[شرح كامل مصور ] طريقة اتصال اللابتوب بالانترنت عن طريق الجوال (خدمة الانترنت الجوال)
السلام عليكم ورحمه الله وبركاته
طبعا هالموضوع أهديه لاخوي (فلفل حار) لانه طلب مني هالشي وحبيت اعرضه لأعضاء المنتدى علشان يستفيدون منهم كلهم
ملاحظه1: الموضوع مب منقول يعني من مجهودي الخاص
ملاحظة2: انا مب شغال في كيوتل وانما هاي جزء من هواياتي ومعلوماتي المتواضعه ،، علشان جذي ياريت الاسئلة الخاصه بطلبات الاعدادات ومثلها تطلبونها من خدمه العملاء لكيوتل وفودافون 111
الفكره هي لو انه عندنا لابتوب وقاعدين في مكان مافيه وصلة انترنت برق او وايرلس وعندنا خدمة الانترنت الجوال ( الشهري ، او فودافون ) ،، نقدر نشبك بالانترنت من خلال توصيل الجوال للكمبيوتر عن طريق وصلة USB والاتصال بشبكة الانترنت يعني نخلي الجوال كإنه مودم،، تصل السرعة إلى 2 ميجابت/ثانية اذا كان الجوال يدعم الجيل الثالث ،، او 128 كيلوبت/ثانيه اذا كان الجوال يدعم GPRS/EDGE أو بالنهاية يعتمد على التغطية والحمل على أقرب برج جوال base station ..
أول شي نشوف نوع الجوال اللي عندنا، بحالتي راح استخدم جوال nokia e71 طالما انه جهاز معروف ويدعم شبكة الجيل الثالث المطور اللي هو HSDPA High speed downlink packet access واللي توصل السرعه لـ 7.2 ميجابت /ثانية.. من خلال تجربتي لشبكة فودافون وصلت السرعه ل1.5 ميجابت/ثانيه لكن كيوتل ماجربت.
انزين الحين بعد الكلام واكيد طبعا كلكم رقدتواراح ابدا بالشغل العملي اللي يصحيكم اول شي نتأكد من توصيل جهاز النوكيا ويكون فيه اعدادات الانترنت كامله من المشغل
انزين ونتأكد من تثبيت الpc suite ولما نوصل الجوال بيطلع لنا اكثر من خيار ونختار من الجوال pc suite اللي هو نوع التوصيل ..
والمفروض كلنا يظهر لنا هالشكل
http://img30.imageshack.us/img30/504...hot2676046.jpg
بعدين من الازرار فوق على اليسار نختاره ( الاتصال بالانترنت )
http://img32.imageshack.us/img32/864...hot2757843.jpg
طبعا هو راح يبدأ بشكل آلي بالاتصال واحيانا راح يضبط ، اذا ضبط خلاص انتهى كل شي .. لكن اذا ماضبط نسوي هالزر اللي تحت
http://img32.imageshack.us/img32/842...hot2898187.jpg
نروح أول شي نحدد المودم اللي هو الجوال الموصول
http://img32.imageshack.us/img32/541...hot2955437.jpg
انسوي نكست ونختار اعداد يدوي
http://img197.imageshack.us/img197/2...hot2966156.jpg
وبعدين نعبي اول فراغ
http://img197.imageshack.us/img197/3...hot2974265.jpg
اذا فودافون نكتب web.vodafone.com.qa او vodafone.com.qa
واذا كيوتل نكتب web.gprs
خلاص ونسوي علامه الصح وعقب نرجع للصفحه اللي جيناها بالبداية ونسوي الزر اللي احذى علامة الاستفهام >> زر الاتصال بالانترنت
http://img33.imageshack.us/img33/716...hot4492468.jpg
وراح يبدأ يتصل
http://img41.imageshack.us/img41/854...hot4506031.jpg
وبعد الانتهاء راح يتصل
http://img41.imageshack.us/img41/412...hot4513515.jpg
.
.
.
.
.
.
طبعا ممكن أي حد ثاني يجينا ويقول جوالي مب نوكيا فشنو ممكن اسوي او مثلا هالطريقة ماضبطت وياه،، طبعا فيه طريقة ثانيه سهله واحيانا تضبط واحيانا لا .. اهم شي نستقبل الاعدادات الصحيحة للانترنت من المشغل (فودافون او كيوتل) ونثبتها صح على الجوال وبالنسبة لكيوتل نتاكد انه المتصفح محطوط على الاكسس بوينت الافتراضي web.gprs
ونتبع الخطوات التالية
بعد توصيل الجوال على مود الـPC suite ، نروح على مواضع شبكة الاتصال My network places اللي بسطح المكتب نسوي لها رايت كلك (ضغط عليه بالزر اليمين) ونختار properites او خصائص
نسوي اتصال جديد Create new connection كما بالشكل
http://img40.imageshack.us/img40/499...hot4820609.jpg
ونتبع الصور مع بعض
http://img38.imageshack.us/img38/797...hot4867015.jpg
http://img38.imageshack.us/img38/324...hot4875875.jpg
http://img38.imageshack.us/img38/264...hot4882718.jpg
http://img38.imageshack.us/img38/688...hot4897515.jpg
نتأكد انه الصح محطوط فقط على الموودم حق الجوال .. اذا المودم للجوال مش موجود معناه انه مب مركب عدل او انه الجوال مايدعم الخاصيه
http://img38.imageshack.us/img38/531...hot4909593.jpg
نكتب اسم الاتصال ،، كيوتل او فوادفون
http://img38.imageshack.us/img38/945...hot4923250.jpg
نحط رقم الهاتف نجمه بعدين 99 بعدين مربع
http://img38.imageshack.us/img38/580...hot4937718.jpg
نخليهم فرااغات
http://img38.imageshack.us/img38/391...hot4945734.jpg
وتم الانتهاء
http://img38.imageshack.us/img38/258...hot4953609.jpg
صار عندنا اتصال فودافون
http://img38.imageshack.us/img38/168...hot4967734.jpg
ملاحظه مهمه جدا لو عندنا الوايرلس شغال او البرق شغال نصكره لانه مايصير نشغل شبكتين بنفس الوقت
وهذاني اسوي اتصال
http://img38.imageshack.us/img38/660...hot4976906.jpg
http://img38.imageshack.us/img38/215...hot5068625.jpg
http://img38.imageshack.us/img38/512...hot5084046.jpg
وراح يتم الاتصال
http://img38.imageshack.us/img38/551...hot5096421.jpg
طبعا على جوالي حطيت الجيل الثالث ومن خلال منطقتي اتضحت السرعه كالتالي لشبكه فودافون حسب الوقت الحالي ( 12 ونص الظهر ) وحسب الضغط على البرج
http://img38.imageshack.us/img38/454...hot5204718.jpg
هذا كل شي .. واللي عنده اي سؤال مايرده الا الكيبورد :victory: .. ان شاء الله عاد تضبط الطريقة عندكم :shy: ..
