عندي ارض حكومية ، متى احسن وقت ابتدئ بالبناء ،الآن او انتظر ترخص المواد ؟ ( آراؤكم )

اقتباس:

---

المشاركة الأصلية كتبت بواسطة jajassim

كلامك صحيح ،،

بس ماتدري أخوى ،، ايش الظروف ،،

انا لومكانك ،، على طول بديت واذا كانت ظروفك المادية تساعد ،،

وحاليا طالب عروض الاسعار من المقاولين ،،

اما تنتظر ان تصل الى القاع ،، انا ما اضمن ذلك ،،


فالقرار لك ،، والله يوفقك يالغالي ،، :nice:

---

لا شلّت يمينك يا أخي

اقتباس:

---

المشاركة الأصلية كتبت بواسطة ahmed jasim

الأسعار فى نزول
متر العظم أقل من 1000 ريال
ولكن
العظم يحتاج 6 أشهر للتنفيذ
أذا صار أرتداد المقاول بيتركك الا أذا دفعت زيادة
وأذا حصلت مقاول ووقعت مع بنك التنمية قبل الأربعاء 1/4 ضمنت مكرمة 120 ألف
فتوكل على الله

---

ممكن تشرح اكثر

يعني بعد هذاالتاريخ اتروح علينه المكرنة،والله ايش؟؟؟؟؟؟؟؟؟؟؟؟؟؟؟

اقتباس:

---

المشاركة الأصلية كتبت بواسطة شيخ الشباب

نصيحتي :

اذا بتبني على حسابك . . شي راجع لك تتنظر ولو شفت ارتفاع او نزول مفاجئ تتلاحق عمرك بسرعه

اما اذا بتبني على حساب الإسكان . . مثل ماقال الاخ (جاسم) توكل على الله . . ومادري تدري عن ظروف البلاد من جميع النواحي

---

طبعا لا يمكن لأحد ان يعتمد على ال 600 ألف تبع القرض

لابد من وضع مثلهه من الجيب

اقتباس:

---

المشاركة الأصلية كتبت بواسطة المغترب 123

لا انصحك بالتاخير البلد مقدمة على تطور هائل وخاصة في البنيان ومن يقول الاسعار نزلته وخاصة في المقاولات فل يفند كلامه بمستندات وعقود الاسعار كما هي وفقط نزول طفيف في اسعار الحديد وكل شي لازال غالي او كما هو ابحث عن شركة جيدة وتوكل على الله وخاصة اذا كان بيت العمر فلا تبخل عليه بشي وسيغنيك عن الايجارات او العيش في ملحق عند الاهل لايتسع لك ولاطفالك
والله يجعله بيت الهناء ان شاءالله
:nice::nice::nice:

---

ارحم الله والديك يالمغترب

بس آنه الحمد لله شاري لي فلة محترمة على احسابي ايام الرخص

ومستانس من زمان على بدل السكن ( 2200 )من 12 سنة

رغم ان غيري من زمان قلب البيت باسم زوجته وأجرهه من عندهه عن طريق الأسكان

( لف ودوران )

وآنه صابر على البدل لين ارتفعت الأيجارات وشفت ان البدل ( ليس فيه انصاف لي )

لأن فلتي لو آأجرهه اتجيب على الأقل 15000 ألف

والي قاهرني زود ان التعديل الجديد لبدل السكن سيكون في حدود ال 6000 ريال

يعني ثلث قيمة ايجار فلتي لو خرجت منهه وأجرتها على الغير

يا مسعف الناس و مسعدهم..
صبحك الله بالخير...

عن نفسي..وقعت في نفس الحييييره قبل سنه تقريبا..

و بعد المشاوره و الاستخاره...سويت مشروع العمر على نصفين
او مرحلتين..

يعني بديت في العظم..و هذا يوم قمة قمة الاسعاار في شهر 5/2008
لاني كنت خايف ان تزيد الكلفه..و ان تروح علي فرصة ال600 الف اللي ندفعها
420 الف ( النظام القديم...بو قسط 2000 ريال)...

و الربع اللي معاي..وقعو كاامل مع التشطيب على 3 - 4 مليون...
و دفعتهم حق المقاول...ال 10 او 20 %
من 300 الى الى 600 الف ريال!!!

فانا..مثلك على قد حالنا..و اسهمنا اللي جمعناها حق هاليوم...
صارت مثل الحديد المصدي..

فقلت...هم هم..و مثل كلام الخ/jajassem ايضا كان في بالي...

فقررت في الاخير...اني ابدأ بالعظم...
و التشطيب...انتطر لين ما انشوف الجديد
و الحمد لله...اليوم العظم في اقل من سنه...شبه خالص
و انا بنتظر شوي...لين ما ابدأ في التشطيب....

لا تتأخر..اذا العزيمه موجوده..و الخزيييينه طفحانه:omg:
خاصة انك ( مثل ما سمعنا) زوجت الاول..و يمكن اينط لك الثاني
يبي يعرّس..
.بعيدن..وين بتحط احفادك يالشييبه! فوق السطح

اقتباس:

---

المشاركة الأصلية كتبت بواسطة الوفي

أخوي مافهمــــــت ممكن التوضيح بالنسبة لهذا السطـــــــــر ولك مني جزيل الشكر اخوي احمد جاسم...
تحياتي

---

يسرى عليك القانون القديم
الأقساط 1555 على 25 سنة بدلا من 35 سنة ( 480 ألف بدلا من 600 ألف)
والأرباح 0.5% بدلا من 1% ( 35 ألف بدلا من 70 ألف)
يعنى توفير حول 150 ألف فى القانون القديم
بس المهم أن بنك التنمية يستلم أوراقك (حوالى 11 شرط ) ويوقع العقد معاك قبل الأربعاء وهذى كلها تصير فى نصف ساعة

ونصيحة أبعد عن القرض الثاني (أرباحه 300 ألف)