة هذا النوع من المكيفات ومازل ترسي عليهم مناقصات من جهات رسميه ويوفرون لهم البضاعة من الخارج او يشترونها من الوكيل المحلي لانهم معروفين لدى الدولة
شركة الدرويش عندها وكالة كلاسيكو اللي هي مكيفات الزامل سابقا وبعد الازمة توقف المنتج بعد الحصار وعندهم وكالة ميديا قسم التصنيع الثقيل اللي هي mdv هذا المنتج يتصنع لأمريكا وهو خط أنتاج امريكي وهو شبية مكيفات ترين وكانت عندهم وكالة كولكس الكويتيه
حاليا شركة الدرويش عندها مكيفات هايسنس تبي تعرف ليش تنازلت عن باقي الشركات السابقة وركزت على هايسنس لان شركة هايسنس رست عليها مناقصات كاس العالم روسيا وقطر من جذي دعايات في كاس العالم بروسيا كانت هايسنس هذا هو السبب التجار يهمهم الاحداث والمشاريع المستقبلية
لو تلاحظ ان منتجات هايسنس منتشرة في المجمعات
51 ايست وكيل المنتجات الاكترونية اللي هو وكيلهم بدر درويش
وكالة المكيفات عند عبدالله وحسن ابناء المرحوم جاسم درويش
هايسنس شركة مشتقه من شركة هيتاشي ونفس الشي عندهم كذا خطوط انتاج نفس شركة ميديا عندها كذا خط انتاج وكلهم صناعة صينيه بتكنولوجيا شركات ضخمه عالميه
عندك بعد الانكماش الاقتصادي صارت الشركات تتحد وتتشارك في التكنلوجيا للتخفيف المصاريف
على سبيل المثال شركة توشيبا متحدة مع شركة ميديا وشركة ميديا في الأساس تأسست من شركة يورك الامريكة
وهكذا الشركات والمصانع تتحد وتتغير سياساتها الاقتصادية وتفتح مصانع في الصين بسبب التكلفة والتسهيلات
اعرف اني شطحت في هالموضوع بس هذا للمعرفه واسمحولي على الاطالة
بالعكس شيء زين الكل بالمنتدي بيستفيد من هاي المعلومات لان اتوقع الموضوع كفي ووفي بالرد علي كل الاستفسارات المطلوبه وجزاك الله كل خير
ما قصرتم جميعاََ استفدنا من المشاركات، الأخ azizuk جاوبنا بشكل مسبق، وكنت ابغي اعرف ليش المكيفات الجديدة يجي غازها R410A، واغلب الكمبروسورات سكرول؟ بعد الجهد الكهربائي فيه 220 و380 و460! اظن اختلاف الجهد له علاقة بالشبكات الكبيرة.. ما اظن ممكن ينعمل في البيوت.. والاجابة عندكم يا مختصين. وشكراََ
اخوي عبدالعزيز يعطيك العافية على الشرح الوافي
هل تنصح بشركة هايسنس او مسيتوبيشي الكتريك ؟
للبكج يونت والدكت سبيلت ؟
ايهما افضل لبيت العمر من ناحية الاعطال وصناعة