موضوع مخصص للتاكس فري لكل دوله اوروبيه

السلام عليكم ورحمه الله وبركاته

الموضوع هذا للتاكس فري ولكل دوله واتمنى لكل عضو لها تجربه ينقلها لنا وطريقه
التاحصيل والمعامله
بالنسبه لي باتكلم لكم عن ميونخ وتجربتي معاهم بوالنسبه للمعامله سيئه

اولا خلو دائما الفواتبر كلها باسم وحد وقت الشرااذا كانت تحتاج اسم وطلب منك البائع وسجل البيانات عليها وعنوانك ولو تحط رقم الفيزا
افضل علشان يرجعونها لك في الفيزا وسجلها قبل لاتروح المطار
وثانيا احظر قبل افتتاح الكونتر قبل ساعه على الاقل علشان الازدحام
ثالثا خل المشتريات اللي عليها تاكس في شناط لحالها وعند الكونتر قولهم علشان مايدخولنها
مع الشحن العادي تدخل عن طريق شحن التكس فري
وانت على الكونتر اذا معاك حد خل يروح يصف في طابور التاكس فري مال الدفع لانهم بطئين ومامشي
السيد القصد استغلال الوقت وخل واحد يوقف في طابور الشنط للتاكس فري اذا كان زحمه
انتهو لهاذه الملاحظه وخصوصا كاونتر الدفع للتاكس بطئين جدا ومتعمدين هذا الشي
رابعا لما تخلص من كاونتر الطيران على طول ود شناطك قسم التاكس بيدخولنها وبختمون على جميع الفواتير
وانت وحظك ساعات يمكن يفتحون الشنط وساعات لا فبعد ختم فواتير التكس للشحن
تروح كاونتر الدفع بس لاتنسون تخلون واحد يمسك الصف للحجز ترا التاخير في كاونتر الدفع
واشرد عن الشيبه بوشعر ابيض ترا يستهبل على العرب ويتعمد التاخير

هذه تجربتي نقلتها لكم للاستفاده ومافي مانع للي عنده تجارب طرق اخري لكل دوله

واتمنى من مشرفنا العزيز غير البشر تثبيت الموضوع للاستفاده للجميع

والراي للادراه الكريمه ومشرفين القسم

تحياتي لكم

حسن

:)

ورحله سعيده

موضوع مميز يستحق التثبيت
الله يعطيك العافية يااستاذ/ حسن .

في بعض البلدان
يحتاج ان تكون موجود فالمطار قبل 4 ساعات من الإقلاع
بسبب زحمة التاكس فري والتأخير المتعمد

ولهذه الأسباب ومع كثرة سفري لم استطع ان استرجع اي أموال من التاكس

اقتباس:

---

المشاركة الأصلية كتبت بواسطة باراكودا

موضوع مميز يستحق التثبيت
الله يعطيك العافية يااستاذ/ حسن .

---

هلا هلا

شكرا ياخوي البراكودا على المرور

[QUOTE=حسن;10179098
واشرد عن الشيبه بوشعر ابيض ترا يستهبل على العرب ويتعمد التاخير


:)
. [/QUOTE]


هههههههههه


أولا تسلم اخوي عالنصائح
وان شاء الله المرات الجايه أذكرها
بصراحه السنه اسألوني تبين فلوسج كلش ولا نرجعها لج في الحساب قلت بدل عوار الرأس والحوسه ردوها في الحساب
مع أن الاغلبيه قالوا لي كاش أفضل


العام سهالات في مطار ميونيخ مع اني كنت متاخره لكن خلصنا البوردينق وعلى طول خلصت التاكس فري ماكان في زحمه ولا شي ولا فتحوا الشناط
والسنة اللي قبلها في تركيا لاعت جبدي وطلعت من الكيو عقب ساعه إلا ربع ولا خذت التاكس
المزاج لين أعتفس ما يهمه شي


مرة ثانيه تسلم وعساك عالقوه

يعطيك العافية بوعلي....مع تثبيت الموضوع...

بالغالب ما اخذ التاكس فري لان مايكون عليه القيمه بالإضافه إلى الإنتظار الطويل وضيق الوقت
ولكن إذا عندي بضايع ثمينه والتاكس كبير امرهم
للأسف تعاملت مع التاكس بتركيا سئ جدا جدا ،، لدرجه ضاع الوقت واخلاق الموظف زفت ( حسيت كأنه يبغى بخشيش)!!وطبعا حامض على بوزه أعطيه رشوه!
فتركته ورحت الزم ماعلي الراحة بالذات إن الوالده كانت معي وخواتي

بس اخر مره تو علمت أختي كيف تجهزها بحيث مايستهبل ويطلب اوراق واشياء او تشييك البضاعه بطريقه استفزازيه
وفعلا سوتها مع البضايع الي قيمتها عاليه
بس تقول طريقتهم بمطار التاتورك مو زينه الي يعاين البضاعه من رجال الجمارك بعدين يحولي على مكتب محذوف بداعوس كأنه لغز ،، بالمكتب تسلمهم الورقه ويردون لها التاكس


أمريكا مطار جورج بوش الدولي
كان الأمر أفضل بكثير من تركيا وأسهل طبعا،،، وموقع مكتب التاكس ممتاز قبل ما تسلم الشنط للشحن
وهي شركة تتعامل مع بعض المحلات اعطاني القائمه وقالي الي المحلات الموجوده بالقائمه هي الي نتعامل معها ونرد التاكس فري
بشرط معاينة البضاعه والفاتوره وتكون جديده مااستخدمت،،، وكنت على اساس بس باخذ الاشياء الثمينه بس يوم شفت السلاسه بالموضوع اخذت حتى الأشياء البسيطه خصوصا وانها متوفره بالشنطه والفواتير عندي
بس للأسف فيه شي غالي وما رديت التاكس لأن مكتبهم مايتعامل مع هالمحل !
فكان الأفضل لو اننا رحنا لمكتب التاكس بالثاني بالمدينه والمتوفر بالمولات

الشي الثاني يوم وريته بضاعه عباره عن 3 اجهزه رد التاكس على الجديده (جهازين) الي مانفكت ،،، وإلي انفتح ماحسبه من ظمنهم حتى لو كنت فاتحه قدامه مايحسب


بالاخير يسألك اذا تبغى التكس فري كاش او فيزا ( طبعا دائما ابدا اطلب كاش )

العيب الوحيد الي كان بمكتب التاكس هو إن الموظف شاذ وحاط ميك اب لوع كبدي!


هذي تجاربي الشخصيه

الباقي مع الاهل بس ما سألت كيف وكذا ^_^
بس الغالب اوالواضح انها زينه خصوصا بعض اوربا وأمريكا وبالذات مع البضايع الغاليه مايجادلون

التاكس فري بأغلب الدول مصعبينه علشان يستفيدون منه و يكرهون الي انفسنا منه

هاي وجهة نظري الشخصية لو اجمع الي صرفته و الي المفروض انه يرجعلي بالتاكس فري بتحسف عالمبالغ الي استهنت فيها.





مو مهم نرجع حق الموضوع بصراحه كله ساحب عليهم لأن اتعيز اوقف بالطابور على كل شي اشتريه استخسر القيمة.


بس بفرنسا الوالدة وهقتني و كلشي كان باسمي و زحمة السياح الصينين لا تنوصف و حتى التعامل ما عجبني اظطرينا انروح و نرجع أكثر من مرة و فيزا و خرابيط و تعقيدات اخر شي قالو من المطار.

طبعا انا كنت مستانس لأن برجع قبل الأهل و بسحب على هالشي لولا انه الوالدة وصتني و قلت لها ان شاء الله.


كانت بسهولة تامل "اتكلم على لافايات" لأن الباقي ما سويتهم بعد عبالة لا فيات.
المطلوب الفواتير الأصلية + الجواز و يفظل كرت فيزا بعد ما اتشرون كلشي تنزلون تحت و تاخذون اوراق منهم فيها بار كود على اساس انكم تستلمون مبلغ التاكس من المطار.


بالمطار اذا مسافرين عالفرنسية الأمور سهالات عندهم مكاين حق كلشي خصوصا اذا مسوين اونلاين شك ان.

اتروحون عند بوابة رقم 3 فيها المكتب للتاكس فري تحصلون طابور من الصينين و اقلية من الجنيات الأخرى ما عليكم منهم لأنه الي ما خلص أوراقه بلافايات او بمكتب التاكس فري من المكان الي شرى منه لازم يوقف بهالطابور ساعه تقريبا و بعدها عالأقل نص ساعه معاينة الأغراض + انتظار الموافقه و ختم.

مع هالعفيسة عاليمين في 3 مكاين ابسط منهم مافي تحطون الباركود بالليزر نفس مكينة شراء من الجمعية يطلع لكم بالشاشة علامة صح هاي يعني انختمت و انحطت بالسستم.


اتكملون مشي لبوابة رقم واحد: و تحصلون مكتب شكل تحويل عملات اهو المختص بإرجاع الفلوس كاش بعملات اجنبية يعني غير اليورو اما دولار او جنيه استرليني"باوند بريطاني".

يعتمد على زحمته توقفون في طابور في اي بي يخصمون عليكم 8 دولار من المجموع و اسرع او الطابور العادي و تاخذون فلوسكم كاملة + خصم 3 يورو على كل معاملة ," غير مشمولة بالــ8 دولار اذا في اي بي برايورتي"


اذا زحمة و حسيتو انكم بتتأخرون على الطيارة تدخلون داخل و بعد التفاتيش بوسط السوق الحرة في بعد لهم مكتب داخل بس اهم شي اتكونون استخدمتو المكينه و طلع لكم صح او وقفتو بالطابور و اختمو اوراقكم.


ما خذت من وقتي بالظبط دقيقة وحدة للمكينة و قبلها 4 دقايق تقريبا بس وقفت بالطابور عقب سئلت ولا جان توهقت.
و طابور البوابة الأولى تقريبا 10 دقايق كانو جدامي 2 صينين تأخرو وايد و فواتير وايد و اوراقهم مو كاملة و نص مختموم و نص مرفوض و سالفه مساكين.

كانت تجربه مو سيئة و نصيحه جمعو كل الفواتير لأخر يومين قبل السفر يكون للطوابير بالمجمعات حق فورمات التاكس فري و مع هالمكينة الأمور سهالات.


و بس :shy:

وصلنا 2015 ولين يومنا هذا الاجراءات عقيمة عشان نخلص التاكس ويذلون الواحد مره رفض موظف مطار بروكسل يرجع لي التاكس كاش باليورو يقولي الفاتورة فيها 500 يورو استرجاع ما اقدر اعطيك 500 طبعاً تسأله ليش مافي رد مقنع قالي بعطيك قطري وخصم واجد من المبلغ انا رفضت وخذت التاكس عقب سنة لأني دخلت المانيا ونفس الشيء رفضوا يعطوني كاش يقولي مكتوب في الفاتورة الاسترجاع بالفيزا ويقولي شوف هالخانه هههههههههه واصلا مب مكتوب شيء من الكلام الي يقوله رضيت بالامر الواقع وحطيت عنوان الفيزا ورجعت الفلوس عقب شهر

اسوء مطار في التاكس فرانكفورت زحمه ولوعة جبد والموظفين تحسهم طالعين من القبر فيهم لعانه ودهم يأخرونك عشان ما تاخذ فلوسك واذا الطابور كله صينين الله يعينكم هههههههه