عرض للطباعة
صباح الخير و مساء الخير على الجميع
سؤال أهل الخبرة
اذا واحد يبي يستثمر في الاسهم القطرية
مش مضارب
الاستثمار من العائد السنوي
ماهي الشركات أو البنوك الاكثر توزيع الارباح ؟
والسؤال الثاني
مته يتم توزيع الارباح الاسهم ؟
وهل كل شركة او بنك له موعد محدد ولا جميع الشركات في نفس الوقت في توزيع الارباح
تحياتي:app:
صباح النور والسرور
صناعات العام وزعوا ريال وارتفع السعر لفوق العشرين والسنة محققين نمو جيد وممكن توزيعهم أكثر ولو وزعوا نفس العام على سعر اليوم 17.9 بيعطيك 6% وحتى 1 على 20 ريال بيكون 5% توزيع مقبول .. من شوي المناعي موزعين 3 وشوي على سعر 13 ريال وحولها وهذا توزيع مرحلي استثنائي وما اعتقد شركة وزعت بهذي النسبة 3 على 13 تعطيك 23% يعني كنسبة تعطيك مقدار صناعات في حول 5 سنين
عوامل كثيرة تدخل في التوزيع منها نسبة التطهير للأسهم المختلطة وتحدد صافي نسبتك على سعرك وتابع تاريخ توزيعات السهم اللي تبغي تشتريه ونتايجه المالية وقرر ولا فيه شيء مضمون وحتى وقت التوزيع والاعلان يعلن عنه في بداية شهر 1 لين نهاية شهر 3 من كل سنة ولا فيه وقت محدد رسمي
يعني لو عندك 400 الف بتحطها في الأسهم عشان العوائد، كم تجي عوائدها السنوية! تقريباََ ولو افترضنا انها ما اشتغلت مضبوط
يعطيك العافية الغالياقتباس:
المشاركة الأصلية كتبت بواسطة معماري قطري
يعطيك العافيةاقتباس:
المشاركة الأصلية كتبت بواسطة سالم الزهران
400000 لو حطها في أسهم العوائد المعروفة الميرة أو وقود أو صناعات .. هذي الأسهم كلها عندها قابلية توزع ريال للسهم وسوتها صناعات العام والسنة عندها نمو جيد مقارنة بالعام .. صناعات اليوم مسكر على 17.79 ولو شاري كان ممكن يشتري 22000 سهم بتعطيه 22000 في حال وزعت صناعات ريال وبنسبة ربح 5.5% وممكن سعر السهم قبل التوزيع يوصل 20 والله أعلم ويكون ربحه السوقي أعلى من التوزيع المتوقع ويبيع لو حب ومحتاج 20 - 17.79 وناقص العمولة تقريباً بتعطينا بحدود 2.15 ريال للسهم في 22000 سهم بتعطينا ربح 47300 ريال وبنسبة ربح 11.8%اقتباس:
المشاركة الأصلية كتبت بواسطة سالم الزهران
هذا ينطبق على أسهم كثيرة منها الدولي توزيعه زين دوم ومنها الريان ممكن يسوي مفاجأة ومنها الكثير غير
سوقنا مناسب للشراء وهذا وقته وبنية أخذ التوزيع وشركات بدت تستبق وارتفعت حتى اليوم مع نزول المؤشر هي معاندة منها وقود اللي بتمول آلاف الطيارات خلال باقي أيام السنة وبتمول السيارات المتزايدة في قطر وربحها بيزيد كثير وما استبعد يرجعون لتوزيع أسهم مجانية أو حتى مرجانية .. وغيرهم شركات وايد كل شركة لازم لها دراستها
التجارة والصناعه فيهم بركه
تشغيل عماله وفتح رزق لناس اخرين وفتح بيوت ناس وعائلات
يعني فيها كذا ميزة