بسم الله الرحمن الرحيم
السلام عليكم اخوتي الكرام ورحمه الله وبركاته ..
اسعد الله صباحكم ان شاء الله بالخير والرزق ان شاء الله ..
هذا الموضوع عباره عن تفصيل مفصل ممل ! :D ولكن ان شاء الله يكون له أكبر فايده للجميع ..
كثير عارف ( من سكان قطر ) المشكله الي صارت من قبل اسبوعين تقريبا ! ..
يقال انها بدأت مع العيد السعيد (( عيد الفطر المبارك )) ويقال انها أثناء العيد حدثت المشكله هذي ..
المهم وبأختصار .. ان هنالك مشكله جات لمعظم رواد شبكة الانترنت في قطر ( وخاصه مستخدمي البرق ! وبذات ايضا مستخدمي نظام الواير لس - الاسلكي ! - وأنا منهم :strong ) ..
طبعا المشكله كانت المتسببه فيها كيوتل ! للاسف لان ماعندهم خط سيرفر واحد فيقلبون من واحد الى ثاني .. (( مثل ماقال المهندس الي صلح المشكله هذي - اقدم له تحيه :nice: )) ..
فلذلك كان في مناطق ! في قطر ماصادها شئ بسبب التغيير !! ومناطق اخرى تبهدلت عيشتها , وصارت متكدره ,بسبب عدم أشتغال الانترنت بشكل سليم - رغم خدمه البرق - ! ..
فبدات تصيدهم مشاكل في الاب ديت ! ( تحميل الملفات والصور من والى .. ) , المسنجر , الرد على المواضيع في المنتديات بأكثر من 4 سطور , البطئ الشديد في تحميل بعض المواقع , ..الخ من امور ( وصدقوني حاس فيكم .. انا يوم صادتني المشكله هذي جيت بكسر الاب توب من الزعل :anger2: .. حسيت ان فايروس دشه ! لكن الحمد لله لا فايروس ولا غيره .. :o ) ..
زين فأتصلت بواحد من المهندسين الي أكن له كل احترام وتقدير .. (( والي يبي رقمه حاظرين من عيوني يقدر يجيه للبيت ويخلصله السالفه ذي بمبلغ رمزي ! .. - هذا الكلام موجهه للناس الي مستعجلين حدهم ومايبون يمشون على شرحي المفصل :rolleyes: )) ..
الشرح الي سأعرضه لكم .. حصري وفقط وفقط ! لشبكة الاسهم القطريه .. وياريت الي حاب ينسخه الى منتدى ثاني يبلغني ! .. او يشير الى اسم المخلب وشبكة الاسهم القطريه في المنتدى الي بينقل له الموضوع ! ..
الشرح راح يكون بنظام الصور .. يجب عليك اخي القارئ - اختي القارئه بالتقيد بجميع الامور الي اشير اليها سواء بالصور ! او بالكتابه حتى تنحل المشكله بعون الله ..
والان .. بسم الله نبدا ..
((( سممو بأسم الله .. ))) ..
* تنبيه :
سواء كان عندك نظام الوايرلس ! او برق عادي ! كله واحد نفس الخطوات ولكن بنظامك !! فلا تقلل لاختلاف بعض الاشكال !! ..
شرحي راح يكون على الوايرلس وهو مشابه تماما !! وبنفس الخطوات لخدمه الواير ( برق )
1-
http://www.nwlab.net/rev/netgear-dg6...632b-front.jpg
هذا شكل المودم للوايرلس الي أغلب الاعضاء شارين مثله ! ..
تجي اخوي الحين .. وتفصل الكهرب عن المودم ! ..
وبعدين تشبكه مره ثانيه .. (( وتأكد ان يوم فصلته انفصل من كمبيوترك ايظا !! وماعاد يشتغل ! .. ويوم ركبته رد اشتغل !! )) ..
زين .. هذي هي الخطوه الاولى ..
نكمل
2-
على يسار الشاشه (( شاشه الكمبيوتر .. بتشوف شكل كمبيوتر صغير سواء كان وايرلس او عادي ! المهم انه يوضح لك ان النت شابك ! اضغط عليه ..
(( مثل الي بالصوره .. ))
http://www.7mml.com/uploads/fa1a57c4ea.jpg
يطلعلك الشكل التالي ..
http://www.7mml.com/uploads/699e846315.jpg
تابع ..
http://www.7mml.com/uploads/a99adacd51.jpg
* تنبيه : ساعات مايكون هناك ارقام !! او تكون مخفيه فأنت شتسوي !! في هذي الحاله تعمل اصلاح لألتقاط الارقام !! كما بالصوره ..
http://www.7mml.com/uploads/77f8662b81.jpg
المهم .. قم بنسخ الرقم كامل (( الرقم والدوتات - الفواصل - )) يعني الرقم كااااامل .. وأفتح صفحه ويب جديده وحط الرقم كما بالصوره !!
http://www.7mml.com/uploads/1f01c232e4.jpg
ملاحظه : كل بيت وله رقم خاص !! فلا تتوقع رقمك يشبه رقم جيرانكم :) .. والي بالصوره رقم مختلف تماما عن الرقم الي في بيتكم ..
3-
الخطوه الثالثه ..
هنا تجي يا صديقي العزيز وتشوف مربع مثل الي بالصوره تحت ! .. هذا المربع الله يحفظك هو عباره عن مفتاح لدخول مخ المودم الي تملكه انت :nice: .. يعني بالعربيه الفصحى : لوحه التحكم ! وبالانقلش الرويتر , وباليوناني سيلومانتريولو , وبالفرنسي ادو موغ , وبالايطالي مخ البيتزا :D ..
http://www.7mml.com/uploads/34188b2580.jpg
طبعا تكتب اليوزر نيم والباسورد .. الي بعطيك اياهم !! ..
اليوزر نيم : admin
والباسورد : password
اي نعم !! اكتب الكلمتين الانقليزيتين بدون تغير او تحريف !! .. وبدون ارقام او غيرها من عوار راس !!
ملاحظه : (( هذا الشئ يشمل الجميع !! الا البعض الي تفلسفوا وحطوا كلمات سريه ذوله الله يساعدهم ! )) ..
4-
الخطوه الرابعه ..
هنا تجيك الصفحه التاليه ..
http://www.7mml.com/uploads/c2015bd839.jpg
اها .. هنا عاد ابيك تشغلي عينك !! وتقرى المكتوب قبل ماتسوي اي حركه غلط تحرق جهازك فيها !! ..
شوف يالغلا .. اول شئ مثل الصوره .. تروح الى البيسك سيتنق !! .. سواء الصفحه الي اطلعتلك نفس الي عندي ! او مختلفه المهم روح للبيسك !! ..
وأعمل الي بسويلك اياه بالصوره التحتيه ..
http://www.7mml.com/uploads/c2dc6df285.jpg
تابع ..
http://www.7mml.com/uploads/417f3018fe.jpg
5-
الخطوه الخامسه ..
هنا بعد ماتدعس :D تضغط :court: على ابلاي .. تروح للصفحه هذي ..
http://www.7mml.com/uploads/66f2443dff.jpg
صفحه wan setup (( عن طريق الشريط الازرق - القائمه - الي على يدك اليمين ! )) ..
هنا ركز معاي .. في 3 ارقام !! .. ماعتقد في غيرهم !! .. تحط واحد منهم بس بالمربع الصغير الي يبين عندك بالصوره !! ..
انا حطيت 1400 (( هذا الي أنا حاطه واشتغل معاي اوكي !! )) في ناس يمكن مايمشي معاهم 1400 فهم مخيرين بين رقمين : 1452 او 1464
يعني واحد فقط ! من هل الثلاث ارقام الي تحطه وتكبس على ابلاي ..
وبعد أخر كبسه .. تأكد - باذن الله ان الامور السابقه انتهت ورجع الكمبيوتر جديد :funny: .. وشغال 100 % ..
لكن نسينا حركه مهمه !! تفاديا لاي امور قد تحدث يجب عليك ان تفعل كما بالصوره !! ..
http://www.7mml.com/uploads/2db1cacf26.jpg
(( اطلع من موقع التحكم باللوق أوت !! )) ..
لآن في شباب طلعوا بدون الوق أوت وللاسف صار عندهم لخبطه بالجهاز !
فأتمنى ان محد ينسى الخروج من لوحه التحكم ..
والحين عقب ما انتهيت من كل هل الشرح الممل .. رح اركض للمنتدى واكتب موضوع من 10 سطور وجرب !! وان شاء الله ضابطه من اول لمسه ! ..
في الختام ..
http://www.7mml.com/uploads/c5eeed46e1.jpg
أرجوا من الله ان يكون الموضوع قد حاز على اعجابكم جميعا !! .. omen
وان شاء الله الحركه ماتختلف اختلاف كبير من مودم الى أخر ..
وياريت يتم تثبيت الموضوع كذا يوم بالعامه علشان الكل يستفيد منه ثم ينقل لمخزن الكمبيوتر والبرامج :) ..
وأي استفسار المخلب تحت الخدمه .. تحياتي لكم ..
أخوكم .. المخلــــ 06 ـــــــب
