اشلون اشبك الانترنت بالتلفزيون ؟؟؟؟؟ ( مشكلة )

عندي تلفزيون led lg 55 بوصة

وفيها ميزة التشبيك بالانترنت وايرلس وتشغيل اليوتوب وانا شفت الشي هذا بالمحل

وقلت اطبقة عندي بس لاسف ما اشتغل الانترنت سويت الاعدادت واسم الشبكة والباسورد بس ما ظبط
مودم كيوتل حاطة بالبيت والتلفزيون بالمجلس ولما اجيب لابتوب المجلس يلقط الوايرلس
ويشتغل الانترنت واحلي ما يكون
بس التلفزيون ما يلقط ما ادري ليش ومركب لة بعد فلاش خاص من الشركة بالتلفزيون خاص بالتقاط الوايرلس ومافي فائدة
لو انة ماشتغل اللابتوب بالمجلس كان قلت يحتاج تقوية وايرلس لكنة يشتغل

اذا حد عندة خبرة يشوف لنا حل انشبك فية الانترنت بالتلفزيون

هلا اخوي ممكن عندك عيب في قطعة الفلاش الخاصة بالتلفزيون او ممكن انها ما تستقبل الارسال من بعيد كما ذكرت مثل لاب توب وعشان تتاكد ان التلفزيون اوك

هات مودم كيوتل ركبه جنب التلفزيون مجرد تركيب بالكهرب من غير واير كيوتل ولا شي واصبر لمن يشتغل وشيك على التلفزيون شوف الشبكة تظهر ام لا اذا ظهرت يكون العيب ان لازم تحيب مقوي جنب التلفزيون او تركيب واير انترنت من المودم الي التلفزيون

واذا لم تظهر الشبكة بالرغم من المودم قريب يكون هناك احتمالين ان التلفزيون فيه مشكلة او انه غير متوافق مع مودم كيوتل


والافضل لك اخوي انك تركب واير انترنت من المودم الي التلزيون وتريح بالك من الوايرلس
بالتوفيق ان شاء الله

اقتباس:

---

المشاركة الأصلية كتبت بواسطة محتـرف

هلا اخوي ممكن عندك عيب في قطعة الفلاش الخاصة بالتلفزيون او ممكن انها ما تستقبل الارسال من بعيد كما ذكرت مثل لاب توب وعشان تتاكد ان التلفزيون اوك

قطعة الفلاش شغالة وتظهر اسم الشبكة وفيها 3 خطوط ارسال لو مافي ارسال ماكان طلع اسم الشبكة

هات مودم كيوتل ركبه جنب التلفزيون مجرد تركيب بالكهرب من غير واير كيوتل ولا شي واصبر لمن يشتغل وشيك على التلفزيون شوف الشبكة تظهر ام لا اذا ظهرت يكون العيب ان لازم تحيب مقوي جنب التلفزيون او تركيب واير انترنت من المودم الي التلفزيون

اصلا المودم ووهو داخل البيت يظهر الشبكة علي التلفزيون بالمجلس الخارجي وفية ارسال
مبين علي الشاشة اذا اعتقد مافي داعي لمقوي ارسال !

واذا لم تظهر الشبكة بالرغم من المودم قريب يكون هناك احتمالين ان التلفزيون فيه مشكلة او انه غير متوافق مع مودم كيوتل

هذا احتمال انة غير متوافق مع مودم كيوتل


والافضل لك اخوي انك تركب واير انترنت من المودم الي التلزيون وتريح بالك من الوايرلس
بالتوفيق ان شاء الله

سالت محل عندة طرفين متشابهين مثل فتحة المودم وفي التلفزيون مافي مثل فتحة المودم !

بروح محل العنابي يمكن احصل

---

اشكرك علي ردك اخوي المحترف

هلا اخوي
الحين فهمت عليك ان الشبكة ظاهرة في التلفزيون وكل شي تمام الا انك لمن تيجي تشبك وتحط كلمة السر لايشبك صح ولا انا مغلط

احتمال كبيير ان يكون العيب في كلمة السر اللي في مودم كيوتل غير متوافقة مع التلفزيون
يفضل تغييرها الي التشفير wpa وان تجعلها كلها ارقام

اذا كنت متاكد ان التلفزيون شغال وايرلس عند المحل وفي حالة ان التلفزيون لا توجد به الفتحة شبكة النتورك لتركيب الواير لازم تلغي كلمة السر من الرواتر او انك تجيب رواتر جديد مثلا لنكسس او اكسس بوينت وتحطه عندك بالمجلس

بالتوفيق ان شاء الله

المحترف مايقصر

اول مرة ادري ان التفي يشبك بالنت والله القطريين ماخلو شي

اقتباس:

---

المشاركة الأصلية كتبت بواسطة لاجل QT

اول مرة ادري ان التفي يشبك بالنت والله القطريين ماخلو شي

---

انتي ما سمعتي عن التلفزيون اللي يجي منه فيه رسيفير وكمبيوتر وهارديسك للتخزين وانترنت بعد وتوصيل كاميرات المراقبة ما خلو شي :app2:

ولسه ياما نعيش ونشوف سبحان الله من كان يتخيل من 30 سنة اللي احنا فيه الحين وبعد ومين اللي فينا يقدر يتخيل ماذا سوف يحدث بعد 10 سنوات من الان

اي والله صدقت المحترف

لين الحين اسال نفسي اشلون يطلع الصوت في سماعة التلفون

بس واحد من اللى ابتكرو هو احتمال يدش الجنة

اللى ابتكر المكيف ...بيدش الجنة من كثر ماندعي لة

كل مابطل المكيف اقول وي يزاة الله خير

http://www.shooq4.com/vb/images/bb/5.png
يقولك بعد خمس سنوات تشوف واحد وياه تلفون 42 انش ههههههههه
تلقاه في الاخير شايل وياه جلكسي اس 8
التقنيه مستمره وكل يوم شي جديد
http://www.shooq4.com/vb/images/bb/21.png

انحلت المشكلة !

مودم كيوتل الابيض تومسون كان هو السبب وتم استبدالة بالمودم الاسود عند تفعيل الالياف الضوئية

واشتغل الانترنت من خلال التلفزيون بدون تعقيد