ارجوكم فهموني انا مش فاهمه شي بخصوص البناء ناس تقولي السعر وصل 800 ريال المتر تشطيب وناس تقول 1600 المتر وناس تقول 1200 بليز الي عنده خبره يتكلم عن الاسعار اللحين وشلون اعرف انه السعر معقول وكلامي عن التشطيب التجاري طبعا
عرض للطباعة
ارجوكم فهموني انا مش فاهمه شي بخصوص البناء ناس تقولي السعر وصل 800 ريال المتر تشطيب وناس تقول 1600 المتر وناس تقول 1200 بليز الي عنده خبره يتكلم عن الاسعار اللحين وشلون اعرف انه السعر معقول وكلامي عن التشطيب التجاري طبعا
اختي بالنسبه التشطيب كامل يعني تسليم مفتح ماوصل المتر 800 والسعر الحالي في السوق من 1700 وطالع او 1750 وطالع والعظم وبلاستر من 1000 وطالع وفي اللي يعطيج ب 950 للمتر وكله على حسب المواصفات يعني مثال
الطابوق عادي او عازل سواء احمر او بوفلين
الحديد كان عادي او ابوكسي اللي هو عليه طبقه عازله ويكون لونه اخضر
يعني اختي كل شي له سعر واهم شي اختي انج تحاسبين من اي واحد يلعب لج بالمواصفات يعني تشوفين السعر رخيص لكن مش نفس المواصفات اللي انتي طالبتها يغير فيها ويتأخر معاج ويلعوزج
والله يعنيج اختي وأي سؤال أنا حاضر والإخوان بعد ماراح يقصرون
,
,
مرحبا
اختي بختصار مثل ما تفضل الاخ الي قبلي
سعر المتر يختلف من شركه صغيره الى شركه زينه
الاسعار تقريبا سعر السوق الان للتشطيب ( التجاري ) المواصفات العاديه
من 1700 الى 2000 ريال حسب حجم الشركه وامكانياتها وتفاوت السعر بسبب
ان في شركه بيحط لك 30 عامل وفورمنيه ومهندس يشرف على كل صغيره وكبيره وعمال فاهمه شنو تسوي وشغل نظيف هذا سعره بتلاقينه من 1800 الى 2000
اما الي بيعطيك 1600 هذا شركه طايحه ويدور اي شغل يمسك فيه لان معظم الشركات المقاولات الان مديونه ( بسبب الازمه العالميه ) والشغل قليل
وعليك الحذر
اختي الكريمه
مافي شي بالسوق 800 ريال الي قالك هذي المعلومه اما باني من 20 سنه او انتي سمعتي غلط
نصيحه
اذا بناء للايجار اهتمي بالمواصفات الان بقطر كثير فلل وبيوت ومحلات وشقق فاضيه
والي يخلي الزبون يستاجر هو المواصفات بالبناء
اذا فيه رخام اذا سيراميك من الزين او مطبخ حلو او مساحات زينه مو ضيقه
في شقه ايجارها 4000 الاف وفي شقه ايجارها 7000 الاف والفرق في المواصفات
كل ما كانت مواصفاتها زينه كل ما كانت مرغوبه اكثر بالسوق
اختاري 3 شركات سمعتها طيبه بالسوق وعطيهم يسعرون مشروعك
لا تروحين للارخص ولكن للاحسن
في مثل قديم في قطر يقول
( من استرخص اللحم خانت به المرقه )
بالتوفيق لك والله يبعد عنك الشركات التعبانه
,
,
اخوكم
شموخ دائم
انا اتفقت مع المقاول(واحد من الاهل) انه يبنيلي بيتي وطلبت منه ان يستخدم الافضل والاحسن من كل نوع.. واتفقت معاه اني اعطيه 7% من التكلفه الفعليه..
مساحة البنيان 900 متر..
التكلفه الفعليه مع عمولة الشركه : 1,900,000 ريال
يعني طلع المتر حوالي 2100 ريال..
التشطيب سوبرديلوكس ويشمل الجبس +جي ار سي + درابزين + الصبغ(داخلي وخارجي) + سخان مركزي ...
أخوي كفى ووفى بس بعد أذ كانت خرايط البيت فيها صبيات وايد مثل الديكور يزيد السعراقتباس:
المشاركة الأصلية كتبت بواسطة speed 4 ever
ف حاولي يعتمد الديكور الخارجي على الطابوق مش الخرسانة و بيقل السعر