عرض للطباعة
السلام عليكم
بالإشارة لموضوع أخونا بو علي :
http://www.qatarshares.com/vb/showth...ل-القطريين-؟؟؟
الحين نفرض ان في شخص قدم على الفيزة في السفارة الفرنسية مثلا
وكانت وجهته الأولى فرنسا
وراح ورجع الدوحة
بعدها بشهر مثلا يبي يروح إيطاليا
هل يطلع فيزة جديدة من السفارة الايطالية؟
المفروض الشنغن تسري على كل الدول اللي تسري عليها الشنغن !!!
هل في حد عنده إجابة ؟
اتوقع ماعندك مشاكل لاني مطلع من السفاره الفرنسيه ورحت فرنسا وبعد شهرين رحت هولندا بدون مشاكل
وعليكم السلام ورحمة الله وبركاته،
عادي يقدر يروح، المهم الوجهة الأولى تكون نفس الدولة اللي الشنقن من سفارتها،
لكن الشي المهم هو ان ما يتجاوز إقامته 90 يوم متصل أو منفصل خلال 180 يوم بدءا من أول تاريخ دخول له لأول بلد أوروبي.
ولمعرفة القوانين أكثر هذا الرابط http://d.pr/1f4lM
اقتباس:
المشاركة الأصلية كتبت بواسطة غريب الدّار
ما عندك مشكلة اذا التاشيرة متعددة السفرات، كل التشديد في الغالب يكون في السفرة الأولى بس (في الوضع الطبيعي، موضوع اخونا حسن ما ندري بالضبط عن خلفياته)
عن تجربة كانت عندي تأشيرة فرنسا 4 سنوات اول دخول دخلت فرنسا وفي السنوات الباقية دخلت المانيا والنمسا والدنمارك (في سفرات مختلفة) بدون المرور بفرنسا.
هذا الصيف:
* الأهل كان عندهم تأشيرة الدنمارك من السنة الماضية، وصلاحيتها تنتهي بالضبط في نص اغسطس اللي هو نفس يوم عودتنا للدوحة.
* بنتي الصغيرة عندها تأشيرة الدنمارك من السنة الماضية وصلاحيتها تنتهي في 2016.
* انا وواحد من العيال عندنا تأشيرات جديدة صادرة من السفارة الالمانية.
المقصد من سرد التفاصيل، انه بالرغم من تعدد مصادر و صلاحية التأشيرات في حالتنا، الا اننا دخلنا مطار ميونخ على نفس الرحلة بدون اي مشاكل أو تعقيدات ولله الحمد.
انا فيزا الشنغن الي عندي طلعتها من العام من السفأره الفرنسيه
عطوني لمده 4 سنوات
ورحت باريس ورجعت
وشهر 5 رحت باريس هالسنه
وبنفس الفيزا انا حاليا في برشلونه دخلت من المطار عادي
وبكره الصبح بروح إيطاليا فيها
وبعد كم يوم بروح فرنسا وبرجع برشلونه
الأمور طيبه أهم شي ماتكون الفيزا مخالفه للنظام والقوانين الاوروبيه الي ذكرناها كثير
رحم الله والدين كل من رد
انا هالسنه طلعت فيزا شنغن من السفاره الفرنسيه
وسافرت الى سويسرا بعد ماطلعت الفيزا على طول
اول دخول لي كان في سويسرا
ومادخلت فرنسا نهائياً
ومحد قالي شي ولاحد اعترض، كل شي كان طبيعي.
وطبعا قبل ما اسافر اتصلت على السفاره السويسريه اللي عندنا وسالتهم اذا عادي او لا وقالوا عادي مافيها شيء
وبالفعل ماواجهتني اي مشاكل ولله الحمد