عرض للطباعة
السلام عليكم ورحمه الله وبركاته
جاء على بالي سؤال ماهي الصناعات القطرية الموجوده عندنا طبعا فيه اشياء نعرفها من الصناعات وهي بسيطه يمكن نقول اكبرها الحديد والصلب
لكن خل نذكر بعض عن الصناعات انا استغرب حنا حتى سخانات الماء مانصنعها سعودية وعمان عندهم هل هي صعبة ام هي موجوده وانا ماعرف
كل واحد يذكر صناعة غير الالبان بفضل لله حنا بلد عندنا الامكانيات المادية ليش مانشوف صناعات ثقيله اترك لكم الميكرفون
وعليكم السلام
الاحتكار هو السبب
الاحتكار في كل شي موجود ، ابسط الامور لين اكبرها
حتى الصناعات القائمة حاليا ، الكبيرة المدعومة تبي تاكل الصغيرة وتكون بروحها في السوق
وعليكم السلام ..
فعلا السوق فيه احتكار لبعض الهوامير ..
لكن هذا مايمنع ان الهامور نفسه ينوع في تجارته ويفرع فيها :ok:
جمهوريه ايران من حطوا عليهم الحظر الاقتصادي .. صار عندهم اكتفاء ذاتي من كل شي ..
احنا مشكلتنا او هي مب مشكله بقدر ماهو ترابط وتبادل تجاري بين الدول ..
اذا صار عندنا كل الصناعات فماراح يكون عندنا واردات .. وبنبتلش باللي موجود :secret:
ظاهرياً فيه تشجيع لكن الواقع غير
حتى المقاولات ما فيها بيئة تنافسية نظيفة ولا فيها قوانين واضحة وكلها تجاوزات والشركة المحبوبة بتاكل السوق كله
حتى اللي كانوا يسوون مشاريع منزلية ضيقوا عليهم وبعض اللي فتحوا أكشاك أو محلات صغيرة في بعض الملاعب خسروهم وسكروا محلاتهم
انا مع التنافسية والشفافية والعدالة والشركات المساهمة لازم تكون تخدم المساهم وتربحه مب تخسره .. شفنا بعضها مثل صناعات وقامكو ومسيعيد وهي صناعية كبرى وسمعنا من زمان عن شركة الصناعات المتوسطة ولا شفنا شيء .. ليش ما تكون عندنا شركات صناعية وزراعية متوسطة وصغيرة ومساهمة .. الردي مكس بس حق ناس معينين ومعامل الطابوق ما فيها تطوير كبير ولناس معينين .. أتمنى الدولة بإشرافها وبقوة تشارك في وضع أسس للشركات ذي حتى استزراع أنواع من السمك بطريقة مرتبة وبدون مكونات ضارة مثل سمك الكافيار يحتاج مياه مثلجة وممكن نستخدم الطاقة الشمسية والمساحة صغيرة وممكن حتى أصغر ما يمكن ممكن نسوي هالمشروع فيها
اختي انا اقصد الدول ليش ماتنفذ صناعات كبيره وثقليه سيارات أسلحة معدات بواخر ليش كله استيراد ودفع حق الغيراقتباس:
المشاركة الأصلية كتبت بواسطة monatee
كلام صحيح بس اتكلم على مستوى الدوله يعني نصنع صابون وبفك ولبن ونقول صناعةاقتباس:
المشاركة الأصلية كتبت بواسطة sara jsm
كلامك حلو اخوي معماري بس انا اطمح للصناعات الثقلية ونكون مصدرين لها أقلها محركات طائرات سيارة خفيفة اسحلة وغيرها البلد فيها مادة لكن مرات العقول معطلهاقتباس:
المشاركة الأصلية كتبت بواسطة معماري قطري
https://www.aljazeera.net/amp/news/r...بقطر-مواصفاتها
يوم قريت الموضوع تذكرت هذا الموضوع اعلاه تكلم عنه
( حسن الساعي )
وانا اقولك هل بتكون فيه جوده ؟اقتباس:
المشاركة الأصلية كتبت بواسطة Rider
ماعندنا مواصفات للفاين اللي كانه ورق صنفره ولا البفك اللي نصه مرطب ..
حتى البلاط القطري يتفتت ويصير رمل .. وتبي اسلحة وطيارات :playball: صل عالنبي بس ..
هدفهم مادي.. ما يهدفون للتصنيع ونقل التقنيات.. وفعلاََ حسابهم المادي صحيح.. انت بتسوي مصنع اسلحة لكن ولدك ما بيشتغل فيه.. ولا هو طموح له.. فشنو الفايدة اذا المواد الخام بتجيبها من برع و تضطر تجيب اليد العاملة من برع! (ف الحقيقة ما وطنت شيء).. هذي الامور تحتاج وقفة مع النفس.. مثل هذاك الچذاب اللي صدق مرة وقال (نحن فقراء أوي).اقتباس:
المشاركة الأصلية كتبت بواسطة Rider
هههههههههههههه كلام واقعي بس كل شي يتعدل اذا فيه حساب وعقاباقتباس:
المشاركة الأصلية كتبت بواسطة sara jsm
ما عليك قطر عندها شراكات خارجية للصناعة الثقيلة والمتطورة خصوصاً مع تركيا .. هنا صعب وضع البلاد هناك غير دولة قوية ومستقرة وعندها كل الإمكانياتاقتباس:
المشاركة الأصلية كتبت بواسطة Rider
تمنى نشوف ذلكاقتباس:
المشاركة الأصلية كتبت بواسطة سعود.
نطمح للأفضل ليش لاااااقتباس:
المشاركة الأصلية كتبت بواسطة sara jsm
كلامك واقعي لكن على الأقل عندنا اي صناعة بدل تضيع فلوسنا على ملاعب الطموح حق مشروعاقتباس:
المشاركة الأصلية كتبت بواسطة سالم الزهران
نعم أخوي معماري صحيح لكن على الاقل لو عندنا صناعة ثقيلة واحده تميز فيها عن باقي الدولاقتباس:
المشاركة الأصلية كتبت بواسطة معماري قطري
صدقني يا اخي رايدر نفس موضوعك سبق تناقشت فيه مع اخونا العود معماري وقلت ان ودي لو قطر تستثمر في المجالات الرقمية علي الأقل مثل الامن السيبراني والدرونز والأشياء الالكترونية اللي يحبونها الشباب،، لو بس وجهوا ربع صرف الرياضة هناك بتشوف نهضه قوية، لكن موضَع الاكتفاء الذاتي هذا يبي له ارادة قوية و توجه عام.اقتباس:
المشاركة الأصلية كتبت بواسطة Rider
كلامك صحيح أخوي سالم لازم يكون هناك توجهات اخرى بدل ضايع الوقت على أشياء مؤقته وعندي سؤال انا كمواطن شنو بستفيد من كأس العالم ماديا شنو لي بستفيده البلد بشكل عام كأس العالم تجارة حق ناس هوامير حنا حتى كورة القدم ماستغيلنها كتجارة وصناعة في اوروبا الكورة عندهم صناعة وتجارة حنا بس ادفع ونسىاقتباس:
المشاركة الأصلية كتبت بواسطة سالم الزهران
صناعة سيارات مرة وحدة وبالمواصفات المكتوبة .. لا وكهربائية .. إذا الليتات القطرية ركبت مرة كلها احترقت بسرعة وال اي دي بعداقتباس:
المشاركة الأصلية كتبت بواسطة Rider
انا أتمنى لو فيه أي صناعة تكون بإنتاج مواد أولية قبل وبعدين ننتج المنتج النهائي ما نجيب قطع من برا بغالي وبعدين نركبها
خلونا نصنع قبل لوحة توزيع كهرباء وتكون متطورة وجيدة .. وإلا نحسن الصناعات الموجودة .. ممكن نصنع بطاريات بتكنولوجيا غير وتكون منافسة بس وين الأبحاث قبل وبراءة الإختراع .. إحنا الإنترلوك مصانع البلاط تغش فيه وتخلط الرمل ببودرة تخلي العيوب تطلع بسرعة .. بس ما شاء الله ننتج المجبوس العجيب ونحاول نتفنن في الأكل
حتى تسوي مصنع لكميات كبيرة لازم يكون حولك سوق يشتري وياخذ كل كمياتك .. الألمنيوم شايفين شلون ماشي ومطلوب في العالم كله وشلون قامكو كشركة حكومية نجحت وأثبتت وجودها بسرعة وأكيد المشروع مر بدراسات طويلة وعندنا شريك أجنبي قوي وفاهم للشغلة وهذي الشراكة خلت قطر معروفة ويقال إن المصنع يعتبر الأكبر في العالماقتباس:
المشاركة الأصلية كتبت بواسطة سالم الزهران
نفس الشيء ينطبق على منتجات مادتها الأولية موجودة وقريبة والطاقة لإنتاجها عندنا الغاز متوفر
اللي أفكر فيه صناعات إعادة التدوير هذي عجيبة وشفت فيديو لألواح خشب مكبوس من بقايا النخيل وممكن نسوي منتجات خشبية كثيرة من بقايا الأشجار الموجودة عندنا .. وصناعات كثيرة أبسطها تدوير النفايات بفرز بعض النوعيات وارسالها وبيعها كمادة نفايات قابلة للصناعة
الظاهر صناعاتنا ياخوي بتكون مثل قانون التقاعد نسمع عنه ولا نشوفه يعني نظل على الصابون ولبن هههاقتباس:
المشاركة الأصلية كتبت بواسطة معماري قطري