بالنسبة لي عصير المراعي وعصير المعصرة أحلى ب 100 مره من عصيرة
بالنسبة لي عصير المراعي وعصير المعصرة أحلى ب 100 مره من عصيرة
فديت عصاير ابوي
من تقاعد وهو كل يوم العصر يسوي للبيت كله
صج ساعات تطلع خلطات مالها داعي مثل عصير الجزر اللي يقط معاه كم حبه عنب وكمثرا ولما نساله ليش يقول عشان يصير حااالي خخخخخ
طبعا غير الكوكتيلات اللي ما نتجرأ نسال شنو مكوناتها بس اللي نعرفه ان اللي يجي بيده من الثلاجه ينقط بالخلاط
واحنا لازم نشرب ونقول االله عجيب
الله يخليه لنا
اخبر مرخه طلبت عصير موز بعد تمرين جري بلفيت نظام صحي قلت له ابي عصير موز ولين جربته طلع طعمه غريب وجابه لي في ظرف دقيقه استغربت سالته عن مكوناته قالي فيه ايس كريم دفعت الفلوس طبعه سعره سعر وجبه غدا وحرمت اطلب منه العصير عشان ما يخيس يحط فيه ايسكريم ولا فرش ولا هم يحزنون كلام فاضي شريت عصاره من المعرض الي فيه منتجات صينيه قبل كمن شهر والله ولا احلى وتوبه اطلب منه مره ثانيه .
ووقت الشاي نفس الشي غالي ع الفاضي اسعاره غير المعاصر مع انه معصره
أسعار المعاصر ما ارتفعت الا بعد ماشافوا الشباب طايحين في عصاير مندرين اللي هي نفسها عصاير المعاصر..
ولاحظوا أن أسعار المعاصر على مدة سنين عديدة ماتغيرت,, تقريبا من الثمانينات وهي على نفس الأسعار الا بعد مافتح مندرين ومن هم على شاكلته معاصرهم الراقية..
وأحب أذكركم في موضوع يمكن مر على الكثيرين بدون ما يتفكرون فيه,, وهو أن معصرة سامكوا مرة وحدة قبل سنة تقريبا ارفعت سعر الساندويتش من 3 ريالات لين عشر ريالات,, وتم مقاطعة المعصرة ومن ثم خفضت سعر الساندويتش من جديد..
اللي أبغي أوصل له أن المقاطعة على سامكوا جاءت سريعة بسبب التباين الكبير في أسعارها في فترة وجيزة.
ولكن أصحاب المطاعم الأخرى كانوا يرفعون الأسعار تدريجيا حتى يتقبلها الناس مثل مطعم البتراء اللي رفع فيه سعر الشاورما من 3 ريالات لين 7 على فترات..
نتمنى الحزم في موضوع رفع الأسعار من قبل المستهلك نفسه..
وصدقوني ان البائع مجرد يسمع اعتراض من شخص او مجموعة أشخاص على رفع السعر فانه بيخاف أو على الأقل بيفكر بجد قبل لايرفع أسعاره في المرة الجاية..
ويعطيكم العافية..
انا من زمااااان مقاطع مندرين
عصايرهم مب لين هناك .. ماتعجبني كلش وثقيله
ومب صحيه وغااااليه نار
والله المعاصر والكفتريات يسون العصاير احلى من مندرين بوايد وارخص
أنا ماعرف هذه المعاصر
الله يخلي كومار وبابو
أول ما فتح المندرين كانت عصايره حلوة .. وأسعاره شبه معقولة .. بس ألحين يحتاج إلى مقاطعة ..
والله شباب هل معاصر المفروض تقاطعونهاا اسعار وايد مبالغ فيهاا