[SIZE=4] السلام عليكم ورحمة الله وبركاته
أرجو من الاخوه عنده علم بخصوص زكات أسهم الناقلات
إذا بيعت في البورصة .؟؟؟؟
وتحياتي إليكم [/SIZE]
عرض للطباعة
[SIZE=4] السلام عليكم ورحمة الله وبركاته
أرجو من الاخوه عنده علم بخصوص زكات أسهم الناقلات
إذا بيعت في البورصة .؟؟؟؟
وتحياتي إليكم [/SIZE]
http://www.w6w.com/w6w.php?pic=401714
السلام عليكم ورحمة الله وبركاته هلا اخ سهم..
عزيزي بخصوص زكاة الناقلات .... وقت بيعها....
اخي الفاضل .. أولا
زكاة الأسهم:
1) فإن كان مضاربا (يبيع ويشتري) فزكاته على القيمة السوقية للأسهم التي يملكها يوم إخراج الزكاة.
أشرح هالكلام .... مثال / انت بعت اسهم الناقلات وطلع لك 100 ألف ريال مثلا
ال 100 ألف ؟ مثلا دفعت وسددت وشريت وسويت والخ....وخلص المبلغ كله.... فـ ما عليك شي طبعا
وان دفعت وسددت وتبقى عندك مثلا 50 ألف ريال .... وتم هالمبلغ مجمد لديك لين اليوم اللي انت تطلع فيه زكاتك نقول مثلا في رمضان ....
فعليك يا عزيزي .... اخراج 2.5% من المبلغ المجمد .
وان اخذت ال 100 ألف ريال مبلغ بيع الناقلات .... ورجعت وبعت وشريت يعني تشتري وتبيع
وجا رمضان الموعد اللي انت متعود تدفع فيه زكاتك.... فعليك يا عزيزي يومها
ان كان لديك أسهم : تحسب كم سهم عندك وتضربه في القيمه السوقيه أي سعر السهم في يوم اخراج الزكاه
وتخرج 2.5%
وان كان مال ..يعني تبيع وتشتري وجاء يوم زكاتك وكنت تملك (مال (المال اللي كنت تستثمر وتبيع وتشتري فيه )
فعليك اخراج ال 2.5 %
يعني تاخذ تخرج من قيمة المبلغ اللي وصلت له ( يعني لو ال 50 ألف خسرت وصارت 40 ألف) وبكره زكاتك
تطلع الزكاه من (المبلغ اللي عندك 40 ألف )
ولو صار (70 الف مثلا كذلك تطلع زكاة 70 الف ....
2) وإن كان مستثمرا طويل الأجل (يبقي السهم في ملكه سنة أو غالب السنة) فزكاته على الربح الموزع فقط، فيجعله مع ماله ويزكيه إذا جاء موعد زكاته المعتاد.
يعني ان كنت ناوي تشتري وتمسكه لين توزيع الارباح مثلا ..او للزمن....
فزكاتك من قيمة الارباح...
ملاحظه : لو افترضنا عندك اسهم الناقلات وجاء يوم زكاتك مثلا في رمضان
وانت ما بعت وماسكهم....!
تضرب عدد الاسهم اللي عندك في القيمه السوقيه (سعر السهم يومها)
يطلع المبلغ كامل وتطلع منه نسبة الزكاه وهي 2.5%
بيطلع وعاء الزكاه وهو صافي الزكاه الواجب اخراجه.
وان كنت تنتظر الارباح ...
تزكي منها 2.5 % او اذا كانت الشركه. تحسب زكاة مالها..لأن في بعض الشركات يحسبون ويعلنون ...
فتأخذ من اعلان الشركه.. وتريح نفسك
وكذلك... حولان
الحول (مرور سنه ) شرط من شروط الزكاه وليس ركن
وعند ابي حنيفه ليس بشرط....
راي ابو حنيفه...
يعني بقولك .. لو انت متعود تخرج زكاتك في رمضان وباقي 7 شهور على رمضان
وعند اسهم الناقلات مخليها للزمن ومجمده وجاء رمضان .. تستطيع اخراج زكاة الاسهم (ناقلات)
في رمضان مع زكاتك اللي انت متعود تخرجها على اموالك الأخرى...
تحسب كم سهم في القيمه السوقيه للسهم = 2.5% وتخرج 2.5%
وبذلك زكاتك تكون جميعها في رمضان مثلا .. اقصد مع باقي الشركات الاخرى واموالك الاخرى
وحتى لا يحدث اختلاط ونسيان .وأسهل لك لأنك بتخرج مره بالسنه للجميع.
او تحسبها وتخرج عند مرور كل حول...الشركه الفلانيه بالتاريخ الفلاني والشركه الفلانيه بالتاريخ الفلاني,
وفي ملاحظه :
الحاجيات يلغى منها الزكاه والضروريات أقصد ( مستغلاتك ) سيارتك بيتك ما عليه زكاه
.
ولو افترضنا عند بيوت مأجرهم ,,,, ما تخرج الزكاه من أسعار البيوت ! لاء تخرج نسبة الزكاه من قيمة الإيجارات !!
كما ذكرنا سابقا ..
عموما اعذرني لأني ساعه قاعد اكتب وأشرح
وبالغلط انمسح وراح كل شي....
ورجعت وكتبت مره ثانيه... فـ يمكن ضيعت اشياء او نسيت كلام..
عموما تحيــاتي يالطيب..
وبالتوفيق ان شاءالله
بارك الله فيك الاخ سمو الاخلااق الجواب جمييل لكن يمكن يزيد السائل حيره
السول لو بعت الاان ناقلات وماعلي التزامات فهل علي إخراج شي من المال والظاهر السائل يبي يسال هل فيها نسبه ربا ولاا مافيها
يعني بعد البيع اعتبر المال فيه شي من الربا واجب علي اطهره ولاا مال صافي اضمه مع مالي
السلام عليكم ورحمة الله وبركاته
http://www.w6w.com/w6w.php?pic=402197
ويجزاك كل خير الموفق ....
السول لو بعت الاان ناقلات !!
الآن هل القصد هذه الايام ؟
عموما إن كان القصد هذه الأيام وبطريقه غير مشروعه فهذا لا يجوز....
لا يجوز بيعها ..لأن هناك ضرر....... ولا تباع الا عند نزول اسهم الشركه وتداولها في البورصه
ملاحظه : ان كان هناك فتوى للقره داغي عن عدم جواز بيعها الا في شهر 6 !! ان جاءت هذه الفتوى الايام الجايه..
فـ بكون كلام ثاني يعني... تباع بالتاريخ المٌجاز فيه.....
((ملاحظه أخرى : هذا لأن الشركه لم تعمل وإلخ ولا يجوز بيع مال بمال !!
وما وصلنا وعلمناه ان الشركه قامت بعمل عقود وايجارات وإلخ...وبهذا يجوز البيع ! لكن هناك كلام
بأن الايجارات والعقود سيتم العمل بها من شهر 6 !! هذا والله أعلم
ولكن احنا ننتظر الفتره الجايه وان شاءالله رح يكون في كلام بخصوص جواز ووقت بيع الاسهم...
عموما....السؤال الثاني ! لو بعت مثلا لما نزلت الشركه وكان يجوز اني ابيع !! وما عندي التزامات فهل علي اخراج زكاه !!!
عزيزي الموفق عسا الله يوفقك ويحفظك......السؤال ! المبلغ اللي نفترض انه بكون لما بعت ! (100ألف)
وما عليك لا ديون ولا إلتزامات ..!!
المبلغ اش رح تسوي فيه... تصرف منه شوي شويه أو بتخليه وتحتفظ فيه وتجمعه مثلا ! او...أو...
عموما ان كنت تستخدمه اقساط و و والخ....فما عليك شي ان شاءالله...
لكن انت تقول بعت ! وما عندي أي التزامات ؟
يعني الاحتمال اللي موجود ! انك بتحتفظ بالمبلغ !
عموما اذا احتفظت .. اكيد عليك زكاة لو مر عليه سنه كامله وهو عندك...(حال عليه الحول )
واذا مثلا صرفت منه 20 الف... وبقى عندك (80ألف) ومر عليهم سنه.... تطلع زكاه... ((طبعا على اللي موجود عندك باليوم اللي بتزكي فيه ..يعني مر سنه عالمبلغ وصار 60 الف .. اذا تخرج عن ما هو لديك 60
والاحتمال الثاني !اذا ما احتفظت بالمبلغ !
الاحتمال انك تشغل المبلغ! مثلا بالبورصه.....
فـ بكون الوضع مثل ما ذكرنا قبل....
اذا بتضارب..
او اذا بتشتري وتخليه ....
كما ذكرنا سابقا.........
والاحتمال الثالث ! قلت ما عليك التزامات ...
وقلنا ما بتحتفظ فيه....
ولو افترضنا ولا حتى بتتاجر فيه...
ما اعتقد باقي شي...
إلا اذا بتتبرع فيهم :) بكون ما عليك شي ان شاءالله ...
وبخصوص الربا !!
مثل ما قرينا وشفنا الفتوى ... بجواز شراء ناقلات...
والشركه ما فيها نسبة ربا تخرج لأن الشركه لم تعمل اعمالها الاساسيه
ولكن..... لابد وان شاءالله مايكون هناك قروض ربويه
وان حصل مستقبلا...
سيتم دراسة الميزانيه ..وتحديد ان تعدت نسبة القروض.....النسبه المسموحه
سيكون محرم المشاركه بها
وان اقل من النسبه ! فسيكون هناك نسبه يتم اخراجها من الربح.......
وهذا الكلام لحد ألحين... ومثل ما قلنا ان صار....
سيتم الاعلان وتحديد النسبه من قبل المشايخ المسؤولين عن هذا الشي...
وتحيــاتي
انزين اخوي معنى كلامك الحين
ان الأسهم اللي ما اضارب بها وامخليتها للزمن 3 سنوات او اكثر اطلع الزكاه من ربحها فقط واطلع الصدقه منها
اذا تدخل فيها نسبة ربا
اما الأسهم اللي اضارب بها اطرح حاجتي منها وإلتزماتي ومن ثم الباقي اطلع عليه صدقه وزكاه؟
افيدني اخوي الله يرضى عليك
السلام عليكم ورحمة الله...
توضيح أبسط...
شوفي اختي الفاضله :
2) وإن كان مستثمرا طويل الأجل (يبقي السهم في ملكه سنة أو غالب السنة) فزكاته على الربح الموزع فقط، فيجعله مع ماله ويزكيه إذا جاء موعد زكاته المعتاد
يعني اذا مثل ما قلتي النيه كانت مسك الاسهم سنه او غالب السنه او اكثر مثلا.....
فزكاتك تخرجيها من (الارباح فقط) يعني جاء يوم توزيع الارباح وطلع 5 ريال على كل سهم مثلا
وطلع لج 10 الاف ريال..... تخرجين الزكاه من هذا الربح فقط......
ومثل ما قلتي ونسبة الربا.......
تخرجيها من الربح
فهمتيني ؟
يعني الصناعات مثلا 2% اذا اخرج هالنسبه من ال 10 الاف
الربح اللي طلع....
يعني 200 ريال... نسبة الربا تخرجينها
+
الزكاه 2.5%ـ
يعني = 250
وان كنتي
مضاربا (يبيع ويشتري) فزكاته على القيمة السوقية للأسهم التي يملكها يوم إخراج الزكاة
وهذا قياسا بعروض التجاره....
يعني كالتجاره
مثلا عندج بيوت قمتي بالمتجاره بهم ...
لما يجي يوم الزكاه .. رح تخرجين الزكاه كيف ؟
بتحسبين البيت كم يسوى يعني راس مالج كم وبتطلعين منه نسبة الزكاه ؟
لا طبعا
تخرجين الزكاه من قيمة الايجارات فقط....ربح الايجارات
وقاسوها العلماء بهذا .... قياسا بعروض التجاره
اذا عند نية مسك الاسهم وإبقاءها في ملكك سنه او أو غالب السنه او اكثر او الخ )ـ
اذا الزكاه تخرج من الارباح الموزعه من الشركه
ولا تنسين نسبة الربا كذلك تأخذ من الارباح الموزعه
---------------------- ----------
وعموما اذا
يعني انتي تشترين وتبيعين وتشترين وتبيعين كل كم يوم....وكل ما جات فرصه اسعار ونزل السعر
انا ما اقصد تاخذين حاجتج وتطلعين على الباقي
لا ..عزيزتي...
القصد اذا انتي تشترين وتبيعين زكاتج على القيمه السوقيه للاسهم اللي تملكينها او المبلغ اللي تملكينه يوم اخرج
زكاتج
يعني اشتري وبيعي مافي مشاكل لوحتى لو خسرتي مثلا وبقى من ال 100 الف 20 الف بس ..ومرت السنه .. لما يجي اليوم اللي تخرجين فيه زكاتج السنه الجايه مثلا في رمضان
تحسبين القيمه السوقيه للسهم.. يعني كم سهم تمكلين ؟ ضرب سعر السهم بالسوق في هذا اليوم
واذا كنت بايعه قبلها بأيام بشهر باسبوع بأي وقت.... اقصد قبل يوم اخراج زكاتج.... اذا
اليوم اللي يجي فيه موعد زكاتج ( تشوفين المبلغ اللي موجود عندج كامل كم صار نفترض 50 ألف )ـ
اذا تخرجين الزكاه من المبلغ الموجود كاملا من ال 50 ألف فقط
يزاك الله خير يالويه الطيب كلاامك واضح جدا ومفيد ومقنع بعد الله يزاك خير ويبيض ويهك