لقيت الدار

لقيت الدار من بعـد الحبايـب
خليـه باكيـه وبهـا عجـايـب

وقفت ابها وانا حيـران ساعـة
ودمع العين من موقي صبايـب

الا يـــادار بالله خـبـرنــي
عن المحبوب قولي وين غايـب

تقول الدار عقبك غادرونـي
وخلونـي لعـيـات الهبـايـب

وسافر من تـود و حـال دونـه
بحر وبرور واخطـار ومصايـب

رجعت ابحسرتي و اهموم صدري
و تقلانـي مـن العبـره لهايـب

ألا يالله لاتقطـع رجـا الـلــي
يسالك عن رجوع محـب غايـب

عسى المحبوب يرجـع بالسلامـه
بحفظ منك مـا تصيبـه نوايـب

محـب مالـك عقلـي وروحـي
وفي حبه رخيص العمر ذايـب

يحلي بـ لولـو البحريـن صـدره
وحنا العين حطه في الروايـب

عسى كل عام يا ديرة حبيبي
عليج يصب هطّـال السحايب

لقيت الدار من بعد الحبايب
خليه وباكيه و ابها عجاااايب

شعر : المرحوم أحمد بالكندي

ألا يالله لاتقطـع رجـا الـلــي
يسالك عن رجوع محـب غايـب

عسى المحبوب يرجـع بالسلامـه
بحفظ منك مـا تصيبـه نوايـب

شكرن اختي عفراء

مشكور اخويه راعي في ااكس ار و انا سعيده بتواصلك معايه ربي يحفظك