تمتع بعرض التأجيل من بنك قــــطر الوطني qnb ( نصب x نصب )

السلام عليكم ورحمة الله وبركاته

( تمتع بعرض التأجيل للاقساط من بنك قطر الوطني QNB لمدة 4 شهور بدون ارباح او فوائد اضافيه )

طبعاً عرض حلو وماعليه أي كلام ويشكر عليه البنك (طبعاُ يشكر على الدعايه ولاكن في
الواقع شي ثاني )

الله يسلمكم رحت علشان اشوف هالعرض وقلت خلني استفيد من هالعرض وارتاح من
الاقساط لمدة 4 شهور .
قدمت الطلب وصار القسط من 10,000 الى 10,100 يعني زاد 100 ريال قلت مب
مشكله كلها الا 100 ريال مافرقت ووقعت على الطلب والاخت الكريمه قالت لي اذا تمت
الموافقه بنتصل بك .
وبعد اسبوعين تقريباً اتصلت الاخت وقالت تعال وقع على الطلب من جديد لان الحسبه تغيرت
شوي وقلت لها مب مشكله بكره الصبح بكون عندج :nice:
ورحت لها اليوم الثاني وطبعت لي الطلب الجديد وقالت لي قسطك الجديد بيصير 10350 ريال
يعني تغيرت الحسبه شوي وزاد القسط قلت لها بنبلعها ونسكت وتوكلي على الله اهم شي نفتك .
والاخت عطتني الطلب وقالت بقولك شي وبطلع الموضوع من ذمتي , قلت لها خير خرعتيني
شصار وردت علي بالصاعقه الكبرى
قالت لي الحين باقي عليك من الفايده 200 الف بس
لااااااااااااكن
اذا أجلت وخذت هالعرض بتصير الفايده عليك مليون و ثلاث مائه الف رياااااااال ( الفائده فقط )
يعني الفايده زادة مليون ومية الف ريال :nice:
قلت لها ليش مب العرض يقول بدون فوائد ورسوم اضافيه ؟
قالت انا قلت حق المسؤل هالكلام لاكن قال لأ اللي ماخذين سلفه على 280 شهر وضعهم غير!!!
ليش غير يعني الحين احنا صرنا من المغضوب عليهم ولا أيش ؟
وين العرض بدون فوائد ؟ ولا كلام ونصب فقط ؟
لأسف بنك الدوله صار اكثر بنك يستغل حاجة المواطن ولا رقب او حسيب والكل راضي وساكت

مانقول الا حسبي الله ونعم الوكيل

أسمح لي أخوي

أنا ما أشكك في كلامك ولكن أعتقد في لبس في الموضوع

يعني الفائدة زادت أكثر من 300% ؟ في شي خطأ .

يا عالم الوطني عندما يقوم بتاجيل قسط يدفعكم اربع اقساط0

عملاء الوطني يذكرون العرض اللي سواه البنك قبل فترة وهو التاجيل لمدة سنه اللي اجل راحت عليه لانه راح يدفع بدل التاجيل سنه = اربع سنوات = وهذا الموضوع حصل مع شقيقي ومعي شخصيآ بس فترة اقل يعني تأاجل 12 قسط تدفع 48 قسط وهذا الحاصل في الوطني حسبي الله على من تسبب في تحويل راتبي عليه

الله يفك دينكم ...
البنوك ربحها من ورا ظهر العملاء .....انصح اي حد ان لا يقع ضحية للدعايات البنكية
لانة فى النهاية ....البنك ليس جههة خيرية بل مؤسسة تسعي الى الربح

نصيحة لوجة الله تعالي وهذة عن تجربة شخصية .

اتصلت فيني وحدة من بنك قطر الوطني والكلام هذا تقريبا قبل سنتين
وقالت لي فيه عرض عندنا تأجيل اقساطك لمدة اعتقد 9 شهور او سنه .

سألتها هل فيه فائدة عليها قالت لي لا بس هم بدال ما تخلص اقساطك بعد
3 سنوات بتخلصها بعد 4 سنوات يعني الاقساط هي نفسها بتاجل الى موعد جديد .

طبعا ارسلت لي الكتاب بالفاكس وعبيته وقعت وبعدها ارسلته لها بالفاكس .

وبعد فترة لما حبيت اسدد مديونيتي لقيت ان القرض الاصلي زاد 60 الف ريال !!

قلت لموظف البنك ان اكيد فيه غلط عندكم شلون 60 الف زيادة هذة من وين .

رد علي انه بسبب تأجيل القسط الي عملته في السابق !!

تخيلوا أأجل سنه يزيد علي 60 الف .

والله العظيم اني ساعتها حسيت انه انضحك علي صح والله يسامح الموظفة الي سوت فيني هذا الشيء وطبعا هي مش قطرية .

لذلك انتبهوا اخواني الاعزاء واحسبوها صح قبل ما يصير معاكم مثل ما حصل معاي .

شكرا لكم .

المشكله ان هذا التأجيل تطلبه وتتحمل تبعاته , لكن تأجيل قسط رمضان اللي يسويه البنك بدون ماياخذ راي العميل , تدري قرضي تأخر 3 سنوات وكم شهر من التاريخ الفعلي لانتهاء القرض بسبب تأجيل قسط رمضان لأربع سنوات متتاليه , ولما سألت اكتشفت ان كل تأجيل للقسط يأخر القرض 8 شهور بسبب تراكم الفوائد واللي يسمونها الفائده المركبه ..

الحين طلعت من الوطني إلى الوطني الاسلامي والحمدلله القرض ينقص بقيمة القسط , هم صج خذوا علي مبلغ محترم لأنهم شروا القرض , بس قرضي بيكون لمدة 5 سنوات لاغير ..

,

,


مش هذي المشكله يا اخواني


المشكله ان بنك قطر عمره بحياته ماقدم عرض لصالح العميل

والمشكله الاعظم انه يشتغل بعقليه السبعينيات

العميل يضحك على عروض البنك

والجماعه المسئولين في كوكب ثاني

وعدد الي يطلعون من بنك قطر اكبر من عدد الي يفتحون حسابات

لازم هذا البنك يعيش بعقليه الـ 2009 حتى يمشي صح

بخاطري مره اشوف له عرض واقتنع فيه

بنك قطر وكيوتل

يا سبحان الله على هذي الشركتين

لو مايسوون عروض كان اكرم لهم

للاسف ضيعوا سمعتهم مع عروضهم الفاشله جدا

لو عرض واحد وفاشل بنقول ما حسبوها صح للعميل

لكن كل العروض تكون فاشله فهذي والله مصيبه كبيره

ولازم هذي المؤسسات تستعين بشركات اوربيه

حتى ينقذون ما يمكن انقاذة وتعود الثقه بينهم وبين عملائهم


البنوك الثانيه سحبت العملاء وهم لسه نايمين في العسل

ولسه مش فاهمين ان العميل عنده عقليه اكبر من عقليه موظفينهم


انا والله حتى ما افتح الرسائل والمراسلات الي تجي عن طريق البريد

ارميهم على طول

وصلنا الى هذا المستوى معاهم للاسف

,

,


اخوكم


شموخ دائم

انا اتعامل مع بنك قطر الوطني من اكثر من 25 سنه

والبنك بصراحه لا يعلى عليه بنك كامل والكمال لله

على الاقل ترقد وانت ضامن ان حلالك وفلوسك ومخراتك بأمان ولا بعض البنوك الي ممكن تعلن افلاسها بأي وقت بعد الخساير الكبيره بسبب الازمه الماليه

وبصراحه الخدمات وتعامل الموظفين وخاصه الكول سنتر والدوام الى الساعه 10 مساء انجاز

والبنك صج فيه عيوب وممكن ينصب على الناس في فوائد التأخير او مثلا 15 ريال عند السحب او اي رسوم غيرها

اما مليوووووووووووووووووووووووووووووووون ريال زياده صج قويه وانا متأكد انك تقصد العكس ان الفوائد ممكن تزيد 200 الف على المليون

وبخصوص الاعلان

انا ما ادافع عن البنك ولكن انا شفت الاعلان وكان الاعلان واضح ومفهوم ولاول مره بتاريخ البنوك

* العرض لا يشمل المقترضين لاكثر من 150 او 180 شهر او 15 سنه

*العرض مجرد اعفاء المؤجل من رسوم التأجيل ( 100-200ريال ) ولا اعفاء من الفوائد

تحياتي للكل


وبيتم بنك قطر الوطني بنك قوي ويتربع على عرش القمه

اقتباس:

---

المشاركة الأصلية كتبت بواسطة مستثمر 999

انا اتعامل مع بنك قطر الوطني من اكثر من 25 سنه

والبنك بصراحه لا يعلى عليه بنك كامل والكمال لله

على الاقل ترقد وانت ضامن ان حلالك وفلوسك ومخراتك بأمان ولا بعض البنوك الي ممكن تعلن افلاسها بأي وقت بعد الخساير الكبيره بسبب الازمه الماليه

وبصراحه الخدمات وتعامل الموظفين وخاصه الكول سنتر والدوام الى الساعه 10 مساء انجاز

والبنك صج فيه عيوب وممكن ينصب على الناس في فوائد التأخير او مثلا 15 ريال عند السحب او اي رسوم غيرها

اما مليوووووووووووووووووووووووووووووووون ريال زياده صج قويه وانا متأكد انك تقصد العكس ان الفوائد ممكن تزيد 200 الف على المليون

وبخصوص الاعلان

انا ما ادافع عن البنك ولكن انا شفت الاعلان وكان الاعلان واضح ومفهوم ولاول مره بتاريخ البنوك

* العرض لا يشمل المقترضين لاكثر من 150 او 180 شهر او 15 سنه

*العرض مجرد اعفاء المؤجل من رسوم التأجيل ( 100-200ريال ) ولا اعفاء من الفوائد

تحياتي للكل


وبيتم بنك قطر الوطني بنك قوي ويتربع على عرش القمه

---

بنك نصاب درجه اولى هم قالوا تما تخفيض الخدمات وبعض الرسوم بنسبه 50 % هم اساسا مزودينها من وضعها السابق 100 % وخفضوا 50% اي انهم ربحنين 50% ياناس ياعالم ياهوووووووووووه والله العظيم ضحك على المساكيين

خلو الارعى ترعى

النصب في كل مكان

الله المستعان