المشاركة الأصلية كتبت بواسطة غير البشر
وعليكم السلام ورحمه الله وبركاته
ياهلا ومرحبا فيك اخوي
تنور البلاد حياك الله
بما انك ساكن في الجسره بوتيك يعني سكنك في سوق واقف
اول يوم تتمشى في سوق واقف والكورنيش قريب من فندق شيراتون
وتروح كتارات وبعدها مجمع اللاجونا واللؤلؤه جنبه
ومجمع الستي سنتر
المطاعم القريبه منك في اول يوم
مطاعم سوق واقف معظمها حلوه
ومطعم لؤلؤه الشرق قريب من سوق واقف
ومطاعم مجمع اللاجونا الخارجيه ( لما توصل باريس غاليري في مخرج من جنبه للمطاعم الخارجيه )
ومطاعم كتارا ( سكر باشا - خان فاروق - وزعفران - ماميك )
ومطاعم اللؤلؤه ( سي السيد مصري حق الكشري وغيره وغيرها الكثير )
بالنسبه للمطاعم ان شاء الله الاخوان يفيدونك اكثر من فتره مارحت
اليوم الثاني :
تروح منطقه اسباير
مجمع فيلاجيو وجنبه فندق ذا تورش ( فندق الشعله )
حديقه اسباير من جنبه
ومجمع حياه بلازا جنب الحديقه
كلهم تروح لهم مشي
اماكن ثانيه
تروح مجمع اللاند مارك
وجنبه مجمع ازدان
وجنبه الخليج مول
بالتوفيق ان شاء الله