تجربه 3 محلات للعوازل والعقود

السلام عليكم ورحمة الله وبركاته
تعاملت مع افضل 3 شركات في قطر للعوازل
وكلهم جوا وخذوا قياسات وكل شي
المهم لاحظت عده نقاط.
القياس بينهم مختلفه للاسف
وايضا وحده من الشركات حطت لي العقد تقريبي
فقلت لهم كيف تقريبي وانتم ماخذين قياسات فسكت مالقيت جواب فقالي بالحرف الواحد تراه الكل موقعين معاه بهذي الطريقه
فرفضت العرض رغم انها شركه كبيره في السوق ولها اكثر من مجال
الشركه الثانيه. اعطتني قريب من الشركه الاولي
لاكن لاحظت تنطنيش في بعض استفساراتي فلاحظت ما يحبون اللي يسئل ويبحث عن كل شي وهذا اعتقد من ابسط حقوقي
الشركه الثالثه وهي اللي وقعت معهم
قلت لها العروض وطريقه عمل الشركات اللي قبل
فقالت الشركه الثالثه ان الشركات السابقه
ماراح يحطون لك حمايه في الحمامات الله يعزكم بس يكتفون بالعزل
وفعلا تاكدت من الشركتين اللي فوق وقالوا بدون حمايه
فتوكلت ع الله ووقعت مع الشركه الثالثه بعد ما بحثت عن اجود وافضل في السعر
فنصيحتي اخواني ان تسلون ف كل شي وتنشبون لهم وتنتظر وتسوي مقارنات دقيقه في كل المواصفات
لان اذا وقعت خلاص راحت عليك.. تحياتي اخواني

روح شركة ( نهاريا ) شغل 100‎%‎

اقتباس:

---

المشاركة الأصلية كتبت بواسطة سعود.

روح شركة ( نهاريا ) شغل 100‎%‎

---

فعلا هذا اللي حصل

حسب علمي.. احسن شركة في قطر هي المسند ثم تليها بدرجة اقل تدمر.. نهاريا ما سمعت عنها ( يمكن معلوماتي قديمة ).

بالنسبة لانهم ما يردون على اسالتك .. انت في قطر يا عزيزي.. اي شركة تشبع شوي و تحس ان فيه عليها طلب.. يتعاملون معاك بفوقية و لا يردون على مكالماتك حتى!!

تجربتي مع شركه المسند من 2012 اعطيها سبع نجوم

صبحكم الله بالخير

دوم في الأعمال التخصصية خذ المضمون وتحت اشراف استشاري وللعازل أشوف الدبل سكريد أفضل وشرحته مرات عدة .. شركة المسند وشركة تدمر هم المعروفين والأفضل والمفروض غيرهم يثبتون وجودهم بالدعاية والتفاصيل والضمان

سامحني اخوي صاحي ضميره ما شفت رسالتك الا اليوم وحاولت ارد ما يصير فيه شيء غلط ما عرفت وين يمكن الكمبيوتر فيه مشكلة

وبعد حلو نعرف التجربة والسعر والتفاصيل كمتابعة منك نستفيد كل يوم يطلع شيء جديد .. انا والله نسيت أي شركة سووا لي بس عقدي مع المقاول الرئيسي ودبل سكريد ولله الحمد 17 سنة للآن ما فيه مشاكل .. تصدقون حتى الضمان ما فكرت فيه وقتها .. ممكن تدمر لأن عندي جزء من الصالة سقفها مستوى مختلف عن بقية البيت وفيها قبة سربت القبة شوي من حول 5 سنين واستعجلت جبت تدمر يسوون عزل خشن خارجي فوق الموجود والمساحة 6.1 في 7 أو أقل شوي من 7 كلفني مبلغ نسيته كم وطق مطر وسرب بعد وكلمتهم وجاوا عدلوا وتأكدوا وكل شيء كان زين بس نزل مطر وسرب والقبة فيها 8 درايش منحنية والتركيب ببراغي وسيليكون خاص وقوي ودبل مع قطعة ألمنيوم فوق حماية كلش ما تخيلت وحدة منهم تنفك وكان معالجة هذا سهلة وتكلفتها سيليكون والسايق عندي اكتشف الخلل بعد التدقيق والتساؤل الماي من وين يجي وبعد ما دفعت مبلغ كبير للعزل الإضافي .. الحمد لله من وقتها ما فيه تسريبيشن

اقتباس:

---

المشاركة الأصلية كتبت بواسطة عايش فرحان

حسب علمي.. احسن شركة في قطر هي المسند ثم تليها بدرجة اقل تدمر.. نهاريا ما سمعت عنها ( يمكن معلوماتي قديمة ).

بالنسبة لانهم ما يردون على اسالتك .. انت في قطر يا عزيزي.. اي شركة تشبع شوي و تحس ان فيه عليها طلب.. يتعاملون معاك بفوقية و لا يردون على مكالماتك حتى!!

---

بصراحه نهاريا حسب ما سمعت لاكن تحت التجربه
واتفق معاك ف الجزئيه الاخيره

اقتباس:

---

المشاركة الأصلية كتبت بواسطة ولد المنصور

تجربتي مع شركه المسند من 2012 اعطيها سبع نجوم

---

يقولون صار عندهم بعد شركه ابناء المسند. مادرينا وين الافضل

اقتباس:

---

المشاركة الأصلية كتبت بواسطة معماري قطري

صبحكم الله بالخير

دوم في الأعمال التخصصية خذ المضمون وتحت اشراف استشاري وللعازل أشوف الدبل سكريد أفضل وشرحته مرات عدة .. شركة المسند وشركة تدمر هم المعروفين والأفضل والمفروض غيرهم يثبتون وجودهم بالدعاية والتفاصيل والضمان

سامحني اخوي صاحي ضميره ما شفت رسالتك الا اليوم وحاولت ارد ما يصير فيه شيء غلط ما عرفت وين يمكن الكمبيوتر فيه مشكلة

وبعد حلو نعرف التجربة والسعر والتفاصيل كمتابعة منك نستفيد كل يوم يطلع شيء جديد .. انا والله نسيت أي شركة سووا لي بس عقدي مع المقاول الرئيسي ودبل سكريد ولله الحمد 17 سنة للآن ما فيه مشاكل .. تصدقون حتى الضمان ما فكرت فيه وقتها .. ممكن تدمر لأن عندي جزء من الصالة سقفها مستوى مختلف عن بقية البيت وفيها قبة سربت القبة شوي من حول 5 سنين واستعجلت جبت تدمر يسوون عزل خشن خارجي فوق الموجود والمساحة 6.1 في 7 أو أقل شوي من 7 كلفني مبلغ نسيته كم وطق مطر وسرب بعد وكلمتهم وجاوا عدلوا وتأكدوا وكل شيء كان زين بس نزل مطر وسرب والقبة فيها 8 درايش منحنية والتركيب ببراغي وسيليكون خاص وقوي ودبل مع قطعة ألمنيوم فوق حماية كلش ما تخيلت وحدة منهم تنفك وكان معالجة هذا سهلة وتكلفتها سيليكون والسايق عندي اكتشف الخلل بعد التدقيق والتساؤل الماي من وين يجي وبعد ما دفعت مبلغ كبير للعزل الإضافي .. الحمد لله من وقتها ما فيه تسريبيشن

---

لا افا عليك يالغالي معذور فديت خشمك
والله اتفقنا معاهم ع العازل المائي القطري وانه مايقل كفاءه عن الايطالي ووتوكلت ع الله

اقتباس:

---

المشاركة الأصلية كتبت بواسطة سعود.

روح شركة ( نهاريا ) شغل 100‎%‎

---

هلا بالغالي بعد التجربه
شغل الربع اللي قلنا عنهم
والله يوم نقعت الماي
بعدها بيومين
البنت هاوس بقع من الماء يعني خر
والغرف كلها.. بقع من تسريب
والفورمن حاول يقعني. قلت لو سمحت لا تستغفلني
واضح تسرب ماي
وانصح كل واحد اذا بيشك ع تسرب الماء
يشيك في الليل يبين كل شي

غريبه مو عوايدهم كذا .

اقتباس:

---

المشاركة الأصلية كتبت بواسطة صاحي ضميره

هلا بالغالي بعد التجربه
شغل الربع اللي قلنا عنهم
والله يوم نقعت الماي
بعدها بيومين
البنت هاوس بقع من الماء يعني خر
والغرف كلها.. بقع من تسريب
والفورمن حاول يقعني. قلت لو سمحت لا تستغفلني
واضح تسرب ماي
وانصح كل واحد اذا بيشك ع تسرب الماء
يشيك في الليل يبين كل شي

---

شركة نهاريا لازم تشيك عليهم في النهار :app2:

ايه والله اخوي سعود.. من كثر الشغل موب ملحقين بس موب عذر هذي حقوق ناس
اخوي معماري.. ههههه انا اشهد..

اقتباس:

---

المشاركة الأصلية كتبت بواسطة صاحي ضميره

ايه والله اخوي سعود.. من كثر الشغل موب ملحقين بس موب عذر هذي حقوق ناس
اخوي معماري.. ههههه انا اشهد..

---

الله يعينك اخوي

الله يذكر شركة المسند بالخير .. اشتغلوا عندي في نفس الوقت اللي كانوا يشتغلون فيه في مطار حمد الجديد و ايضا كانوا ماسكين نص المدراس الحكومية اللي تنفذها اشغال .. لا تعذروا و لا طوفوا مواعيد.. ولا حسسوني ان بيتي مب مهم عندهم

ملاحظ عن كل اصحاب الشركه ياعايش كلمه اسمحلنا مشغولين.. انزين وين حقوق الناس. هاي عذر الحين

اقتباس:

---

المشاركة الأصلية كتبت بواسطة صاحي ضميره

ملاحظ عن كل اصحاب الشركه ياعايش كلمه اسمحلنا مشغولين.. انزين وين حقوق الناس. هاي عذر الحين

---

للأسف ما فيه حماية للملاك من استغلال الشركات والجهات المختصة حابين الشغلة إذن من طين وإذن من عجين