عرض للطباعة
السلام عليكم ورحمة الله وبركاته
مبارك عليكم ما تبقى من الشهر الفضيل
حاب أخذ رايكم في موضوع حصلي ، أشتريت رخام ( توريد وتركيب ) من محل مشهور في طريق سلوى وباع لي اياه على أنه (كراره ايطالي)
لكن يوم وصلني البيت واثناء التركيب ، طلع مكتوب على اللواح الرخام ( صنع في اسبانيا ) وانا ما انتبهت الى في نهاية العمل .
وللاسف بعد شهر من التركيب ، انتفخ الرخام عندي تقريبا في كل مكان .
هل أرفع عليه قضية ؟ ولا القضايه بتطول وبيوقف البيت سنيين لو رحت المحاكم ؟
الله المستعان، اخوي الله يكون بعونك وشغلتك بتخلص وسع صدرك ترى اللي حصل معك يحصل لكن اذا قلنا أن عندك مشكلتين (1) عدم تطابق منتج،. (2) ظهور عيوب في المنتج نفسه عقب التركيب لأي سبب.
أذا رجعت للعقد بينك وبينهم تأكد أن التوريد هو لماركة أو من مصنع معين ومش كاتبين لك (أو منتج بنفس المواصفات). هذا يبي لك تراجعه.
اما العيب اللي ظهر فتحتاج مكتب استشاري أو من لديه قدرة على اعطائك تقرير عن وضعك الرخام وتكاليف ازالته واستبداله.. لأن الدعوى القانونية لا مناص منها في وجهة نظري.
والأخوان اللي يدهم في الشغلة بيفيدونك أفضل وكان الله في عونك.
اولاً : القضايا ما تطول
ثانياً : شوف محامي يحرك الدعوة القضائية وتطالب بالتعويض،
وهو يباشر كل الامور
ثالثاً : شغل البيت مايوقف ،، كمل عادي .
المحامي بيرفع القضية امور مستعجلة ويطلب في المذكرة انتداب خبير
إضافة بسيطة .. شغل البيت يوقف مؤقت لين يعملون محضر باللي صار والشكوى ويوثقون الحالة .. العملية ممكن تاخذ اسبوع أو شهر حسب استعجالهم ووجود مهندس تابع للمحكمة يوثق شصاير .. وبإذن الله القضية في صالحك ولا تتنازل عن حقك
عيال عمي إثنين رافعين قضايا واحد عن الجبس وواحد بيت مؤجر وخربه المستأجر وإثنينهم مع محامي مصري إسمه سعد .. إجراءات شوي تطول ورايح وجاي ومرافعات مع إن كل شيء واضح
الله يعين الجميع على البنيان في ظل هذي الإجراءات الطويلة
معماري قطري .. السلام عليكم ورحمة الله وبركاته
كيفك الشيخ ،، انا اقصد يكمل باقي شغل التشطيبات عادي بدون اعمال الرخام .
صادفنا هذه الامور كثير ،، والشغل كان مستمر في باقي البنود الى حضور الخبير المنتدب من المحكمة لتقييم الوضع وكتابة التقرير وضمه الى ملف القضية
لازم يحرك دعوة امور مستعجلة ويثبت ايضاً انه مستأجر بيت ويدفع مبلغ وقدره ويضيفه على قيمة النعويض
ويبين الضرر الذي وقع عليه
صحيح أكيد إنت مجرب وهذا واضح الخلل في جزئية وحدة وبإذن الله سهالاتاقتباس:
المشاركة الأصلية كتبت بواسطة بن غيث
ممكن المالك ياخذ التعويض بعد متابعة القضية ويطالب بتعويض مالي كامل وإزالة الرخام + تكاليف التأخير وأنصحه ينسى الرخام ويركب بورسلان بعد عمل سكريد كامل للأرضية
عليكم السلام ورحمة الله وبركاته
سامحني ما رديت السلام بخير يا وجه الخير وكلامك صحيح 100% .. شلون صديق الشباب؟ سلم عليه
نصيحة لوجه الله
ابتعد عن الشكاوي والمحاكم والمحاميين والروحه والرده والهم والتفكير
تكلم مع صاحب الشركة وانت ذكرت انهم معروفين فطريق سلوى واذا الشركة اللي في بالي فصاحبها رجل فاضل وشايف خير وتهمه سمعته و واجهه بالصور والفيديو وبالمذكور بالعقد وبأذن الله يحل موضوعك من غير شكاوي تشهير وترى في الأخير انتوا الأثنين المتضررين وانت اكثر لأنك راح تتعطل ويمكن المحكمه ماتنصفك كثير وللأسف هذا اللي اللي بيصير من واقع 7 سنين محاكم وخبرا هندسيين و 5 اثبات حاله وتأجيلات ورمضان وصيف واستأناف ولا استفدت حاجه للأسف