حادث سير وبدون تامين

السلام عليكم ورحمة الله وبركاته
اخوي قدر الله ان يصير حادث ل ولدي والحمدلله ماكان في اصابات
كان مساك المسار اليسار والمتسبب ماسك المسار اليمين وقرر المتسبب ان يقطع الشارع من جهة الجزيرة اللي بين الشارعين علشان يرجع و ولدي دعمه
الان المتسبب متعرف انه غلطان واستمارته منتهية من 2018 وايضا ماعنده تامين بل بالعكس كفيل الهندي امن على السياره بعد الحادث ب20 دقيقة وفي هذه الحالة تامينهم مايصلح سيارتي لان الحادث صار قبل التامين وجبت 6 فواتير وكل يوم يكلمي كفيل الهندي ويوعدني مرة بكرة ومره بعد يومين وصار الموضوع حول الشهر الان والمرور يقولون مايقدرون يجبرونه يدفع وكل اللي يقدرون يسوونه انهم يرفعون الملف للنيابه

شنو العمل واذا تحولت للنيابة بيدفع قيمه التصليح انا ما اعرف بهذه المواضيع ياريت احد يفيدني
دمتم بود

طبعا حولها للنيابه
وهناك شوف الوضع الغالبيه العظمى يدفعون


واذا بين هناك ان كفيل الهندي وضعه متعسر والتكاليف على قدر الاستطاعه

((وَجَزَاءُ سَيِّئَةٍ سَيِّئَةٌ مِّثْلُهَا ، فَمَنْ عَفَا وَأَصْلَحَ فَأَجْرُهُ عَلَى اللَّهِ ، إِنَّهُ لَا يُحِبُّ الظَّالِمِينَ (40)))



ف لحد الان يعتبر الموضوع وكأنه تهرب من الطرف الاخر

واسباب التهرب تبان عند النيابه ان كان معسر ولا تهرب عن المسؤوليه


والحمدلله على سلامتهم


انا عن نفسي حصل لي هالموقف من 9 سنين وكان الطرف الاخر يتهرب لمجرد التهرب يعني مب معسر او ما الى ذلك
وصملت على موضوع ال1500 ريال لين دفعها :waiting:

لان سيارة الكفيل وقتها بورش وموتري كروزر فما كان في مجال للتفكير بانه ربما يكون متعسر حسب نظرتي حينها

أي خلاف بين طرفي الحادث على طول الشرطة تقولك روح النيابه....ما عندك شي تخسره .... يمكن تستفيد بس اكيد ما راح تخسر شي ....الله يعوضك خير

انا بعد مماطلة من الشرطة للأسف حولوا موضوعي للنيابة وانا شاهد على هوشة جدامي واللي متهاوش ضرب بريك قاصد اللي وراه يدعمه وتفاداه وانا دعمت اللي في الوسط .. النيابة رجعوها للمرور بعدين المرور حقق مع الأجنبي وقال بنرفعها محكمة وهناك بتاخذون حقكم .. اللي متسبب ما عنده تأمين وقطري نص عيال عمه في المرور والنص الثاني في التحقيق ويمكن الثلاث أرباع في النيابة .. المهم قالوا للأجنبي جيب لنا عنوان المتسبب حتى نستدعيه .. يقول قلت لهم مب شغلي انتوا حكومة والمفروض في ملف القضية .. يقول من القهر شققت الأوراق وقلت خلاص ما ابي شيء .. هو صلح سيارته ب 10 آلاف وانا ب 17000 وحقنا من القانون كله واللي تستروا عليه بناخذه يوم القيامة

شخص ثاني صدم سيارة البيت صدمة خفيفة في الزحمة وشرد .. وسجلوا رقمه وراح السايق للمرور .. تعرفون المرور شقالوا له .. قالوا اووه هذي السيارة ما عليها رخصة ووايد عليها مشاكل صلح على حسابك أحسن لك وإحنا بنصيده ان شاء الله والظاهر قبل 2022 بأيام

اقتباس:

---

المشاركة الأصلية كتبت بواسطة معماري قطري

انا بعد مماطلة من الشرطة للأسف حولوا موضوعي للنيابة وانا شاهد على هوشة جدامي واللي متهاوش ضرب بريك قاصد اللي وراه يدعمه وتفاداه وانا دعمت اللي في الوسط .. النيابة رجعوها للمرور بعدين المرور حقق مع الأجنبي وقال بنرفعها محكمة وهناك بتاخذون حقكم .. اللي متسبب ما عنده تأمين وقطري نص عيال عمه في المرور والنص الثاني في التحقيق ويمكن الثلاث أرباع في النيابة .. المهم قالوا للأجنبي جيب لنا عنوان المتسبب حتى نستدعيه .. يقول قلت لهم مب شغلي انتوا حكومة والمفروض في ملف القضية .. يقول من القهر شققت الأوراق وقلت خلاص ما ابي شيء .. هو صلح سيارته ب 10 آلاف وانا ب 17000 وحقنا من القانون كله واللي تستروا عليه بناخذه يوم القيامة

---

:weeping: الله يعوضك ويعوض الجميع ،، :(

اقتباس:

---

المشاركة الأصلية كتبت بواسطة عضو قديم

السلام عليكم ورحمة الله وبركاته
اخوي قدر الله ان يصير حادث ل ولدي والحمدلله ماكان في اصابات
كان مساك المسار اليسار والمتسبب ماسك المسار اليمين وقرر المتسبب ان يقطع الشارع من جهة الجزيرة اللي بين الشارعين علشان يرجع و ولدي دعمه
الان المتسبب متعرف انه غلطان واستمارته منتهية من 2018 وايضا ماعنده تامين بل بالعكس كفيل الهندي امن على السياره بعد الحادث ب20 دقيقة وفي هذه الحالة تامينهم مايصلح سيارتي لان الحادث صار قبل التامين وجبت 6 فواتير وكل يوم يكلمي كفيل الهندي ويوعدني مرة بكرة ومره بعد يومين وصار الموضوع حول الشهر الان والمرور يقولون مايقدرون يجبرونه يدفع وكل اللي يقدرون يسوونه انهم يرفعون الملف للنيابه

شنو العمل واذا تحولت للنيابة بيدفع قيمه التصليح انا ما اعرف بهذه المواضيع ياريت احد يفيدني
دمتم بود

---

جرب وما تخسر شي ،، بعد التجربة يمكن تفيد غيرك بالمعلومه ،، اجراءات النيابة تعلمنا فمن عفا واصلح فاجره على الله

روح نيابة المرور وماراح يقصرون معاك مع وجود رقم جوال المتسبب او العنوان

اقتباس:

---

المشاركة الأصلية كتبت بواسطة مضارب دوسري

طبعا حولها للنيابه
وهناك شوف الوضع الغالبيه العظمى يدفعون


واذا بين هناك ان كفيل الهندي وضعه متعسر والتكاليف على قدر الاستطاعه

((وَجَزَاءُ سَيِّئَةٍ سَيِّئَةٌ مِّثْلُهَا ، فَمَنْ عَفَا وَأَصْلَحَ فَأَجْرُهُ عَلَى اللَّهِ ، إِنَّهُ لَا يُحِبُّ الظَّالِمِينَ (40)))



ف لحد الان يعتبر الموضوع وكأنه تهرب من الطرف الاخر

واسباب التهرب تبان عند النيابه ان كان معسر ولا تهرب عن المسؤوليه


والحمدلله على سلامتهم


انا عن نفسي حصل لي هالموقف من 9 سنين وكان الطرف الاخر يتهرب لمجرد التهرب يعني مب معسر او ما الى ذلك
وصملت على موضوع ال1500 ريال لين دفعها :waiting:

لان سيارة الكفيل وقتها بورش وموتري كروزر فما كان في مجال للتفكير بانه ربما يكون متعسر حسب نظرتي حينها

---

اخوي معماري لو التصليح في حدود 10 او 15 الف بصلح وبقول معليه لكن التصليح 34الف ريال
امس اتصل فيني الكفيل يقول مقدم على سلفة والاجراءات تاخذ يومين وانا متاكد انه يماطل لان كذا مرة سواها مرة حط شيك في حسابه بس المبلغ ما نزل في الحساب

اقتباس:

---

المشاركة الأصلية كتبت بواسطة nooora

جرب وما تخسر شي ،، بعد التجربة يمكن تفيد غيرك بالمعلومه ،، اجراءات النيابة تعلمنا فمن عفا واصلح فاجره على الله

---

اختي نوره انا سالت واحد في المرور قال لي بتتحول للنيابه واذا ما دفع ترفع عليه قضيه مدنية تطالب بحقك

اقتباس:

---

المشاركة الأصلية كتبت بواسطة عضو قديم

اختي نوره انا سالت واحد في المرور قال لي بتتحول للنيابه واذا ما دفع ترفع عليه قضيه مدنية تطالب بحقك

---

الحمدلله على السلامة.. اذا القضية بتتحول للنيابة ليش مايدفع؟ وتضطر ترفع قضية ثانية ..
الحين اللي يتمشون في الشوارع بدون استمارة سارية شنو وضعهم.. وين الشرطة عنهم والكاميرات والحملات .. المرور مشغولين في ايش بالضبط؟

اقتباس:

---

المشاركة الأصلية كتبت بواسطة عضو قديم

اختي نوره انا سالت واحد في المرور قال لي بتتحول للنيابه واذا ما دفع ترفع عليه قضيه مدنية تطالب بحقك

---

لما تتحول الى قضية لازم تجيب فواتير بكل ريال دفعته بسبب التضرر .... يعني ما ينفع قيم تقديرية للاضرار و التكاليف مثل تقول استعملت مواصلات و تكاسي بحدود 100 ريال باليوم في 20 يوم تصليح يعني 2000..... كلام عام بدون فواتير ما يلتفتون له ابدا

لازم يكون معاك فاتورة بكل ريال تطالب فيه وبتاخذه ان شاء الله ... بس بالفواتير و الاثباتات... بالتوفيق

اقتباس:

---

المشاركة الأصلية كتبت بواسطة khaldoon

لما تتحول الى قضية لازم تجيب فواتير بكل ريال دفعته بسبب التضرر .... يعني ما ينفع قيم تقديرية للاضرار و التكاليف مثل تقول استعملت مواصلات و تكاسي بحدود 100 ريال باليوم في 20 يوم تصليح يعني 2000..... كلام عام بدون فواتير ما يلتفتون له ابدا

لازم يكون معاك فاتورة بكل ريال تطالب فيه وبتاخذه ان شاء الله ... بس بالفواتير و الاثباتات... بالتوفيق

---

انا ماصلحت سيارة ولدي بس عندي فواتير بقيمة التصليح هل هذه تنفع

خل المرور يحولها للنيابه احسن لك اذا كان يماطل
جلسة جلستين وفلوسك عندك وفوقها مخالفة للمتسبب

اقتباس:

---

المشاركة الأصلية كتبت بواسطة عضو قديم

انا ماصلحت سيارة ولدي بس عندي فواتير بقيمة التصليح هل هذه تنفع

---

تنفع طبعا..... لما تبي ترفع قضية راح تطالب بمبلغ تعويض انت تحدده...هالمبلغ هذا لازم يكون مغطى بفواتير لكل ريال تطلبه و هالمبلغ يمثل الاضرار اللي انت تكبدتها و تبي تسترجعها من المتسبب بالحادث (المدعى عليه)

أي مبلغ ما عندك فاتوره فيه و طالبت المدعي عليه بالمحكمة لن يحكم لك به

اقتباس:

---

المشاركة الأصلية كتبت بواسطة المزن الرياني

خل المرور يحولها للنيابه احسن لك اذا كان يماطل
جلسة جلستين وفلوسك عندك وفوقها مخالفة للمتسبب

---

هذا لو المدعي عليه محترم و ملتزم ممكن كم شهر .... بس لما يكون المدعى عليه مب محترم ولا ملتزم و مماطل بتاخذ سنة و اكثر.... اشلون..... بيقول القاضي تؤجل القضية لجلسة كذا بتاريخ ابريل 2020.... يقولك ما اقدر احضر أكون مسافر... طيب متى بتكون موجود و يناسبك؟.... شهر مايو 2020.... و بشهر مايو ما يحضر و انت تحضر كمدعي

هو ما بحضر القاضي يأجل القضية ..... انت المدعي لو تغيبت عن جلسة واحدة على طول القضية تحفظ بالارشيف و يغلق ملف القضيه على فرض ان المدعي تنازل عن القضية او عمل تسوية مع المدعي عليه و انه المدعي غير ملزم انه يبلغ المحكمة باغلاق القضية.... يعني المحكمة ماشية على مبدأ no news is good news

بس لو الموضوع مب منتهي و انت كمدعي تغيبت عن جلسة بيقولك روح طلع القضية من الأرشيف و افتح القضية مرة ثانية

من خمس سنوات صار لي حادث قريب من الزحم مول

بعدها جات الدوريه قلت الغلط علي ولا عليه قال راجع المركز وتعرف

الرجال منتهيه استمارت سيارته واضن ليسنه بعد

رحت المركز عطوني ورقه تصليح حق سيارتي والغلط علي

رحت صلحت سيارتي وانا ساكت

اقتباس:

---

المشاركة الأصلية كتبت بواسطة المزن الرياني

خل المرور يحولها للنيابه احسن لك اذا كان يماطل
جلسة جلستين وفلوسك عندك وفوقها مخالفة للمتسبب

---

انا اليوم رحت للمرور وقلت لهم يحولون الملف للنيابة بس وين مكان النيابة اذا براجعهم وشكرا لكم

اقتباس:

---

المشاركة الأصلية كتبت بواسطة khaldoon

هذا لو المدعي عليه محترم و ملتزم ممكن كم شهر .... بس لما يكون المدعى عليه مب محترم ولا ملتزم و مماطل بتاخذ سنة و اكثر.... اشلون..... بيقول القاضي تؤجل القضية لجلسة كذا بتاريخ ابريل 2020.... يقولك ما اقدر احضر أكون مسافر... طيب متى بتكون موجود و يناسبك؟.... شهر مايو 2020.... و بشهر مايو ما يحضر و انت تحضر كمدعي

هو ما بحضر القاضي يأجل القضية ..... انت المدعي لو تغيبت عن جلسة واحدة على طول القضية تحفظ بالارشيف و يغلق ملف القضيه على فرض ان المدعي تنازل عن القضية او عمل تسوية مع المدعي عليه و انه المدعي غير ملزم انه يبلغ المحكمة باغلاق القضية.... يعني المحكمة ماشية على مبدأ no news is good news

بس لو الموضوع مب منتهي و انت كمدعي تغيبت عن جلسة بيقولك روح طلع القضية من الأرشيف و افتح القضية مرة ثانية

---

ماعتقد انه المتسبب بالحادث يتحلى بالاخلاق ياجماعة هل فعلا في ناس تاكل حقوق ناس عيني عينك اعنبوه اشلون يرقد مايفكر او يخاف من دعوة المظلوم لكن حسبي الله ونعم الوكيل

للاسف القانون فيه اهمال شديد للحقوق و ما في تشديد!

اقتباس:

---

المشاركة الأصلية كتبت بواسطة عضو قديم

انا اليوم رحت للمرور وقلت لهم يحولون الملف للنيابة بس وين مكان النيابة اذا براجعهم وشكرا لكم

---

مدينه خليفه الشمالية .. على الشارع العام من جسر اللاند مارك بأتجاه دحل الحمام
هي عباره عن فلتين مشاهدين اللاند مارك مباشرة

قوقل ماب مايقصر

اقتباس:

---

المشاركة الأصلية كتبت بواسطة مضارب دوسري

طبعا حولها للنيابه
وهناك شوف الوضع الغالبيه العظمى يدفعون


واذا بين هناك ان كفيل الهندي وضعه متعسر والتكاليف على قدر الاستطاعه

((وَجَزَاءُ سَيِّئَةٍ سَيِّئَةٌ مِّثْلُهَا ، فَمَنْ عَفَا وَأَصْلَحَ فَأَجْرُهُ عَلَى اللَّهِ ، إِنَّهُ لَا يُحِبُّ الظَّالِمِينَ (40)))



ف لحد الان يعتبر الموضوع وكأنه تهرب من الطرف الاخر

واسباب التهرب تبان عند النيابه ان كان معسر ولا تهرب عن المسؤوليه


والحمدلله على سلامتهم


انا عن نفسي حصل لي هالموقف من 9 سنين وكان الطرف الاخر يتهرب لمجرد التهرب يعني مب معسر او ما الى ذلك
وصملت على موضوع ال1500 ريال لين دفعها :waiting:

لان سيارة الكفيل وقتها بورش وموتري كروزر فما كان في مجال للتفكير بانه ربما يكون متعسر حسب نظرتي حينها

---

بالفعل اخوي مضارب تم طلب تحويل الموضوع للنيابة وان شاءالله اخذي حقي وشكرا لكم

الله المستعان
الحمد لله ماصادني هالموقف

اقتباس:

---

المشاركة الأصلية كتبت بواسطة ولد البدر

الله المستعان
الحمد لله ماصادني هالموقف

---

للاسف الكل معرض لمثل هذا الموقف بسبب اهمال البعض سواء افراد او شركات في تجديد استمارات السياره

يستطيع المرور ان يضع غرامه ماليه رادعه لكل تامين سياره منتهي

مو مشكله اذا استمارة الموتر منتهيه وعليك مخالفات وهالشي يمنعك من تجديدها
على الاقل سو تامين للسياره حتى ولو استمارتها منتهيه :(


(ويا ليت المرور يفصل ما بين تجديد الاستماره ودفع المخالفات لان اللي محترم القوانين ومجدد سيارته ماله ذنب ان في طرف اخر ما جدد استمارته لانه مايقدر يدفع مخالفاته
هالشي بيكون حمايه للمحترم المنضبط اللي ماله ذنب ان اشخاص اخرين ما يجددون لمواترهم)
هو ما جدد لان مخالفاته شكثر
انا شذنبي اتوهق بواحد الغلط عليه واستمارته منتهيه

انا في مره من المرات في 2010
ااضطررت البس نفسي ان الخطا مشترك (وتامين سيارتي وقتها شامل)
لان سيارتي كان يبيلها 60 الف تصليح
بسبب ان الطرف الاخر ماعنده لا ليسن واستمارة السياره اللي يسوقها منتهيه

السلام عليكم ورحمة الله وبركاته
ومبارك عليكم ما تبقي من الشهر الكريم
تحديث لما حصل

بعد تحويل الموضوع للنيابة وتحويل الملف للمحكمة المدنية تم رفع دعوة قضائية وبعد مداولات وجلسات
حكم القاضي لي بمبلغ 37500 ريال مع المصاريف
وتم رفع قضية اخرى للتنفيذ من اكثر من شهر والى الان لم تنتهي القضية صاحبة السيارة المتسببة رافضة ان تدفع
اخبرني المحامي بان الموضوع اوتوماتيكي يتحول لتنفيذ الاحكام من منع السفر والتعميم على السيارات المسجلة باسمها والبنوك

انا الان محتار ايش اسوي واشلون احصل على حقي
هل علي ان اروح لقسم تنفيذ الاحكام الموجود بالريان او ايش بالضبط

تقبلوا تحيتي لكم

الله يعينك

القضاء عندنا يحتاج خارطة طريق والطريق طويل .. وين أيام قبل شهر ومشكلتك مخلصة بالكامل وماخذ حقك

ليش هم ما يقولون لك وين تروح وشتسوي وشتدفع بعد وشكثر يبقى لين تخلص قضيتك؟

من شهر وزود بس حكم القاضي حكم نهائي ودفعوني 300 ريال لرفع قضية للتنفيذ والى الان انطر حقي
لاحول ولا قوة الا بالله
الله المستعان