حماية المستهلك !

اتصلت في حماية المستهلك وقدمت شكوى على محل حلويات وورد
هالمحل يبيع بسكوت يوكو موكو بالحبه
طبعاً مب هو الوكيل له
البوكس سعره فالنت ب 138 نقول مع الشحن 200
نقول مع فايدة المحل 300
الاخت تبيع الحبه ب 20
البوكس فيه 36 حبه
36x20 = 720
هالسلعه مب من ضمن سلع المحل المدرجه

كان رد حماية المستهلك ان السوق عرض وطلب وهالشي لايعتبر مخالفه
قلت لهم البضاعه فالمحل مب مسعره
قالوا لي سعرها يكون تقديري مايصير تتسعر
يعني بالعربي عادي اليوم الحبه ب 20 وبكره ب 70
اسهم مب بسكوت !
يعني نفتح محل وتقعد فيه صاحبته قطريه مثل ماهي الموضه الحين
واللي ب 5 ينباع ب 500 عادي
ولين قلنا شي عن الاسعار يقولون شجعوا المواطنات
ولين كلمنا صاحبة المحل تقول لك الايجار والعمال وسكن العمال ورواتب العمال وديكور المحل
وحماية المستهلك يقولون عادي
ولين قلنا حرام قالوا حقد وحسد وتحاربونا في رزقنا

عشان جذي لاتعورون راسكم وتشتكون دام ان حماية المستهلك في صفهم
اللي ما عنده ضمير مب مهتم بحماية المستهلك ولا غيرهم
حماية المستهلك اول شي يشوفون من صاحب المحل ومن المستفيد من المحل
الغاريه اللي في سوق واقف يبيع حلويات من لندن قالوا له ممنوع ومخالف
ليش ماقالوا السوق عرض وطلب ؟
ولا لين حبتك عيني ماضامك الدهر ؟