عرض للطباعة
صباح الخييير
يعطيكم العافيه
انا عندي ارض في موقع مناسب لعمل استراحه للاجار اليومي والمنطقه مافيها اي استراحات بكون انا الوحيد يعني
ابغي نصايح للي عنده خبره هل اعمل المنزل بورتي كابن بس هاي كوالتي ام ابني طابوق وجينكو او او او ... لاني محتار بصراحه
وياريت اللي عنده اي افكار ثانيه ينورنا
,
,
مرحبا
اخوي الكريم
الاستراحات تحتاج شغل صح وتحتاج كماليات كثيره
واثاث مميز
وتشطيب عالي الجوده حتى تجذب الناس لهذا المكان
وتوفر لهم كل وسائل الراحه في غرف النوم
والمطبخ لازم يكون مستواه عالي ونظيف جدا
والوسائل الترفيهيه للعائله والاطفال هي من وسائل الجذب
اذا ما كانت الاستراحه بهذه المواصفات ما راح تمشي
وتحتاج حارس متواجد طوال الوقت يعتني بالمكان
اعتقد هذه المواصفات راح تحتاج راس مال كبير
,
,
اخوك
شموخ دائم
الله يزاك خير اخوي شموخ دوم تتحفني بردودك الراقيه
الشيخ راس المال موجود و الامكانيه موجوديه بس الافكار الجديده والنصائح
فكرة وايد حلوة .. ومشروووووووع ناجح مليونين في الميه ...
اهم شي انها تكون مناسبة للفصلين ( الصيف والشتا )
يعني مثلا بركة سباحة وخيمة ..
والاهم يكون فيها اشيا للعب والوناسه .. مثلا بيبي فوت .. نقازيه .. ملعب مادري يعني الاشيا ذي
وقبل ما تبتدي كل شي لازم تتطلع على اشهر الاستراحات في قطر وتاخذ منها افكار وايد راح تفيدك
وووو شنو بعد ...امممم
اهم شي نظافة المكان والككوالتي ... ولا تستخسر اي شي لانك بتعوضه عقب انشالله: )
والله يوفقك ...
مرحبا بودعيج..
تذكرت موضوعك لما وصلني برودكاست عن آخر استراحة تم افتتاحها في قطر..
بصراحة توزيعها عجبني وايد الله يوفق صاحبها ويوفقك وتنافسه في السوق..
وان شالله الأعضاء ما يقصرون معاك بالشور والنصيحة..
بس حبيت أقولك ان اهم شي في الاستراحات التوزيع.. لا تتكلف في الديكور خله بسيط وعادي..
في استراحات شفتها تضيق الصدر من الديكور الي فيها..
ركز على ملاعب الحشيش وألعاب الأطفال وبركة السباحة و كورنر للباربكيو والخيمة..
الصالات والغرف وستور ومطبخ.. هذي الاساسيات..
موفق ان شالله..