عرض للطباعة
السلام عليكم ورحمه الله وبركاته
خذيت لي لفه محترمه
بين المحلات التشطيب من نابينا لين كافود
وخليت اخر اختيارتي انصار ستي
ولما رحت صوبهم لقيت اشياء جديده في السوق
وللامانه افضل من محلات كثير
بس مشكلتهم مايضمنون بضاعتهم
مثلا محل ام بي سي قالس بخصوص البلاط يعطوني ضمان عليه
فشرايكم في تشطيب من انصار ستي هل احد جرب
انصار ستي اغلب اغراضه الكولتي لك عليه فيه زين وفيه شين
نابينا وكافود والعامودي الاقوى بالسوق
كل التوفيق لك
عجبتني أشياء كثيرة في أنصار ستي مثل الأبواب سعرها وايد زين للمشاريع الرخيصة وأبواب كاملة شفت ب 999 ريال مع الفريم والقفل والمفصلات 210 في 100 سم .. شفت عندهم نوعيات أقفال عمري ما شفتها صناعة تركية وبسعر تحت ال 200 ريال ويبين جودة عالية والله أعلم .. حصلت عندهم جكوزيات كاملة بباب قزاز وشاور مطري وكرسي للجلوس وستيم ومساج للرجل بحدود 7000 ريال والضمان سنة .. حصلت بلاط كواليتي وغالي قطع كبيرة .. وحصلت قريب منه بس كواليتي أعلى عند محل سيراميك الخليج يبيعونه مع التركيب بلاصق جيد صناعة قطرية وقراوت مابي صناعة ايطالية .. القطعة تجي 3.2 متر في 1.6 وسعر القطعة مع التركيب 2700 يعني يطلع المتر 527 ريال يعتبر غالي بس البورسلان راقي وايطالي
الف تحيه اخوي سعود
حمستنا âک؛ï¸ڈ تسلم الغالي استاذنا معماري
فيه عندهم مواد زينة وأعتقد السعر يمكن واحد عند الغالبية بس هم سعرهم نازل .. جربناهم في هوزات الشطاف صناعة ايطالية صج صمدوا معانا لا قروهي ولا غيره وسعر رخيص .. المغاسل اللي عندهم كثير منها ما تسوى والكراسي والبديه بس بعضها جودة وسعر بعد مرتفع .. المرايات ما حصلت شيء زين وخذت وحدة من العمودي مع تخزين وكهرباء داخلها وانارة ب 3600 كانت آخر قطعة فكوها وعطوني اياها .. باقي اشتري مروحة وأشتري بوكس الشور من عندهم 90 في 90 قبل حصلت في طريق سلوى بس يسوون صيانة وشلوا البضاعة وفي أماكن ثانية فروع ثانية أقصد ما حصلت اللي ابيهاقتباس:
المشاركة الأصلية كتبت بواسطة صاحي ضميره
وقت الصيانة باصور لكم بإذن الله ومشكلتي الحمام صغير 2 في 2 .. فكرت أكبره بس شغلة ولازم رخصة من البلدية
في ابواب اسمهان دبليو بي سي هذه الابواب عباره عن مواد بلاستيكيه ومضغوطه للامانه شكلها جدا جميل وايضا شكلها تنفع الابواب الحمامات لانها ضد الرطوبه والماء يعني افضل من الخشب لو اعرف انزل صور اكثر كان نزلت لك ما اعرف انزل صور من المنتدى
شوف هذا افضل رابط لصور . يفتح لك ع الاستديو تختار الصور تضغط ع رفع الصور يعطيك خيار رابط للمنتديات
سهل جدا تعبث شوي وراح تعرفله :ok:
https://top4top.io/
أمس في المفتاح عندهم تنزيلات اللي في السد شفت باب خذ قلبي ب 8500 .. بس مقتنع بالأبواب المودرن الأقل زخرفة واللي يجي الإطار من الجانبين وعريض ومستمر للسقف ووسطة قشرة خشب متصلة للسقف أو للجبس
نصيحة من واحد توه مشطب بيته و تعامل مع منجرة المفتاح و المتحدة و نابينااقتباس:
المشاركة الأصلية كتبت بواسطة معماري قطري
منجرة المفتاح وبس.. بسوون لك اللي تبيه و اذا فيه مشاكل تحصلهم جدامك و يحاولون يخدمونك بكل جدية
المتحدة مشاكلهم كثيرة و ماتقدر تعدل او تصبغ او تصون وسعرهم مقارب للمفتاح.. وفوق هذ نفسيات
نابينا جيدين بالنسبة للسعر اللي تدفعه ( ارخص من اللي فوق )..تصلح للتجاري او الاستثماري او الملاحق (good value for money ) على قولة اخواننا الكفار
فيني عقدة من المناجر والله غاليين ويطولون وايد وفي النهاية شيء عادي وبسعر خيالي .. واحد وصف لي أبواب تركيا من وصفه طيح من عيني مناجرنا وبجزء بسيط من السعر حسب كلامه وأوثق فيه .. وشفت الأقفال التركية عند أنصار غاليري شيء خيالي والجودة تبين في القفل .. وكامل يجيك ب 175 وحتى المفتاح غريب وخاص ما يننسخ .. هذا يقول لي يسوون الباب من 15 نوع من الخشب السولد ويداخلونهم في بعض بدزاينات حلوةاقتباس:
المشاركة الأصلية كتبت بواسطة عايش فرحان
وجهة نظر نحترمها .. و اكيد ناتجة عن تجارب شخصية مع هذه الجهة او تلكاقتباس:
المشاركة الأصلية كتبت بواسطة معماري قطري
و انا وجهة نظري ايضا ناتجة عن تجربة شخصية حديثة مع الجهات الثلاثة اللي ذكرتها .. منجرة المفتاح حاليا مب اللي خبرك .. ورشة بسيطة في الوكرة و تدار بمزاجية من قبل بعض الجنسيات من شمال افريقيا.. الحين صاروا مصنع كبير في الصناعية و يتعاملون باسلوب اكثر احترافية و تنظيم
تخيل انني قررت اركب موكيت في بعض الغرف و اضطريت احف البيبان من تحت علشان اعوض ارتفاع الموكيت .. سويتها في بيبان المناجر بكل سهولة .. بينما الغرف اللي ركبت فيها بيبان جاهزة طلعت لي ستين علة و علة عشان ارفع البيبان ..اقلها ان الشركة اللي ركبتهم .. قالولي مالنا شغل.. روح شوف لك نجار يحف و يعيد الصباغة .. و قالولي ايضا - فوق البيعة - ان اي تعديل او صبغ للبيبان يعني انتهاْء الضمان اللي عطيناك اياه !!
صحيح الشركات تتغير وبسرعة أوقات والمفتاح معروفين من زمان بجودتهم ولا سمعت عنهم الا كل خير .. انا تكلمت بصيغة العموم عندنا في قطر .. تصدق خذت ثلاث مطابخ حق بيتي خارجي المنيوم وقالوا لي مب مضمون مثل الخشب وصج طلع تعبان وبدلته كامل .. وإثنين خشب يسمونه وايت سوفت وود انجليزي ومصنع انجليزي فاتح فرع في السعودية وكان له وكيل في قطر وواحد بانتري فوق بعرض 3.3 متر .. اللي تحت بس جهتين جهة 6 متر فوق وتحت وجهة 7 متر كله كلفني 35000 بس كان علي تركيب الرخام والمغاسل والخلاطات .. لو ماخذهم من قطر كان بالراحة ضعف السعر .. يا اخوي طغاة اللي عندنا وحماية المستهلك نايميناقتباس:
المشاركة الأصلية كتبت بواسطة عايش فرحان
الله يعين اللي يشطب
ملاحظة مهمة بالنسبة لي لاحظت ان اسعار بعض المواد صارت ارخص من قبل خلاطات وشورات غروهي في محلات العاصمة وايد ارخص عن قبل غير أسعار البورسلان المواد الصحيه وغير وغير من المواد وايد تفرق عن اسعار قبل
بالنسبة حق الابواب خشب مرنتي وينصبغ ابيض او اي لون ترغب في ويكون سعره مناسب واختيار ديزاين خفيف
شكراً بو سعود ومنور ودوم على البال والا واجب نكلمكاقتباس:
المشاركة الأصلية كتبت بواسطة Azizuk
اقتباس:
المشاركة الأصلية كتبت بواسطة معماري قطري
النور نورك يابوعبدالله
انت نور هالمنتدى
دعواتك لي عيوني اليسرى رجعت تتأثر بنزيف قديم من مضاعفات السكر والطبيب سوى لي تحويل لمستشفى حمد والوضع صعب حتى احصل موعد قالوا موعدك شهر 10 وفي عيادة عادية .. والله أحس لازم ليزر والا مثل ما قال الدكتور ابرة ودواء يروح لموقع التجمع .. إن شاء الله بسيطة بس تأثرت الرؤية بشكل كبير لدرجة أمس يوم طلعت في طريقي للطبيب قمت أشوف ليتات السيارات حمراقتباس:
المشاركة الأصلية كتبت بواسطة Azizuk
اقتباس:
المشاركة الأصلية كتبت بواسطة معماري قطري
ماعليك شر ابا عبدالله . الله يعينك ع المواعيد دق سلف ( برشلونة ) افضل عيادات العيون عندهم
مشغول والله وفيزتي على ايطاليا مخططين نروح شهر 8 ومنها الى ألمانيا .. بشوف ممكن نغير الخطة بس الطبيب طمني وتواصلت مع دكتور عيون اللي عالجني قبل قال مسافر وبيجي الاسبوع الجاي بيرتب لي موعد .. مستشفى حمد فيه تجهيزات كاملة تصوير الشبكية المهم وغرفة العمليات للإبرة وأعرف وايد سووهااقتباس:
المشاركة الأصلية كتبت بواسطة سعود.
معافى باذن الله
عيادات برشلونة من موقع ايميل ارقام مترجم كل شي موجود لك ولا غيرك
عارف سهالات وكنت باروح قبل كورونا حاجز ومخلص كل شيء بس وقفوا السفر لو رحت كنت تورطتاقتباس:
المشاركة الأصلية كتبت بواسطة سعود.
الله يعافيك ويعافي الجميع بس ضيق نفسي وإحساس غريب وإن شاء الله تخف وتتعالج مريت بالقصة قبل يمكن 2016
ماعليك شر ومعافى باذن الله
الله يعافيكاقتباس:
المشاركة الأصلية كتبت بواسطة سعود.
رحت لهم اليوم وما قصروا شافوني مع إني متأخر ولازم قطرة توسيع حدقة العين وتاخذ وقت بس مشت الأمور وسووا تصوير للشبكية قال الدكتور لازم ابرة تثبت النزيف وعطاني موعد الأثنين الجاي وبعدين ليزر عطاني موعد نص تسعة قال عادي الأهم الإبرة
اقتباس:
المشاركة الأصلية كتبت بواسطة معماري قطري
باذن الله معافي
ماعليك شر ياخوي واجر وعافيه
عليك بالدكتور عثمان في مستشفى حمد الوالده تعالج عنده من سنين والحمدلله ..
الله يبعد عنك كل مكروه ويحفظ والدتكاقتباس:
المشاركة الأصلية كتبت بواسطة ولد المنصور
صحيح بالصدفة رحت له وما قصر كم مرة مسوي عنده ليزر وأول مرة الإبرة وطلعت بسيطة همها أكبر منها