شركة سباكة أو سباك شاطر

السلام عليكم ورحمة الله وبركاته

كيف الحال يا أخوان محتاج شركة متخصصة في السباكة كان عندي سباك بنغالي ماسك شغل البيت المهم مركب اغلب البايبات في البيت ومسوي عليهم تست اكثر من مره البي بي ار والحمد لله كل شيء اوكي المهم البايبات الارضية وبايبات المكيف 3 انش وال6 انش قبل ما ابلط الارضيات رفض يسوي تست يقول كلو نفر قطري مافي يسوي هذا انا مايسوي!!!! المهم جبت واحد غيره يسوي الشغل وطلع عندي تسريب في 4 حمامات في الدور العلوي مبدئيًا بضطر ابدل أغلب الشغل والسباك يتعذر يقول ما اقدر اكمل الشغل انا بسافر جيب حد ثاني ومابي الدفعه الاخيره ابي حد شاطر ياجماعة ولاعليكم أمر حتى لو شركة زهقت من عمال الشوارع والله :(

الله يعينك

كان المفروض من البداية تتفق مع شركة وتكون مختصة بنغالي وبنفسه لازم بيعرف كل شيء

المشكلة ألحين نادر اللي تحصل مقاول يصلح خراب غيره وحتى محد يعرف شخص مضمون 100% عاد بايبات الصرف أسهل شيء وضروري يسوي لهم فحص تسريبهم مشكلة .. لكن فحصهم بضغط أقل حسب تعليمات المصنع .. أول شيء ما بيكون الصرف مضغوط يكون بالجاذبية وثاني شيء بايباته مب مخصصة للضغط يمكن على هذا الأساس قال لك وأقصد الضغط العالي .. ممكن البايبات العادية للتغذية نحاس وبي بي آر تتحمل حتى 5 بار لكن حلو نضغطها 3 أو 4 وهذا يتحمل 2 بار نضغطها 1 ونص .. وتحصله علة ما عنده عدة الضغط

البيبات 6 انش وين راكبه ؟؟؟؟

ممكن رقم شخص يسوي تست تسريب بالالة
شكرا ,,,